116. పుష్పధామము

పుష్పధామము

• పూలతోటలన్ని భూలోక

  స్వర్గధామములవుతుంటే

  స్వర్గలోక దేవతలే 

  నందనవనము లో ని పుష్పములు.

• పువ్వులు ఎన్నున్నా పరిమళమన్నది ప్రత్యేకం.

• పువ్వుల రూపం ఏదైనా రమణీయం ఒక్కటే.

• పూరంగులు ఎన్నైనా రంజనమనమే ప్రత్యేకం.

• పూపరిమళం ఏదైనా పరవశం ఒక్కటే.

• తొలకరి తొడిమ న ఊయల ఊగుతూ, 

  ఊగిసలాడే మొగ్గ లోని మనోహరం 

  మొక్క కెంతో సింగారం.

• వసంతాన కేరింతల లో, 

  విరజిల్లే పరిమళం తో, 

  వికసించిన పుష్పానికి, 

  ఫ్రౌడ(యవ్వనం) మెంతో పారవశ్యం.

• చేతి లో చేరిన చామంతులు 

  చెక్కిలి గిలికి చెలగాటమాడుతుంటే 

  సిగలో చేరిన మల్లెలు సిరిసిరిమువ్వలా 

  సిగ్గు పడుతున్నాయి.

• ఎదపై చేరిన మాల కనక “ అంబరాల “

   ఆనందంతో ఉంటే 

   పాదముల చేరిన పారిజాతాలు పూజకు 

   తపించే పద్మములై ఉన్నాయి.

• గులాబీ ల గుబాళింపు గుండె లోన

   అలజడులవుతుంటే

   మల్లె లోని ఉద్వేగమే మరువలేని మైధునం.

• విరజాజి ల   విరహమే   వరూధినికి 

   వన్నె తెస్తుంటే

   బంతి  లోని  బరువు శరీరానికి ఉల్లాసము.

• సంపెంగ సుగంధం వెన్నెల రాత్రి లో 

  విహారం చేస్తూ ఉంటే

  చందమామ కలువలా చూస్తూ ఉంది.

•  లిల్లీ ల   లీల లే  సంగమ  కేళి లో  

   కెరటాలవుతుంటే

   మొగలి పువ్వు  మన్మధునికై పరితపిస్తూ ఉంది.

• మనసు నెరిగిన మందారం 

  మగువని పిలుస్తూ ఉంటే

  సిత్రాల  సన్నజాజి  నడుము కై  

  వెతుకుతూ ఉంది.

• పులకరించే పువ్వులు పలకరిస్తూ ఉంటే

  ప్రేయసి పలుకుకున్నా

  పువ్వులు పదముల  రూపం లో  పోంగి పొర్లి

  ప ద ని స లై    ప్రియురాలి చెంతకు చేరాయి.

యడ్ల శ్రీనివాసరావు 16 Dec 21 9:00 pm.