655.రాధే రాధే - రాదే రాదే

 రాధే  రాధే  . . . రాదే  రాదే

• రాధే రాధే    రాదే రాదే

  విరిసిన   విరజాజి   ఊగుతూ 

  చూస్తుంది   నీకై  .

• రాధే రాధే    రాదే  రాదే .

  తీగ న  మల్లి    నీ కురుల కై 

  వేచాను     అంటుంది 

  మల్లి  మల్లి .

• రాధే  రాధే     రాదే  రాదే 

  రాధే  రాధే     రాదే  రాదే .

• ఈ  సాయం   కోరింది    నీ సాయం .

  పౌర్ణమి  వెన్నెల న

  తొణికాడు    చంద్రుడు   

  పాల లో  .

• ఈ సమయం   వెలుగైంది   నీ కోసం .

  నందన   వనం లో

  తిరిగాడు   కృష్ణుడు  

  మురిపాల కై .

• రాధే రాధే     రాదే రాదే

• రాధే రాధే      రాదే రాదే .

  సంపెంగ    సొగసు తో

  సొమ్మసిల్లింది    నీకై .

• రాధే రాధే    రాదే రాదే .

  లాలన తో   లిల్లీ    నీ  ప్రేమ కై

  నోచాను  అంటుంది   

  మళ్లీ   మళ్లీ .

• రాధే రాధే     రాదే రాదే 

  రాధే రాధే     రాదే రాదే .

• ఈ ప్రాయం   కోరింది   నీ పరువం .

  గోపాల  రాగం లో

  మైమరిచాడు   మురారి   

  మాయ లో  .

• ఈ ప్రణయం   కలిసింది   నీ కోసం .

  గోకుల   తీరం లో

  పాడాడు  శ్యాముడు  

  మురిపెం గా .

• రాధే రాధే     రాదే రాదే

  రాధే రాధే     రాదే రాదే .

సాయం = సాయంత్రం , సహాయం.

ప్రణయం = పరిచయం.

యడ్ల శ్రీనివాసరావు 10 July 2025 8:00 PM.

654. గురు(వు) పౌర్ణమి

గురు(వు) పౌర్ణమి

• మనిషి ఉదయం లేచిన నుంచి నిద్రపోయే వరకు ఏదోక అంశం లోనో, విషయం పైనో ఆలోచిస్తూ నే ఉంటాడు. అసలు ఈ ఆలోచనలు ఎందుకు అంటే కర్మలు (పనులు) చేయడానికి. మరి ఈ కర్మలు సరిగా ఉంటున్నాయా ? అని ప్రశ్నిస్తే , వాటికి కారణభూతమైన, ఆలోచించే ఆలోచనలు అన్నీ కూడా సరైనవే నా ? కాదా ? …. ఇదంతా ఎలా తెలుసు కో గలం.

 ఎందుకంటే మనిషి తనకు తోచిన ఆలోచన తో కర్మ చేస్తే , దాని ఫలితం సంతోషమా? దుఃఖమా? ఏది లభిస్తుంది…. పాపమా? పుణ్యమా? ఏది లభిస్తుంది . అనేదానికి సమాధానం , కర్మ చేసేముందు తెలియాలి. అంటే మనం ఆలోచించే ఆలోచన సరైనదా కాదా అని మనకే తెలియాలి. ఇది తెలియాలి అంటే మనకు జ్ఞానం అవసరం.

• ఈ జ్ఞానం ఇచ్చేది , చెప్పేది కేవలం సద్గురువు మాత్రమే. సద్గురువు మనిషి లోని అజ్ఞానం అనే చీకటి పారద్రోలి ,   పౌర్ణమి వెన్నెల వంటి ప్రకాశాన్ని జ్ఞానం తో నింపుతాడు. అదే గురుపౌర్ణమి విశిష్ఠత .

ఈ కలియుగంలో, మనిషి ఎంత ధనం కీర్తి హోదా సంపాదించినా సరే జ్ఞానానికి నోచుకో లేక దుఃఖం తో విలవిలాడుతూ ఉంటాడు .  అది శారీరకంగా నైనా లేదా మానసికంగా నైనా ఉంటుంది . ఇది అంగీకరించ వలసిన పరమ సత్యం .

• అసలు జ్ఞానం అంటే ఏమిటి ?

జ్ఞానం అంటే  మనిషి బుద్ధి కి వెలుగు.   జ్ఞానం సముద్రం వలే అనంతమైనది వంటిది . జ్ఞానాన్ని  కొలవడం అసాధ్యం .  జ్ఞానం శివుని యొక్క సంపద . అందుకే శివుడిని  సద్గురువు మరియు జ్ఞాన సాగరుడు అని అంటారు.

 సృష్టి కర్త అయిన పరమాత్మ శివుడు తన జ్ఞానాన్ని  బ్రహ్మ కి ఇస్తాడు . బ్రహ్మ ఆ జ్ఞానాన్ని తన రచన ద్వారా లోకానికి అందిస్తాడు. యుగాల అనుసారం అది  సద్గురువు ల చే అది మానవులకు చేరుతుంది. 

సత్య యుగం, త్రేతాయుగాలలో  ఆది సనాతన దేవీ దేవతా ధర్మం ఆచరించడం వలన , సహజంగా జ్ఞాన వంతులై ఉంటారు . దీనినే బ్రహ్మ పగలు అంటారు. 

ద్వాపర, కలియుగాలు పూర్తిగా అజ్ఞానం నిండి ఉండడం వలన  బ్రహ్మ రాత్రి అంటారు .  ఈ యుగాలలో  భగవంతుని కోసం భక్తి చేస్తూ ఉంటారు కానీ , జ్ఞానం లభించని కారణంగా భగవంతుని యధార్థం తెలుసుకోలేరు. 

త్రేతాయుగం చివరి సమయం వచ్చేసరికి  ఆత్మ లలో ని  శక్తి  తగ్గి ,  వికారాలు ఆరంభం అవుతాయి . ఇదే  రావణాసురుని ఆగమనం. ఈ సమయం నుంచి  అజ్ఞానం మొదలై  వికారీ కర్మలు చేయడం ద్వారా దుఃఖం ఆరంభమవుతుంది.  అప్పుడు  జ్ఞానం కొంత అవసరం కలుగుతుంది.  

తదుపరి ద్వాపర యుగంలో దుఃఖం మరింతగా పెరుగుతుంది.  కలహాలు యుద్ధాలు మొదలై జ్ఞానం ఆవశ్యకత మరింత పెరుగుతుంది. 

ఇక కలికాలం వచ్చేసరికి  అజ్ఞానం పూర్తిగా రాజ్యమేలుతుంది. మానవుడు దుఃఖ సాగరంలో  మునిగి పోయి ఉంటాడు. మంచి చెడు ల వ్యత్యాసం మరచి  జీవించడం మొదలెడతాడు .

ఈ కలియుగ అంత్య  సమయంలో  స్వయం గా శివుడే  శక్తి స్వరూపమై , సద్గురువు అయి  ఒక వృద్ధ తనువు లో ప్రవేశించి , సృష్టి ఆది మధ్య రహస్యాలు , ఆత్మ పరమాత్మ  యొక్క జ్ఞానం తెలియజేస్తాడు .  

 

ఈ బ్రహ్మ జ్ఞానం  ఎవరైతే తెలుసు కొని పూర్తిగా  ఆచరిస్తారో వారు మాత్రమే బ్రాహ్మణులు గా  పిలువ బడడానికి అర్హత కలిగి ఉంటారు  .

• బ్రహ్మ జ్ఞానం లో అనేక గుప్త విషయాలు , కర్మల రహస్యాలు వాటి గతి ఉంటాయి. సృష్టి ఆది మధ్య అంత్య రహస్యాలు స్పష్టం గా ఉంటాయి. త్రికాల  పయనం , జన్మల రహస్యం తెలుస్తాయి. ధర్మం  విధి విధానం ఆచరణ స్పష్టం గా తెలుస్తుంది .

 సమస్య అనేది ఉండడం నిజం అయితే దానికి పరిష్కారం కూడా ఉంటుంది అనేది నిజం . ఈ పరిష్కారం జ్ఞానం ద్వారా మాత్రమే లభిస్తుంది. 

గీతా సారం పరమ జ్ఞానం . 

రెండవది, వేదాలు పురాణాలు ఉపనిషత్తులు శాస్త్రాలు , అర్దం కాని శ్లోకాలతో  ఢాంభికం ప్రదర్శించే  వారందరూ కూడా జ్ఞానులు అనేది కేవలం అపోహ మాత్రమే .   జ్ఞానం తెలిసిన వాడు ఎన్నడూ తన జ్ఞానాన్ని ప్రదర్శన  చేయడు.  పదిమందికి  నిస్వార్థం గా ఏదో రూపంలో  పంచుతాడు . 

•  ఎంతో  తపన  సాధన తో  భగవత్ ధ్యానం చేసిన మానవ రూపంలో ఉన్న కొందరు గురువు లకు , కొంత వరకు మాత్రమే  జ్ఞానం  లభించింది .  ఒకానొక కాలంలో సత్యమైన గురువులు అనేకులు ఉండేవారు.  

మరి ఇటువంటి సత్యమైన గురువులు నేటి మాయా లోకం లో ఉన్నారా  ?  ఉంటే  . . .  నిస్వార్థం గా  మనకు లభిస్తారా ?  అంటే . . . కొంత సందేహమే ?   ఎందుకంటే నేడు గురువులు అని చెప్పుకునే వారి కొందరి  తీరు . . . " పైసా  మే పరమాత్మ హై ‌"  అనే స్థితిలో ఉన్నారు .  ఎందుకంటే ఇది కలి మాయా ప్రభావంతో  నడిచే కాలం. 

• అందుకు ప్రత్యామ్నాయంగా . . .

 పరమాత్మ , జ్ఞాన సాగరుడు అయిన శివుని తో అనుసంధానం అయి ప్రతి రోజూ కొంత సమయం తెల్లవారుజామున   శివ స్మృతి మరియు స్మరణ చేస్తూ ఉంటే , సాక్షాత్తు శివుడే తప్పకుండా మానవ రూపంలో ఉన్న సద్గురువు చెంతకు, ఏదొక విధంగా చేరుస్తాడు . ఇందుకు ప్రత్యక్ష ఉదాహరణ ఇదంతా రాస్తున్న వాడు.

• సద్గురువు చెప్పిన జ్ఞానం వినుట వలన దుఃఖం తొలగుతుంది . ఆలోచనల లో పవిత్రత , పరిపక్వత వస్తుంది. తద్వారా శ్రేష్ట కర్మలు చేయడం సాధ్యం అవుతుంది, పిదప అనంతమైన సంతోషం లభిస్తుంది.

• మానవ శరీర పోషణ కోసం ఆహారం ఎంత అవసరమో, అదే విధంగా మానవుని లో ఉన్న ఆత్మ  ఉన్నతి సాధించడం కోసం ,  ముక్తి కోసం జ్ఞానం అంతే అవసరం . ఎందుకంటే ఒకసారి ఆత్మ లో సత్య  జ్ఞానం నిక్షిప్తమై ఉంది అంటే , శరీరం వదిలేసి (చనిపోయాక) మరో జన్మ లో శరీరం తీసుకున్న (పుట్టిన) తరువాత కూడా జ్ఞానం  బుద్ధి లో  , తరువాతి  21 జన్మల‌ వరకు కొనసాగుతూనే ఉంటుంది  .

• గురుపౌర్ణమి విశిష్టత తెలుసుకుని, శివుడిని నిత్యం ఒక గంట ఉదయం కానీ, సాయంత్రం కానీ  ఏకాంతం గా  45 రోజులు  మనసు తో స్మరిస్తే  సద్గురువు తప్పకుండా లభిస్తాడు .

• ఆడంబరంగా చేసే పూజ కంటే . . . . మౌనం తో చేసే శివ స్మరణ వంద రెట్లు ఉన్నతి నిస్తుంది .

  ఎవరు మంచి చెప్పినా ముందు వినడం అలవాటు చేసుకోవడం  ఉత్తముని  లక్షణం. వింటూ ఉంటే , ఏదో నాడు మంచిని అర్దం చేసుకోవడం , మంచిని మాట్లాడడం, మంచి మార్గం లో పయనించడం సహజంగా అలవాటు అవుతుంది . మంచి వలన కలిగేది మిగిలేది ఆనందం .

 ఈశ్వరుని ఆదేశానుసారం . . .

  అందరికీ గురు పూర్ణిమ శుభాకాంక్షలు 🙏

  ఓం నమఃశివాయ 🙏

  ఓం శాంతి 🙏 .

 సర్వేజనా సుఖినోభవంతు 

 యడ్ల శ్రీనివాసరావు 9 July 2025 11:00 PM .

653. సంకల్పాలు – నిదర్శనాలు

 

సంకల్పాలు – నిదర్శనాలు

• మనిషి కి  తన జీవితంలో  ఆశించిన వి , కోరుకున్నవి   తీరుతూ ఉంటే  మనసు లో సంతోషాన్ని  అనుభవించే తీరు  పెరుగుతూ ఉంటుంది. 

 కొన్ని సార్లు  ఉన్న స్థితి కి  అతీతమైనవి గా అనిపించినా సరే ,  ఊహించిన ఆలోచనలు ప్రయత్నం చేయకుండానే నిజం అయితే ఆనందం ఉరకలు వేస్తుంది.  అవి చిన్నవి అయినా, పెద్దవి అయినా సరే ఆశ్చర్యం లో మునిగి తేలుతూ ఉంటాం.  ఇది ఆత్మ విశ్వాసం పెరగడానికి దోహదం అవుతుంది. దీనినే సంకల్ప బలం అని కూడా అంటారు.

• పవన్ కళ్యాణ్  అనే వ్యక్తి సినిమా నటుడు గా కంటే కూడా, పది సంవత్సరాల క్రితం ప్రజారాజ్యం పార్టీ లో ఉన్నప్పటి నుంచి ఆయన ఆలోచన సరళి, నిజాయితీ కోసం ఎవరినైనా ధైర్యం గా ఎదిరించి  ఒంటరిగా పోరాటం చేయడం , ఆయన తన ధనాన్ని సహయత కి ఉపయోగించడం వంటివి నాకు ఆసక్తి  కలిగించేవి . నటుడి గా ఆయన మీద అభిమానం అనే దాని కంటే , ఆయనకు సమాజం పట్ల ఉన్న సరళి నన్ను  ప్రభావితం  చేసేది  . బహుశా ఇదే ప్రభావం తో , గత సంవత్సరం  ఎన్నికల  సమయంలో “జన గళం “ అనే పాట స్వతహాగా ప్రేరణ తో రాయడం జరిగింది .

  రాజకీయాల పై అంతగా ఆసక్తి లేని నాకు, ఇటీవల కొన్ని సభ లలో , ప్రతీ అంశం పట్ల లోతైన అవగాహన తో పాటు జ్ఞాన యుక్తం గా మూలాల్లోకి వెళ్లి మాట్లాడి, ప్రజలకు అర్దం చేస్తున్న తీరు నాకు చాలా బాగా అనిపించింది . ఒక నాయకుడు ఆధ్యాత్మిక చింతన , భావాలు కలిగి ఉండి రాజకీయంగా ప్రజలకు సామాజిక సేవ చేయడం , నైతికత ను పాటించడం అంటే అంత సాధారణ విషయం కాదు . అది అందరికీ సాధ్యం కాదు .

• సుమారు, నాలుగైదు నెలల క్రితం ఒక టి.వి. ఛానెల్ లో ఒక సభలో ప్రసంగిస్తున్న పవన్ కళ్యాణ్ గారి ని చూస్తున్నప్పుడు , మనసు లో అనిపించింది ఈయనను నేను అసలు డైరెక్ట్ గా చూడగలనా, కలవగలనా అని మనసులో బలంగా అనిపించింది. నా ఆలోచన కి నాలో నేను నవ్వు కున్నాను . ఎందుకంటే అది సాధ్యం కాదని నాకు తెలుసు. కానీ ఎందుకో ఒకసారి ఆయనను చూస్తే బాగుండు అని అప్పుడప్పుడు మూడు నాలుగు నెలల క్రితం అనిపించేది .

• ఒకరోజు . . . మే నెల 23 వ తేదీ రాత్రి 9:00 గంటలకు మా ఆశ్రమం నుంచి గురువుగారు అకస్మాత్తుగా ఫోన్ చేసారు .

 గురువు గారు : శ్రీనివాస్, … రేపు తెల్లవారు జామున 5 గంటలకు, మనం విజయవాడ వెళ్ళాలి . . . ఉదయం 9:00 గంటలకు ఒక ఫంక్షన్ కి హాజరు కావాలి , నువ్వు తప్పని సరిగా రావాలి, తిరిగి మధ్యాహ్నానికి వచ్చేద్దాం . . . నీకు రేపు వీలవుతుంది కదా .

 నేను : (ఏమీ ఆలోచించకుండా) సరే నండి.

  ఏ ఫంక్షన్ , ఏమిటి అని ఆయనను నేను అడగలేదు. ఏదో వివాహ కార్యక్రమానికి, గురువు గారు ఆశీర్వాదం ఇవ్వడానికి, వెళుతున్నా రేమో అని మనసు లో అనుకున్నాను.

• మరుసటి రోజు శనివారం , నాకు సెంటిమెంట్ గా Black Blue (Saturn colours) dress వేసుకుని 5:00 గంటలకు గురువు గారి తో విజయవాడ  బయలు దేరాము.

 విజయవాడ సమీపం లో కి వెళుతుండగా. . . 

 

నేను :   గురువు గారు . . . మనం హాజరు అయ్యేది పెళ్లికా ? . . . ఫంక్షన్ హాలు విజయవాడ లో ఎక్కడండి ?

  గురువు గారు : పెళ్లి కాదు . పవన్ కళ్యాణ్ ని కలవడానికి  తుమ్మల పల్లి కళాక్షేత్రం లో . ఈ రోజు ప్రకృతి జీవ వైవిధ్య సదస్సు (BIO DIVERSITY DAY) అక్కడ జరుగుతుంది. సేంద్రియ వ్యవసాయం చేస్తున్నటువంటి ముగ్గురు ఉత్తమ రైతులను రాష్ట్ర ప్రభుత్వం ఎంపిక చేసి, ఈ రోజు అవార్డు పవన్ కళ్యాణ్ గారి చేతుల మీదుగా ఇస్తున్నారు. ఇందులో మన కడియం గ్రామం నుంచి , బాగా తెలిసిన ఒకరికి అవార్డు వచ్చింది. ఆయన నిన్న నన్ను కలిసి గురువు గారు మీరు తప్పకుండా రావాలి , మీరు చూస్తుండగా నేను అవార్డు తీసుకోవాలి అని చెప్పి, VIP పాస్ లు ఇచ్చారు .

  నేను :  నాకు ఒక నిమిషం . . . ఏం అర్దం కాలేదు . ఇది కలా ? నిజమా ?  అనిపించింది .

• ఇంతలో విజయవాడ తుమ్మలపల్లి కళాక్షేత్రం చేరుకున్నాం .  విపరీతంగా పోలీసులు , సెక్యూరిటీ ఉంది . బయట విపరీతమైన పబ్లిక్ , వారిని లోనికి పంపించడం లేదు .

  అవార్డు గ్రహీత అయిన రైతు ద్వారా వచ్చిన పాస్ అవడం వలన స్టేజ్ ఎదురు గా మొదటి వరుసలో కూర్చునే అవకాశం లభించింది.

• సుమారు 11:30 గంటలు సమయం లో పవన్ కళ్యాణ్ గారు వచ్చారు. ఆయనకు ప్రత్యేకంగా 15 మంది Black commando protection  చుట్టూ వలయం ఉంది.

  ప్రోగ్రాం సుమారు రెండున్నర గంటల పాటు జరిగింది.   స్టేజ్ మీద పవన్ కళ్యాణ్ గారి ప్రసంగం 50 నిమిషాలు జరిగింది. ఆయనకు ఎదురుగా డైరెక్ట్ గా 15 అడుగుల దూరంలో మొదటి వరుసలో కూర్చోని చూస్తుంటే నాకు చాలా ఆశ్చర్యం అనిపించింది .

• ఆయన ప్రసంగం తరువాత, అవార్డు గ్రహీతల ను మాత్రమే స్టేజ్ పైకి  అవార్డు ప్రెజెంటేషన్ కోసం పిలుస్తున్నారు. 

ఆ సమయంలో  స్టేజ్ మొత్తం సెక్యూరిటీ కంట్రోల్ లో ఉంది .

• ఆ సమయంలో మా గురువు గారు మనసు లో సంకల్పం చేశారంట, పవన్ కళ్యాణ్ గారి ని స్వయం గా కలిసి ఆయనకు , తన తో తీసుకు వచ్చిన లక్ష్మీనారాయణల ఫోటో బహుకరించాలి అని . 

• ఇంతలో  మా కడియం రైతు గారిని స్టేజ్ మీద కి పిలిచారు . ఆయన పవన్ కళ్యాణ్ గారి చేతుల మీదుగా అవార్డు తీసుకుంటూ, పవన్ కళ్యాణ్ గారి కి ఏదో చెప్పారు. . . వెను వెంటనే పవన్ కళ్యాణ్ గారు సెక్యూరిటీ కి  సిగ్నల్ ఇవ్వడం, మా గురువు గారి ని , ఆశ్రమం లో సిస్టర్స్ ని స్టేజ్ మీద కి  వెళ్లడానికి  పర్మిషన్ ఇవ్వడం జరిగింది. మా గురువు గారు పవన్ కళ్యాణ్ గారి కి ఫోటో బహుకరించారు. 

గురువు గారితో కలిసి నేను స్టేజ్ ఎక్కుతుండగా , నేను white dress లో లేనని , సెక్యూరిటీ నన్ను stage steps వద్ధ ఆపేశారు . అప్పటికీ మా గురువు గారు , నన్ను పంపించమని సెక్యూరిటీ తో చెప్పినా , వారు నా డ్రెస్ కారణంగా నన్ను ఆపేశారు. . . అయితే నేమి దాదాపు మూడు గంటల సమయం , ప్రశాంతంగా అతి సమీపంలో ఎదురుగా కూర్చుని చూశాను. ఆయన హావభావాలు గమనించాను.

• గత కొన్నాళ్లుగా ఎన్నో ఎన్నెన్నో అనిపించిన ఊహించిన , సంకల్పాలు ఊహించని విధంగా నెరవేరడం ఆశ్చర్యం అనిపిస్తుంది .

ప్రయత్నం చేయకుండానే, మంచి సంకల్పం తో నెరవేరే  కోరికలలో  భగవంతుని  శక్తి, సహాయం దాగి ఉంటుంది. 

చెప్పడానికి  ఇది  అంత  విశేషమైన విషయం కానప్పటికీ  . . . 

సంకల్ప శక్తి కి  నిదర్శనం ఉంటుంది  అని వ్యక్తం చేయడానికి  మాత్రమే .

యడ్ల శ్రీనివాసరావు 7 July 2025 11:00 AM

652. భగవంతుని కి నీ అవసరం ఉందా?

 భగవంతుని కి  నీ  అవసరం ఉందా? 

• ఆశ్చర్యంగా అనిపిస్తుంది కదా . . . 

  భగవంతుని కి   నీ  అవసరం ఉందా ? 

  అవును  . . . ముమ్మాటికీ ఉంది .

• సాధారణంగా మనిషి తన కోరికలు తీరడానికి, తన దుఃఖం , సమస్యలు తొలగి పోవడానికి , సుఖం కోసం, అవసరాల కోసం భగవంతుని ప్రార్ధిస్తూ ఉంటాడు.

 ఇక్కడ , మనిషి తనకు మాత్రమే భగవంతుని యొక్క అవసరం ఉందని భావిస్తాడు. అందుకే పూజలు , భక్తి  చేస్తున్నాను  అంటాడు .

‌ కొన్ని సార్లు అయితే , నేను ఎన్ని పూజలు  వ్రతాలు చేసినా , నైవేద్యాలు సమర్పించినా దేవుడు  నా పై  ఇంకా కరుణ చూపించడం లేదు అంటాడు . నా సమస్యలు లేదా నా కోరికలు తీర్చలేదు  అంటుంటాడు . 

మరికొందరు అయితే , తమకు లేదా తమ వారికి ఏదైనా మరణం గాని , విషాద సంఘటనలు గాని సంభవిస్తే ,  ఆ భగవంతుడు ఓర్చుకో లేక పోయాడు ,  మా సంతోషాన్ని చూడ లేక పైకి తీసుకు పోయాడు  అని దూషణలు చేస్తూ నిందిస్తారు ‌.

 అంతే కానీ . . . భగవంతుడు వలనే మేము సంతోషంగా ఉన్నాము , భగవంతుడు మా అవసరాలు తీర్చాడు అని మనస్ఫూర్తిగా వ్యక్తం చేసే వారు చాలా చాలా అరుదుగా ఉంటారు . 

 మనిషి కి , భగవంతుడు కేవలం కష్టాల్లో మాత్రమే అత్యంత అవసరం అవుతాడు . ఎందుకంటే ఈ సమయంలో మనిషి నిస్సహాయడు గా ఉంటాడు కాబట్టి . మిగిలిన సమయం సందర్భాలలో  మనసు తో మాత్రం భగవంతుని  స్మరించడు .  

• ఇంతకీ భగవంతుని కి నీ అవసరం ఉందా అంటే ? . . . సమాధానం తప్పకుండా ఉంది.

• ఒక కుటుంబం లో . . . జన్మ నిచ్చిన తల్లి తండ్రలు  ఎన్ని కష్టాలు భరించి అయినా సరే తమ పిల్లల  పోషణ పాలన చేస్తారు. ఇది వారి బాధ్యత.  

పిల్లలు పెద్ద వారు అయిపోయినా  సరే , పెళ్లిళ్లు అయినా సరే, వారి పద్ధతులు సంస్కారాలు అలవాట్లు ఎలాంటివైన సరే తల్లి తండ్రులు జీవించి ఉన్నంత వరకు తమ పిల్లల మరియు మనుమల  సంరక్షణ , ప్రేమ కోసం విలవిలాడుతుంటారు . పొరపాటున కూడా తమ పిల్లలకు అపకారం తలపెట్టరు .

• అదే విధంగా  . . . 

ఈ సృష్టి లోని మానవులు అందరూ భగవంతుని సంతానం. ఇది జగమెరిగిన సత్యం. భగవంతుడే సృష్టి కర్త . అందరికీ తల్లి మరియు తండ్రి . మరి భగవంతుడు అయిన తండ్రి తన పిల్లలు అయిన మానవులందరి ని నిరంతరం సంరక్షిస్తూ ప్రేమ తో ఆలనా పాలనా చూస్తాడు. ఇది ఆయన భాధ్యత.

• అందుకే భగవంతుని కి  నీ అవసరం ఉంది. ఆయన నిన్ను ఏనాడూ విడిచి ఉండడు, ఉండలేడు . అలాగే ఆయన నిన్ను విడిచి పెట్టడు , నేటికీ విడిచి పెట్టలేదు కూడా .

 ఎందుకంటే  భగవంతుడు కూడా కర్మ సిద్ధాంతానికి   లోబడి   తన కర్తవ్యం , ధర్మం నిర్వర్తిస్తాడు .  ఈ సృష్టి లోని తన సంతానం అయిన మానవులందరి సంరక్షణ చేస్తాడు. ఇది ఆయనకి అవసరం. భగవంతుడు కర్మ సిద్ధాంతానికి అతీతం కాదు.

• కానీ . . . కానీ . . .

 సాధారణంగా ఈ భౌతిక ప్రపంచంలో  , ఏ కుటుంబం లో  నైనా   పిల్లలు  తమకు జన్మ నిచ్చిన   తండ్రి  చెప్పిన విధంగా  నడచుకోక , తండ్రి ని  విలువ గౌరవం తో  గుర్తించక కాదని విడిచి తమ  ఇష్టానుసారం  దూరంగా వెళ్లి పోతే , అదే విధంగా  తల్లి తండ్రుల ను   మనసు లో నుంచి  చెరిపి వేసి , మరచి పోతే  ఆ  తండ్రి మాత్రం  ఏం  చేయగలడు .

  అదే విధంగా సృష్టి కర్త , తండ్రి , పరమాత్మ , భగవంతుడు అయిన శివుని యొక్క యధార్థం తెలుసుకోక , శివుని తో అనుసంధానం కాకుండా మానవులు ఉన్నప్పుడు తండ్రి శివుడు మాత్రం ఏం చేయగలడు .

• నేటి కాలంలో మానవుడు పూర్తిగా మాయ కి వశం అయి వికారాలతో అనేక వికర్మలు చేస్తూ శివుడు అయిన తండ్రి ని పూర్తిగా మరచి పోయి , నేను అనే అహం తో విర్రవీగుతూ ఉంటాడు .

శివుడు అంటే కేవలం గుడిలో ఉండే జడ లింగం అనుకుంటాడు. 

కానీ శివుడు అంటే ఈ విశ్వశక్తి అని ,  ఆ శక్తి నే ఆధార భూతం చేసుకొని మనిషి తాను ప్రాణం పోసుకొని, నేడు జీవనం సాగిస్తున్నాడని విషయం పూర్తిగా మరచి పోయి ఉంటాడు. 

ఆ విశ్వ శక్తి లోని పంచభూతాల మిళితం వలనే తన జన్మ ఆవిర్భావం జరిగింది అని మనిషి తెలుసుకోడు . తాను శివుని సంతానం అని అనుకోడు . తనలో నిండి ఉన్నది శివశక్తి అని స్పృహతో  గ్రహించక , లేనిపోని వికారాలకు , వ్యసనాలకు తన శక్తి ని ఉపయోగిస్తాడు మానవుడు .

• శివుడు ఇదంతా చూస్తూ, అయ్యొ నా పిల్లలు అమాయకులు మాయ లో పడి నన్ను మరిచారు. మాయ వీరిని పూర్తిగా తినేస్తుంది , నేను ఎలాగైనా సం రక్షించాలి అనే తపనతో నిరంతరం ఎదురు చూస్తూనే ఉంటాడు శివుడు . ఇదే భగవంతుని కి నీ పట్ల ఉన్న ఏకైక అవసరం . 

భగవంతుడు విశ్వ సృష్టి కర్త , అయినా సరే విశ్వాధికారి గా   ఉండజాలడు .  విశ్వ పరిరక్షణార్ధం  సేవకునిగా ఉంటాడు.  అవసరమయినపుడు  పునరతి కోసం ప్రక్షాళనం చేస్తాడు . 

• కానీ , మాయకు వికర్మల కి బానిస అయిపోయి న మానవుడు తన తండ్రి శివుని యధార్థం తెలుసుకోడు . శివుని తో అనుసంధానం అవడు , అవలేక పోతాడు . ఎందుకంటే , ఎన్నో జన్మలు గా తెలిసి తెలియక చేసిన పాప కర్మల మిగిలి ఉన్నందున .

 మనిషి శివుని తో అనుసంధానం కావాలంటే  భౌతిక ప్రపంచం లో   కర్మ శేషం , బుణాలు తీరి పోవాలి . అంత వరకు , శివుని యధార్థం తెలియక ఒక విగ్రహం, లింగ రూపం  మాత్రమే అనుకొని   భక్తి  చేస్తూ  ఉంటాడు .  

• ఈ సృష్టి లో   మనిషి ది  ఎన్నో  జనన మరణాలు కలిగిన జన్మ  జన్మల నిరంతర ప్రయాణం .  తలపై  ఉన్న  వికర్మల భారం తీరాలంటే శివుని స్మృతి నిత్యం ఉండాలి . తిరిగి ఎటువంటి వికర్మలు చేయ కూడదు.

*వికర్మలు అనగా  చెడు కర్మలు, పాపాలు. ఇతరులకు దుఃఖం ఇచ్చుట వంటివి .

ఓం నమఃశివాయ 🙏

On the way to PUNE ✍️

యడ్ల శ్రీనివాసరావు 5 July 2025 ,11:00 PM.

651. శివోన్నతి

 

శివోన్నతి

• తనువు న    నీ  వే

  తపన లో     నీ   వే

  అణువణువు న   స్మృతి లో   నీ   వే

  బాబా   . . .   ఓ  శివ బాబా .

• నీ   తోడు   లేని    దారి    ఎడారి

  నీ   నీడ     ఉన్న   గూడు  సవారి .

• తల్లి వై    చేర    దీశావు 

  తండ్రి వై   రక్ష   నిచ్చావు  .

• నీవు   లేని   జీవితం    అగమ్యం 

  నిన్ను  నోచుకోని  జన్మం   వ్యర్దం ‌.

• తనువు  న    నీ  వే

  తపన   లో    నీ  వే

  అణువణువు న    స్మృతి  లో   నీ   వే

  బాబా   . . .   ఓ శివ బాబా

• చేతి     రేఖ లోని    త్రిశూలం తో

  తల   రాత నే      తిరగ   రాసావు .

• నుదుటి    రేఖ లోని    త్రి కాలాన్ని

  చేతి   రాత తో     తిరిగి  చూపావు .

• సంకల్ప   శక్తి తో

  అసాధ్యాల   సు సాధన   తెలిసింది .

• సత్యమైన   స్నేహం తో

  నీ  ప్రీతి   ప్రేమ  పాత్ర     దొరికింది .

• తనువు  న    నీ  వే

  తపన    లో   నీ  వే

  అణువణువు  న   స్మృతి లో    నీ వే

  బాబా   . . .   ఓ శివ బాబా ‌.

• నీ   తోడు లేని   దారి   ఎడారి

  నీ   నీడ  ఉన్న  గూడు  సవారి .

బాబా = తండ్రి.

సవారి = పల్లకి 

యడ్ల శ్రీనివాసరావు 5 July 2025 5:30 PM.

On the way to PUNE ✍️.

650. జాలి దయ కరుణ బలమా? బలహీనతా?

జాలి  దయ  కరుణ 

• జాలి దయ అనేవి  దైవీ గుణాలు . జాలి దయ లేని   మనిషి ని  కర్కోటకుడు, క్రూరుడు , అసురుని గా పరిగణిస్తారు. నిజమే కదా . . .  మానవుని  ఆత్మ  ఉన్నతి  చెందడానికి  జాలి దయ అనే  గుణాలు  మార్గదర్శకాలు .

జాలి అంటే  ఒకరి పరిస్థితి ని చూసి బాధపడడం ,  ఉదాసీనత  చూపించడం  కానే  కాదు .   మన మనసు యొక్క భావోద్వేగాన్ని , సంకల్ప  స్థితి తో   ఎదుటి వారి  పరిస్థితిని  చక్కదిద్దేందుకు  ఉపయోగపడే  శక్తి శాలి  దైవ గుణం  జాలి .

దయ అంటే అంటే ,  మనిషి  లోని  హింసను ప్రేరేపించే   కోపం, అహం  వంటి లక్షణాలను  రూపుమాపేందుకు  ఉపయోగపడే  శక్తి  శాలి  దైవ గుణం . 

• నవరసాలలో  ఒకటైన కరుణ రసం యొక్క ప్రతి  రూపాలు జాలి దయ . ఈ సృష్టిలో ఒక మనిషి తో పాటుగా  తోటి జీవులు  మరెన్నో ఎన్నో ప్రాణులు , జీవించాలంటే జాలి దయ కరుణ అనేవి అవసరం.  లేదంటే హింస రాజ్యం ఏలుతుంది .   నేటి కలి రావణాసురుని కాలం లో  ఈ హింస ఎంత గా ఉందో నిత్యం ప్రత్యక్షం గా  చూస్తునే ఉన్నాం.

నారాయణుడే   నరుడు . . . .  నరుడే నారాయణుడు అని నానుడి ఉంది . కరుణ అనే గుణం  దేవతల   నుంచి  మనిషి కి  వారసత్వ పరంపరగా ఆపాదన   కావించబడినది .

• ఈ గుణాలు సత్యమైన ప్రేమ చిగురించడానికి ఆధారం అవుతాయి . కరుణ జాలి దయ ఉన్న మనిషి సహజంగా  ఇతరుల యొక్క కష్టాలు , ఆపదలు, సమస్యలు,  వైకల్యాలు , వైఫల్యాలు , బలహీన జీవన స్థితి  గతులను చూసిన వెంటనే ప్రభావితం అవుతాడు .  భావోద్వేగంతో    సహాయం చేస్తాడు . ఎటువంటి పరిస్థితుల్లోనూ హింసను ప్రేరేపించడు .

• ఒక మనిషి కి  ఇతరులు  నోరు తెరిచి   సహాయం ఆర్జించక పోయినా ,  మనసు లో  జాలి అనే భావన కలగడం నిజంగా చాలా గొప్ప స్వభావం . . . 

కానీ  ఈ గొప్ప లక్షణాలు అయిన జాలి దయ . . .

నేటి కాలంలో మనిషి కి బలమా ? లేక బలహీనతా ? 

లేక  ఈ బలమే బలహీనత అవుతుందా ?  

లేక ఈ బలహీనత లోనే బలం దాగి ఉందా ? 

 

• జాలి అనే భావన వలన  ఇతరుల యొక్క సమస్యల పట్ల స్పందించడం, సహయ సహకారాలు అందజేయడం తద్వారా ఆత్మ సంతృప్తి పొందడం జరుగుతుంది.

• ఈ స్థితి ని సమర్ధవంతంగా ఆచరించాలి అంటే, మొదట స్వయం పై జాలి చూపించు కోవాలి . అంటే  మనిషి  తనపై తాను  జాలి చూపించు కోగలగాలి.  దీనిని స్వీయ కరుణ అంటారు.

మనిషి కి తనపై తనకు జాలి కలిగిన నాడు తన యధార్థ స్థితిని తెలుసు కొని , ముందుగా తనకు తాను సహాయం చేసుకోవడం తో  ఉన్నతి చెంది బలోపేతం కావడం లో  సఫలత  సాధిస్తాడు .

ఈ విధానం లో  జాలి , దయ అనేవి మనిషి కి మానసిక బలం అయి , ఆత్మ బలం  పెరుగుతుంది.

• అలా కాకుండా  . . . .   స్వయం పై (తనపై తాను) జాలి చూపించుకోకుండా  , ఇతరులు సహాయం కోరినపుడు   జాలి  చూపించడం వలన ,  ఒక  ఉదాసీనత ఆవహించి , బలహీనత నొంది ఇది  క్రమేపీ repeat అయినపుడు slow poison అయి ,  చివరికి  మనిషి తనను తాను కోల్పోవడం అవుతుంది .  ఇది మంచికి పోతే చెడు అయింది అనే నానుడి వంటిది. 

 ఈ విధం లో   తాను ఇతరుల పై చూపిన జాలి ని , తిరిగి తానే ఏదో నాడు ఇతరుల నుంచి పొందవలసిన స్థితి వస్తుంది. 

• ఈ విధానం లో జాలి,  దయ  అనేవి   బలం నుంచి బలహీనత గా మారి , ఆత్మ బలహీనత  అవుతుంది  . 

• కొందరు, తమను ఇతరులు సహాయం అడగకపోయినా సరే పదే పదే జాలి చూపిస్తూ , సహాయం చేస్తారు. పైకి చూడడానికి ఇది మంచి తనం లా అనిపిస్తుంది , కానీ ఇది వారి బలహీనత  అని గమనించలేరు .  వీరు , ప్రతీ విషయానికీ అతిగా జాలి చూపించడం అనేది బలహీనతగా అనుకోకుండా , అదే  తమ బలంగా భావిస్తూ జీవిస్తూ ఉంటారు. అంతకు మించి వీరి  స్పృహ కి ఏమీ తెలియదు . . . పైగా ఇటువంటి వారిని చూసిన వారంతా కూడా  పాపం జాలి గుండె కలవారు  అని జాలి చూపిస్తారు. ఇది అత్యంత విచారకరం.

ఈ విధానం లో  అతి జాలి దయ అనేవి బలహీనతగా మారి  అదే బలంగా గా  వారు భావించడం జరుగుతుంది. 

జాలి ని తమపై తాము చూపడం ఆత్మ బలం . 

జాలి ని ఇతరుల పై చూపడం ఆత్మ విశ్వాసం.

జాలిని అతిగా చూపడం ఆత్మ బలహీనత . 

జాలి ని ఆశించడం ఆత్మ విశ్వాస లోపం .

• తనను మాలిన ధర్మం ఎప్పుడూ చెడుతుంది . జాలి దయ గుణాలు ఉండాలి. కానీ ,ఒకరు నోరు తెరిచి అడగని నాడు జాలి చూపిస్తూ సహాయం చేయడం అనేది నేటి కాలంలో ముమ్మాటికీ చేటు.

• మొదట తనపై తాను జాలి చూపించు కో లేక ఇతరులపై చూపించిన వాడు బలహీనుడు. ఎందుకంటే తనపై తాను చూపించుకునే జాలి , తన లోని వాస్తవ స్థితి ని తనకు చూపిస్తుంది.

• తనను తాను ప్రేమించుకో లేని వాడు  ఇతరులకు ప్రేమ ఎలా ప్రేమించగలడు . అదే విధంగా ఇతరుల నుంచి ప్రేమ ను ఆశించి ఏం చేయగలడు .

• ఏ మనిషి కైనా   తన లోని మంచి గుణాలు , తనకు ఒక ఆస్తిగా , దైర్యం లా అనిపించాలి . అంతే కానీ  అవి ప్రతిబంధకాలు గా,  బలహీనతలు గా  , లేని పోని సమస్యలు తెచ్చి పెట్టుకునేవిగా కాకూడదు . . . ఆ మంచి గుణాలను మనలో స్థిరీకరించడం  రక్షణ  అవుతుంది.  ఆ తరువాత  ఇతరులకు  ధారణ చేయడం ద్వారా  లోక కల్యాణం జరుగుతుంది. 

ఓం నమఃశివాయ 🙏

ఓం శాంతి 🙏

యడ్ల శ్రీనివాసరావు 1 July 2025 10:00 PM .

649 . చిన్నారుల సంబరాలు

 చిన్నారుల సంబరాలు 

• చిట్టి   పొట్టి  ఆటలు    

  చిన్నారి    సంబరాలు 

  చిన్నారి   సంబరాలు   . . .

• నా   చిన్నారి   సంబరాలు

  చిటుకు   చిటుకు  మంటూ

  చెల రేగాయి   చెలిమి తో .

• కోతి  కొమ్మ  లాటలు   

  పొన్నారి  సోయగాలు

  పొన్నారి    సోయగాలు . . .

• నా   పొన్నారి   సోయగాలు

  తళుకు   తళుకు మంటూ

  కలబోసాయి   కలిమి గా .

• చినుకుల   గెంతుల తో   

  చిలిపిగా   ఆడాము .

  పేపరు   పడవల తో   

  కేరింతలు   కొట్టాము .

• బురద లో   మాధుర్యం   

  చవి   చూసాము .

  వరద లా    ఆనందం    

  అనుభవించాము .

• చెప్పలేని   భావాలు    

  ఈ  చిత్రాలు  .

  చెప్పి  న ర్థం   చేసు కో   లేవు   

  ఎన్నో   బాల్యాలు .

• చిట్టి   పొట్టి   ఆటలు    

  చిన్నారి  సంబరాలు .

  కోతి   కొమ్మ  లాటాలు   

  పొన్నారి  సోయగాలు .

• తైతక్క  లాటడుతూ  

  కొంటె   చేష్టలు   చేసాము .

  ఎంగిలి   తాయిలాల ను

  పంచుకు  తిన్నాము .

• ఈడు లోని    తోడు లో 

  స్నేహం    చూసాము .

  అనుభూతులు   ఉద్వేగాలు 

  పంచుకున్నాము .

• చెప్పలేని    భావాలు    

  ఈ  చిత్రాలు .

  చెప్పి  న ర్థం   చేసుకో   లేవు 

  ఎన్నో   బాల్యాలు .

• చిట్టి  పొట్టి   ఆటలు 

  చిన్నారి   సంబరాలు .

  కోతి  కొమ్మ  లాటలు 

  పొన్నారి   సోయగాలు .

• బాల్యం లో   మేమంతా 

  ఎగిరే   తూనీగలం .

  అలుపెరుగని   ఆటలతో 

  ఆరితేరాము .

• కోరికలు   ఎరుగని 

  కడు   సామాన్యులం .

  చిరుతిళ్ళు    తోనే  

  సంతోష   పడ్డాము .

• సినిమాల    కెళితే    

  చిరంజీవి లం  .

  బడి లోన    మాత్రం  

  బిక్కు   బిక్కు    ఉడత లం .

• తరగని   ఆత్మీయత లే 

  మా  ఆస్తి .

  అందు కే       నేటి కీ 

  పొందలే దు   మేము  సుస్తీ .

• చిట్టి   పొట్టి  ఆటలు 

  చిన్నారి   సంబరాలు .

  కోతి  కొమ్మ  లాటలు 

  పొన్నారి   సోయగాలు

• చిన్నారి   సంబరాలు  . . .

  నా చిన్నారి   సంబరాలు

• పొన్నారి    సోయగాలు   . . .

  నా  పొన్నారి  సోయగాలు

పొన్నారి = మనోహర మైన

సోయగాలు =  అందాలు 

యడ్ల శ్రీనివాసరావు 26 June 2025 10:30 PM