306. ఎవరు

 

ఎవరు

• ఏమని చెప్పను     నేనెవరిని చెప్పను

• చిరు గాలి    పలకరిస్తూనే

  జాలితో  నను  వీడి పోతుంది.

• సెలయేరు  నా మాట  వినగానే

  మౌనంగా   నిలిచి  పోతుంది.

• ఏమని చెప్పను    నేనెవరిని చెప్పను.

• జతపడ కున్న      ముడిపడి ఉన్న

  వారికి

  ఏమని చెప్పను    నేనెవరిని చెప్పను.

• ఆశలు తీరని    ఆవేదన తో    

  ఆకాశం లో

 ఎగిరే గువ్వనని చెప్పనా.

• ఊసులు చెప్పని   ఊహలు నిండిన 

  తారలలో

  వెలిగే   ధృవతారనని  చెప్పనా.

• ఏమని చెప్పను     నేనెవరిని చెప్పను

• జతపడ కున్న      ముడిపడి ఉన్న

  వారికి

  ఏమని చెప్పను   నేనెవరిని చెప్పను

• నిశ్శబ్దం   నింగి   అంతయై

  నా ఉనికిని   శూన్యం లో   కలిపేసింది.

• ఆరాధన   ఎండమావి  యై

  అంతులేని   ఎడారి నే   తలపిస్తుంది.

• జతపడి ఉన్న    ముడిపడి ఉన్న

  వారికి

  ఏమని చెప్పను   నేనెవరిని చెప్పను

• జీవము   లేని  దేహమై

  సజీవం తో   ఉన్న ఆత్మ నని  చెప్పనా

• మరణం  పొందిన  మనిషి గ

  మనుగడ లో   నిలిచి ఉన్నానని  చెప్పనా

• ఏమని చెప్పను   నేనెవరిని చెప్పను

• చిరు గాలి   పలకరిస్తూనే

  జాలితో  నను  వీడి పోతుంది.

• సెలయేరు  నా మాట  వినగానే

  మౌనంగా   నిలిచి  పోతుంది.

• ఏమని చెప్పను    నేనెవరిని చెప్పను

  జతపడ కున్న      ముడిపడి ఉన్న

  జతపడి ఉన్న      ముడిపడి ఉన్న

  వారికి

  ఏమని చెప్పను    నేనెవరిని చెప్పను.

యడ్ల శ్రీనివాసరావు 2 Feb 2023, 11:00 pm