శివ స్మరణం
• సాగించాలి కొన సాగించాలి శివ స్మరణం
అది యే ఆత్మకు అరుణ కిరణం.
• నీవు ఎవరో నీకు తెలియాలంటే
సాగించాలి కొన సాగించాలి శివ స్మరణం
• శివుడు ఒక్కడే పరమాత్ముడు
శివుని జ్ఞానమే మనిషికి ఆజ్ఞా చక్రం
అందులోనే దాగి ఉంది సృష్టి జన్మల రహస్యం.
• సాగించాలి కొన సాగించాలి శివ స్మరణం
అది యే జీవన చైతన్యానికి శిరో నామము.
• దేహనేత్రం లో నిలిచి ఉండేది మాయ
జ్జాననేత్రం లో నిలిచి ఉండేది సత్యం.
• బంధాలలో బందీగా మనిషి
ఎన్నో పాత్రలు వేస్తాడు.
కర్మలు ఎన్నో చేస్తాడు.
• ఎదో నాడు తనువును చాలించి
తిరిగి జననం తీసుకుంటాడు.
• ఇది యే జననమరణ చక్రం ….
కాలంలో తిరిగే ఆత్మ ప్రయాణం.
• సాగించాలి కొన సాగించాలి శివ స్మరణం.
• జన్మలు మారినా దేహం మారినా
నీ ఆత్మ ఒక్కటే.
• రూపం మారిన పాత్రలు మారిన
నీ సంస్కారాలు ఒక్కటే.
• నేటి జీవనం గత జన్మల కర్మల ఫలితం
నేటి కర్మలే మరు జన్మకు రూపం.
• ద్వేషం విడిచి స్వార్థం మరచి
ప్రేమను పంచి సేవను పెంచాలి.
జీవన్ముక్తి కి సాధన చెయ్యాలి.
• సాగించాలి కొన సాగించాలి శివ స్మరణం
• జననం సహజం మరణం సహజం
నడిమధ్య నాటకం సహజం
ఇది తెలుసుకొని జీవించడమే రాజసం.
• సాగించాలి కొన సాగించాలి శివ స్మరణం
సాగించాలి కొన సాగించాలి శివ స్మరణం
యడ్ల శ్రీనివాసరావు 9 Feb 2023 10:30 pm
.jpeg)
No comments:
Post a Comment