132. అమ్మా.....అమ్మా

 

 అమ్మా.....అమ్మా

• అమ్మా…. అమ్మా

• నీ దీవెన తో వెలిగించిన ఈ చిన్ని దీపం

• వెలుగు వెన్నెల గా మారేనా….

• వేదనను దూరం చేసే నా…..

• నీ ఒడిలో ఆడిన ఆటలతో

• నీ లాలి పాటలతో…..

• నా లోని అలజడులే ఆనందాలు గా మారాయి.

• మమతనే పంచి….

• మనసునే తీర్చి…..

• మనిషి ని చేశావు.

• సంసార తోటలో , నీ సంరక్షణ నీడలో ,

• తొడిమను పుష్పము గా చేసి…..

• ప్రేమ పరిమళం నింపావు.

• నువు చూపిన ప్రపంచం ఆకాశమంత నిర్మలం గా ఉంటే …

• నా లోని ఆవేదన అణువణువునా నిండి ఉందమ్మా.

• నే నడిచే బాట లో అందమైన ప్రకృతి అలరిస్తుంటే……

• మార్గం మంతా ముళ్ల తోనే నిండి ఉంది.

• పాదముల పదును కి ముళ్లు ముడుచుకుంటున్నాయి కానీ….

• కనుపాప కు మాత్రం ప్రకృతి ఆందోళన గా కనపడుతుంది.

• తోటమాలి వి నీవమ్మా…..

• నీ తోడు కావాలమ్మా.

.

• కరుగుతున్న రోజులతో

• కనులముందు జీవితమంతా

• కలలా ఉంటుంటే….

• ఇల లోని జీవితం నిజమనిపించేది ఎన్నడో…

• నీ దీవెన తో వెలుగు నింపమ్మా…. దారి చూపమ్మా.

యడ్ల శ్రీనివాసరావు , ఫిబ్రవరి 8 , 2022 , 10:30 pm.