నటరాజ వైభవం
• నటరాజ నీ రూప నీరాజనం......కనులారా అరవింద శ్రీ రాజసం.
• రసరంజ రాగానికి నర్తించే నీ నాట్యం.....సృష్టి స్థితి లయల సోపానం.
• బ్రోటనవేలి బింబం పై తాండవమాడే అభినయాల ఆనందరూపా.
• నవరసాల అష్టాశత(108) భంగిమలతో నలుదిక్కుల నడయాడే నీ నాట్యం విశ్వ సమ్మోహనాస్త్రం.
• నీ ఉచ్ఛ్వాస నిచ్ఛ్వాసాలే జనన మరణాల చక్రం.
• నీ జటాజూట అలల తరంగాలకు, మా డబ్బెది రెండు వేల నాడులు కంపనలై, ప్రకంపనలై అణువణువున జ్వలించెను మా లో ఓంకారం.
• ఆహా! ఏమి ఈ అద్భుతం ఈశ్వరా! పరమేశ్వర!.
• నీ అడుగుల సవ్వడులే ఖగోళ కదలికల పర్యంతం.
• నీ చూపుల మోహం.....అనంత విశ్వ తారల తళుకుల తేజం.
• నీ దేహం అనంత వాయువుల ఖగోళ శక్తికి కర్మాగారం.
• అజ్ఞానాన్ని అణగదొక్కే నీ పాద సంకేతం.....మానవ జన్మ స్థితికి కారకం.
• నీ రూపం నిరాకారం.....అదియే చిదంబర రహస్యం.
• చిదానంద రూపం.... శివోహం శివోహం.🙏
No comments:
Post a Comment