800. ప్రతిభకు గుర్తింపు కావాలా ?

 

ప్రతిభకు గుర్తింపు కావాలా . . .

అవసరం లేదు. ప్రతిభకు గుర్తింపు అవసరం లేదు.

ప్రతిభ  గుర్తింపు ను ఆశిస్తుందా ? . . . 

ఆశించదు . ఒకవేళ గుర్తింపును ఆశిస్తే అది  ప్రతిభ కానే కాదు . 

ప్రతిభ (Talent) అనేది అతి సహజతత్వం తో ఉద్భవిస్తుంది. ఒక మనిషి ఏ రంగం లో నైనా, ఏ అంశం లో నైనా సరే ప్రతిభావంతుడు అంటే అది ఆ జన్మలో  అతనికి సహజ లక్షణం లేదా సహజ తత్వం. 

కఠోర శ్రమ సాధన లతో  నైపుణ్యం సంపాదించవచ్చు కానీ ప్రతిభను సాదించలేము.

Talent is natural phenomenon for a person provide  by Nature, God and Universe.

ప్రతిభ యొక్క ప్రధాన ధర్మం సృష్టించడం (Creation ) , రక్షించడం (Protection) . ఇందులో నే  సృష్టి రక్షణ  అనే విధి ఇమిడి ఉంటుంది. 

ప్రతిభ కు , కార్యం(పని) సహకరిస్తూ అలవోకగా  సిద్ధిస్తుంది. 

ప్రతిభ అనేది ఎన్నో ఎన్నో అనుభవించిన (multiple experiences) అనుభవాల ద్వారా రూపాంతరమై ఒక సిద్ధతను సంతరించుకొని , మనిషి కి ఒక లక్షణం గా , ఒక సహజ అలంకారం గా   జన్మతః  వస్తుంది.  

ఈ అనుభవాలు అనేవి , అనేక జన్మ జన్మల ద్వారా అనుభవించి, అనుభవించి ఆరితేరి ఆత్మ లో నిక్షిప్తం చేసుకొని అది ఒక సంస్కారం గా ప్రతిభను మనిషి పొందగలుగుతాడు. ఇటువంటి ప్రతిభ ఏనాడూ గుర్తింపు ను ఆశించదు. ఒకవేళ ఏ వ్యక్తి అయినా తనలోని టాలెంట్ కు గుర్తింపు ఆశిస్తే , అది అసలు ప్రతిభ కానే కాదు. 

ప్రతిభ అనేది అనేకానేక రంగాల లో పరి విధాలుగా ఉంటుంది. 

నీ లో ఉన్న   అతీంద్రియ శక్తి ని  "ప్రతిభ"  అని నీ చుట్టూ ఉన్న వారు భావించవచ్చు. అది సహజం. ఎందుకంటే వారిలో  లేనిది   నీ లో  కనిపిస్తుంది కాబట్టి . కానీ , నీ లో ఉన్న ప్రతిభ నీకు ఎప్పుడూ కిరీటం కానే కాదు. అది నీకు సహజతత్వం . 

ఇందుకు  నిదర్శనాలు ఎన్నో ఉన్నాయి. ఒక 3 ఏళ్ళ చిన్నారి భగవద్గీత శ్లోకాలు అనర్గళంగా పాడుతుంది. ఒక 4 ఏళ్ళ అబ్బాయి ఎక్కడా నేర్చుకోకుండా నే అద్బుతం గా నృత్యం చేస్తాడు. ఒక 5 ఏళ్ళ బాబు universal Mathmatical problems సెకన్ల లో solve చేస్తాడు. కొందరు కళ్ళకు గంతలు కట్టుకొని అద్భుతమైన పెయింటింగ్ వేస్తారు.  ఇవన్నీ practice వలన సాధ్యం అయినవి కావు. 

చిన్న వయసు లో నే వీరు అంత ప్రతిభ ను ప్రదర్శన చేస్తున్నారంటే , వీరు గత జన్మల లో ఆ యా రంగాలలో ఎంతో ఎంతో కష్టపడి కృషి చేసి ప్రావీణ్యం పొంది ఉన్నారు . ఆ యా గత జన్మలలో వీరు ప్రతిభావంతులు అని చెప్పలేము.  కానీ ఆనాటి  ప్రావీణ్యమే   నేటి జన్మలో ప్రతిభ అవుతుంది.

అందుకే , ఈ జన్మలో ఎక్కడా ఏమీ నేర్చుకోకుండా నే  ఆ యా కళలలో ,  రంగాలలో ప్రతిభను సహజంగా నే చూపిస్తారు . ఇటువంటి ప్రతిభ ను విశ్వశక్తి ప్రకృతి తో కలిసి సహజ సిద్ధంగా గానే లోకానికి పరిచయం చేస్తాయి .

గుర్తింపు అనేది బాహ్య ప్రపంచానికి అవసరమైన అంశం . ప్రతిభ అనేది మనిషి అంతర్ముఖ ప్రపంచంలో నిక్షిప్తమైన అంశం. 

టాలెంట్స్ అనేవి ప్రతి మనిషి లో ఏదో ఒక అంశం పట్ల అంతర్ముఖం గా ఉంటాయి. కాకపోతే అవి బయట ప్రపంచానికి పరిచయం కావాలి అంటే , విశ్వం లో  నీ కాలం (Timeline) లో  నువ్వు నడవాలి, అంటే కాలం నీకు అనుకూలించాలి. 

నీ లో ఎటువంటి టాలెంట్ (ప్రతిభ) ఉన్నప్పటి అది నీకు మాత్రం సహజమైనది . ఎందుకంటే ఏదైనా నేర్చుకొని సాధన చేయడం వలన ప్రావీణ్యం పొందవచ్చు కానీ ప్రతిభను మాత్రం పొందలేవు . 

ఈ సృష్టిలో  ప్రతిభావంతులు నిశ్శబ్దం తోనే రాజ్యమేలు తారు. నిశ్శబ్దం ఒక చీకటి . సృష్టి రూపాంతరం చీకటి లోనే ఆవిర్భావం అవుతుంది . 

ఓం శాంతి 

శివ బాబా (శివుడే తండ్రి).

యడ్ల శ్రీనివాసరావు 6 Nov 2026 ,10:30 PM.

799. పుట్టిన రోజు

 

 పుట్టిన రోజు 

• దేవుడు    మనిషి కి   ఇచ్చిన రోజు 

  పుట్టిన రోజు  

  అది  అందరికి  నచ్చిన రోజు .

• పుట్టడం   అంటే     పుణ్యం 

  అది అర్దం  చేసుకుంటే  ధన్యం.

• ఎందుకంటే . . .

• ఆత్మ  వైన   నీవు 

  పరమాత్మ ను   అడిగి 

  ఎంచుకున్న దే    నీ జన్మం .

• దేవుడు మనిషి కి   ఇచ్చిన  రోజు 

  పుట్టిన రోజు 

  అది అందరికి   నచ్చిన రోజు .

• భవబంధాలు  

  నీ గత జన్మల   బుణాలు .

• రక్త  సంబంధాలు 

  నీ కర్మ ను  తెలిపే  బాధ్యతలు.

• నీ  జన్మను  సఫలం 

  చేసుకునేందుకే    ఈ భూమి 

  ఓ  పుణ్యక్షేత్రం .

• అది తెలిసి మసలుకున్న నాడు

  నీ మనసు అవుతుంది  దివ్యక్షేత్రం.

• దేవుడు  మనిషి కి  ఇచ్చిన రోజు 

  పుట్టిన  రోజు 

  అది అందరికి   నచ్చిన  రోజు .

• సుఖదుఃఖాలలో    ఆరితేరితే 

  రెండు సమానం  అని తెలియును .

• విధి రాతలో   మునిగి తేలితే 

  జీవితం  ఒక నాటకం 

  అని తెలియును.

• భరత భూమి 

  భోగ భూమి  కాదు 

  కర్మ  భూమి .

• దేవుడు  మనిషి కి   ఇచ్చిన రోజు 

  పుట్టిన  రోజు 

  అది అందరికి నచ్చిన రోజు .

• పుట్టడం   అంటే   పుణ్యం 

  అది అర్దం  చేసుకుంటే  ధన్యం.

🌹🌹🌹

భవ బంధాలు =  ఈ సంసారంలో (భూమిపై) పుట్టుకతో ఏర్పడే మమకారాలు, అనురాగాలు , మోహం మరియు సంబంధాల ఆశల వలయం 

 

ఓం శాంతి 

శివ బాబా (శివుడే తండ్రి )

యడ్ల శ్రీనివాసరావు 5 Nov 2026 , 11:30AM.

798 . నరుడే నారాయణుడు

 

నరుడే  నారాయణుడు 

• నరు నే    నారాయణుని గా

  చేయును    శివుడు .

• నీవే     ఆత్మవు

  ఆ శివుడే   పరమాత్ముడు .

• పరమేశుని    పఠియించిన 

  తొలగును     పాప కర్మలు. 

• ఆ   పరమ   పదమే  

  పవిత్రము   గాంచును. 

• మతి    స్తుతి    లేనిచో  

  మైకం కలిగి    మలినం చేరును. 

  మనసు లో . . . మలినం చేరును .

• నరు నే     నారాయణుని గా

  చేయును    శివుడు .

• నీవే     ఆత్మవు

  ఆ శివుడే    పరమాత్ముడు .

• పర చింతనలు . . . పర దర్శనలు 

  పెంచును   పాప  భారము 

  తలపై . . . పాప భారము.

• కళ్లెం   లేని   కోరికలు 

  కాటి   వరకు   తోడైతే 

  మనసు కి   శాంతి   ఎక్కడ 

  విశ్రాంతి   ఎక్కడ .

• వికారాలు  . . .   వైషమ్యాలు 

  విగతజీవిగా    చేసేటి    సాధకాలు 

  అవే   జన్మ జన్మలకు    బాధకాలు .

• దేహం లో    శివ నాదం 

  లేని  నాడు 

  నాడులే   నరకానికి   బాసట . 

  అదే    జీవునికి    అలసట .

• నరు నే    నారాయణుని గా 

  చేయును   శివుడు .

• నీవే    ఆత్మవు 

  ఆ శివుడే   పరమాత్ముడు .

• పరమేశుని   పఠియించిన 

  తొలగును   పాప కర్మలు. 

• ఆ పరమ    పదమే  

  పవిత్రము    గాంచును. 

ఓం శాంతి 

శివ బాబా 🇲🇰 (శివుడే తండ్రి).

Prajapita Brahma Kumaris Spiritual University.

యడ్ల శ్రీనివాసరావు 4 Nov 2026 12:30PM.

797. మమలేశ్వర

 

మమలేశ్వర 

  ఓం  . . . ఓం  . . . ఓం  . . . 

• ఓం   కారం తో 

  ఒదిగి ఉంచే    ఈశ్వర    ఓంకారేశ్వర 

• మౌన     మననం తో 

  ఎదిగించే      ఈశ్వర      మమలేశ్వర . 

• నాదము   నీవై         మౌనము నీవై 

  నడి మధ్యన     నర్మద  నైనా ను 

  జీవనాడి తో     తేలుతూ   ఉన్నాను.

  ఓం . . .   ఓం . . .  ఓం  . . . 

• ఓం     కారం తో 

  ఒదిగి   ఉంచే    ఈశ్వర    ఓంకారేశ్వర .

• మౌన     మననం తో 

  ఎదిగించే    ఈశ్వర     మమలేశ్వర .

• మరువలేదు   ఈ దేహం  

   అలనాటి  మధుర  క్షణాలు .

  

• నా  కంట  నీరు లో    నీ రూపం 

  కమనీయం.

• నా మౌన   ధ్యానం లో   నీ తేజం 

   చైతన్యం  .

• ఆనాటి  మాటల  ఆర్తి  

  నా  పసితనపు  ఛాయలు .

• ఏమి చేశావో    ఏమో  కానీ 

  నాదను కున్న   దేదో    నీ  చెంత  వదిలాను .

• నిను  వీడ లేక    వీడిన  క్షణాలు 

  నేటికీ   జ్ఞాపకమే .

   ఓం … ఓం …. ఓం 

• ఓం కారం తో 

  ఒదిగి ఉంచే    ఈశ్వర   ఓంకారేశ్వర  .

• మౌన  మననం తో

  ఎదిగించే   ఈశ్వర     మమలేశ్వర .

నర్మద = ఆనందము ఇచ్చేది , సుఖము ప్రసాదించేది , ఒక నది 

2022 సెప్టెంబర్ లో కుటుంబంతో కలిసి ఉజ్జయిని మహం కాళేశ్వర  ఆలయం లో భస్మాహరతి కి వెళ్లినపుడు, అక్కడ నుంచి మరుసటి ఓంకారేశ్వర వెళ్లాము.   ఒకవైపు ఓంకారేశ్వర జ్యోతిర్లింగ  ఆలయం  , మరోవైపు మమలేశ్వర  జ్యోతిర్లింగ ఆలయం  మధ్యలో నర్మదా నది ఉంటుంది.

ఈ రెండూ  కలిపి ఒకే జ్యోతిర్లింగం గా  చెపుతారు. ఓంకారేశ్వర లో  ఓం కార నాదానికి  . . . మమలేశ్వర లో మౌన అమరత్వానికి ప్రతీక అని తదుపరి   కాలం లో  తెలిసింది. 

ఆ ప్రదేశం అత్యంత సుందరం అద్బుతం. ఓంకారేశ్వర ఆలయం లో దర్శనం అయిపోయిన తర్వాత  నర్మద నది పైన  ఉన్న బ్రిడ్జి దాటుకుని మమలేశ్వర జ్యోతిర్లింగం  దర్శనం కోసం వచ్చాను. మమలేశ్వర ఆలయం లో  చాలా ప్రశాంతంగా అనిపించింది.  పాల రాతి నేల పై కూర్చుని శివుని జ్యోతిర్లింగం ఎదురుగా 30 నిమిషాలు పైనే ఉండడం జరిగింది . కొంత సేపు ధ్యానం, మరి కొంత సేపు మనసు తో ఏదేదో మాట్లాడుతూనే ఉన్నాను. . . కానీ కాసేపటికి ఏం జరిగిందో ఏమో తెలియదు కానీ,  నాకు  కన్నీరు  రావడం , ఆ ఆలయం లో అంతా అప్పటి వరకు ఉన్న దాని కంటే అతి వెలుగు గా  కనిపించడం జరిగింది . ఆరోజు అక్కడ నుంచి లేచి వెళ్ళాలని అనిపించలేదు. చాలా మంచి అనుభవం , మరిచిపోలేనిది . 

ఎందుకో , ఈ రోజు ధ్యానం లో  అదంతా స్ఫురణ లోని కి వచ్చింది.

ఓం శాంతి 

శివ బాబా 🙏 

యడ్ల శ్రీనివాసరావు 2 Nov 2026. 9:00PM.

796. గంగ లో మునిగితే పాపాలు పోతాయి

 

గంగ లో మునిగితే పాపాలు పోతాయి 🤔 !

భారతీయ సంస్కృతి సాంప్రదాయాలలో అనాదిగా మనం కొన్ని ఆధ్యాత్మిక ఆచారాలు  పాటిస్తూ ఉంటాం. ఇవి సూక్ష్మ జ్ఞానం తో మానవ శ్రేయస్సు కోసం మునులు యోగులు జ్ఞానులు ఎంతో దివ్య దృష్టి , దూరదృష్టితో ఏర్పాటు చేసినవి. ప్రతి ఆచారం వెనుక ఒక విజ్ఞానం మరియు జ్ఞాన సూక్ష్మం ఇమిడి ఉంది. దురదృష్టవశాత్తు వాటి అర్దం , యధార్థం సరిగా తెలియనపుడు , సత్యం మరుగున పడుతుంది.

నేటి కలియుగం లో పాపాలు చేయని మనిషి ఉండడు . చేసిన పాపాలు కాశీ వెళ్ళి గంగలో మునిగితే పోతాయి అని , పుష్కరాల పేరిట వివిధ ప్రాంతాలలోని నదులలో స్నానం చేస్తే చేసిన పాపం పోయి పుణ్యం ప్రాప్తిస్తుందని అంటుంటారు.  

ఇది వాస్తవమేనా? అంటే కాదు. 

గంగా నది లో స్నానం చేస్తే పాపాలు పోతాయి ? లేదా పుణ్యం వస్తుంది ?

కాసేపు , ఇది నిజమే అనుకుందాం . మరి కాశీ లో జీవిస్తున్న వారంతా ప్రతి రోజూ ఆ గంగలోనే స్నానం చేస్తున్నారు. ఆ గంగ నీరే సేవిస్తూ ఉంటారు. మరి అక్కడ నివసించే వారందరూ చేసిన  పాపాలు నేటికి తొలగి పోయినట్లే నా ? ప్రతి రోజు స్నానం చేయడం వలన ఎంతో పుణ్యం జమ అయినట్లే నా ?   

గంగా స్నానం చేయడం వలన పుణ్యం వస్తే , కాశీ ప్రజలకు బాధలు, సమస్యలు, దుఃఖం అనే వాటన్నింటికి   అతీతంగా అయిపోయి సుఖ సంతోషాలతో జీవించాలి కదా ?  మరి కాశీ ప్రజానీకం మొత్తం ఆ స్థితి లో నేడు జీవిస్తున్నారా? ఎందుకంటే పాపం తొలగిన వారు దుఃఖం , కష్టం అనేవి ఎరుగక సంతోషంగా జీవిస్తారు . 

అదే విధంగా భారతదేశంలో ఎన్నో పవిత్రమైన నదులలో నిత్యం ఎంతో మంది స్నానం చేస్తారు . ఈ విధంగా అందరికీ తమ పాపాలు తొలగి పోతే  మనిషి కి భగవంతుని తో అవసరం ఏముంటుంది ? 

గంగా స్నానం వలన ఎవరికీ ఎటువంటి పాపాలు తొలగవు . గంగా నది ఎంతో ఎతైన హిమాలయాలు నుంచి ప్రవహించి , మధ్యలో ఎన్నో అడవులు, వాటిలో వనమూలికా వృక్షాలను తాకుతూ ఉండడం వలన, ఆ నీరు ఔషధ గుణాలను సంతరించుకుని ప్రవహిస్తూ ఉంటుంది. అందులో స్నానం చేయడం వలన శరీరంపై ఉన్న కొన్ని రుగ్మతలు తొలగి మనసు తేలిక అయి కొంత ఉత్తేజం తో నిండిన శక్తి తాత్కాలికంగా అనుభవం అవుతుంది.

 అంతేకాని మనిషి చేసిన పాప కర్మలు , నీచమైన పనులు , హింసాత్మక ఆలోచనలు గంగలోనే కాదు , ఏ పుష్కర నదీ స్నానం చేసిన అణువంత కూడా తొలగనే తొలగవు . పాప కర్మలు ఏ రీతిలో  ఎలా చేయడం జరిగిందో , అదే రీతిలో తిరిగి మనిషి అనుభవించినపుడు మాత్రమే తొలుగుతాయి. 

కార్తీక పౌర్ణమి నాడు సముద్ర స్నానం చేస్తే పుణ్యం అంటారు . ఇందులో పుణ్యం సంగతి ఎలా ఉన్నా. . . పౌర్ణమి రోజున చంద్రుని గురుత్వాకర్షణ శక్తి మరింత ఎక్కువ గా భూమి పై ఉంటుంది. తెల్లవారుజామున వచ్చే వెన్నెల ద్వారా ఈ శక్తి మనిషి మనసు ను శక్తి వంతం గా చేస్తుంది. మానసిక ఆందోళనలు తొలగుతాయి. సముద్ర లవణాల నీరు ఎన్నో రకాల చర్మ వ్యాధులను నయం చేస్తుంది. ఇది ఆరోగ్య సూక్ష్మం. అందుకే కార్తీక పౌర్ణమి రోజున సముద్ర స్నానం చేయమని చెప్తారు . 

భారత దేశం లో  ఎన్నో నదులు  ఉన్నాయి. అందులో కొన్నింటిని పుణ్య నదులు అని , పవిత్రమైనవి అని ఎందుకు అంటారంటే , అవి ఎంతో ఎత్తైన కొండలపై ఆరంభమై , స్వచ్చమైన నీరు తో , ఏ రకమైన కలుషితం కాకుండా, వనమూలిక వృక్షాలను తాకుతూ ప్రవహిస్తూ , ఆ నీరు ఔషధ తత్వాన్ని కలిగి ఉంటుందని గ్రహించిన మునులు యోగులు జ్ఞానులు అందులో మానవులు స్నానం చేయడం వలన దేహం , శరీరం శుద్ధి అవుతుంది అని ప్రాచీన కాలంలో చెప్పారు . 

అంతేకానీ నీటిలో మునగడం వలన ఆత్మ శుద్ది జరగదు . ఆత్మ శుద్ది జరగాలంటే  నీటి గంగ లో కాదు  జ్ఞాన గంగ లో మునగాలి . అనగా శివ పరమాత్ముని జ్ఞానము లో తరించాలి.  

పాపాలను తక్కువ దుఃఖం తో   తేలికదనం తో అనుభవించే లా  చేసి తొలగించేది  , ఆత్మ శుద్ది చేసేది   జ్ఞాన గంగ మాత్రమే. 

ఈ జ్ఞాన గంగ ను శంకరుని జటాజూటం లో నీరు ప్రవహిస్తున్న విధంగా చిత్రాలలో (ఫోటో లలో) చూపించారు.  

శంకరుడు తన తపో ధ్యాన దీక్ష వలన శివుని యొక్క దివ్య జ్ఞానం తన మస్తిష్కం నుంచి గంగా జలం వలే  బయటకు వచ్చింది  అనడానికి చిహ్నం గా ఆ చిత్రం గీశారు . అంతే గానీ అది నీటి గంగ కాదు, జ్ఞాన గంగ. . . . (అసలు తల లోనుంచి నీరు ఫౌంటెన్ వలే బయటకు  చిమ్మడం  ఎవరికైనా అసాధ్యం. కానీ జ్ఞాన సూక్ష్మానికి ప్రతీక గా చిత్రం లో చూపించారు . భక్తి మార్గం లో కధలు అనేకం ఉంటాయి. జ్ఞాన మార్గంలో సత్యం ఒకటే ఉంటుంది. ఆ సత్యమే శివుడు. ) 

నేడు భక్తి ఒక పెద్ద వ్యాపారం తో ముడిపడి పోయింది. దీనికి టి.వి., యూట్యూబ్ ప్రచార మాధ్యమాలు చేసే హడావిడి ఇంతా అంతా కాదు. మనుషుల అమాయకమైన నమ్మకాలకు , విపరీతమైన ఖర్చు తో కూడుకున్నది గా నేటి దైవ భక్తి విస్తరించి ఉంది. మనిషి సత్యం యదార్ధం తెలుసుకో నంత వరకు తనకు తాను మోసపోతునే ఉంటాడు . 

అసలు మనిషి ని సృష్టించింది భగవంతుడు . ఆ భగవంతుని  చేరడం కోసం, మనిషి అష్టకష్టాలు పడుతూ , ఆర్భాటాలతో విపరీతమైన ధనం ఖర్చు చేస్తూ యాత్రలు , నదీ స్నానాలు చేస్తూ భగవంతుని ని అన్వేషణ చేయడం అనేది. కలి మాయా ప్రభావం. ద్వాపర కలియుగాల నుంచి మానవుడు ఈ విధంగా  ప్రవర్తిస్తూ నే ఉన్నాడు . ఎందుకంటే , మనిషి తన ఆత్మ శక్తి ని  పూర్తిగా కోల్పోయి , భగవంతుడు అంటే ఎవరో అనే యధార్థం మరచి పోవడం వలన.

భగవంతుడు ఒక్కడే  అని ఎవరిని అడిగినా చెబుతూ ఉంటారు . మరి , ఆ ఒక్కడూ ఎవరు అని అడిగితే , ఒకొక్క  పేరు చెపుతారు . ఎందుకంటే స్పష్టత లేక పోవడం వలన. 

ఆహ్లాదం కోసం నదీ స్నానాలు చేయడం మంచిదే , మనసుకి కాస్త ఆటవిడుపు గా ఉంటుంది …. అంతేకానీ, తలపైన పాపాలు పోతాయని దూర తీరాలకు ప్రయాణించి ఏ నదీ స్నానాలు చేసినా అది మనిషి యొక్క అమాయకత్వమే .  పైగా నేటి కాలంలో  , గంగ తో పాటు అనేక నదుల నీరు కూడా అత్యంత కాలుష్యము తో  కలుషితం అయిపోయాయి . ఇది కూడా మనిషి  , ప్రకృతి పట్ల చేసిన . . . చేస్తున్న పాపమే.  ఈ స్నానాల కోసం వెళ్ళి ఎన్నో ప్లాస్టిక్ వ్యర్ధాలు నదులలో కలపడం, ఇంటిలో పూజలు చేసి తీసుకెళ్ళి కుళ్ళిన చెత్త నదులలో చెరువు లలో కలపడం,  పరిశ్రమల వ్యర్ధాలు నదులలో కలపడం. . . పాపం అమాయకమైన మనిషి ఇదంతా చేస్తూ ఉంటాడు . ఎందుకంటే రేపు వీటన్నిటికి బలిహరం కావలసింది అమాయకమైన మనిషే  కాబట్టి.

ఆత్మ చైతన్యం సత్యమే చెపుతుంది.

స్వ పరివర్తనే  విశ్వ పరివర్తన. 

ఓం శాంతి 

శివ బాబా (శివుడు తండ్రి)

ఓం నమఃశివాయ 🙏 

యడ్ల శ్రీనివాసరావు 1 Nov 2026 11:45 AM.

795. నమ్మకాలకు ఆధారం

 

నమ్మకాలకు  ఆధారం

మన కళ్ళే మనల్ని అనేక సార్లు మోసం చేస్తాయి  . . . ఎడారిలో ఒయాసిస్ ల వలే.

మనం నమ్మే  నమ్మకాల కు ఆధారం ఏముంటుంది ?

మనం భౌతిక ప్రపంచంలో అనేక విషయాలను వింటుంటాం, చూస్తుంటాం , పరిశీలిస్తూ ఉంటాం. వాటిని బట్టి నమ్మకాలు అనేవి ఏర్పరచుకుంటాం.

ఈ నమ్మకాలు అనేవి సరియైన వేనా  లేక మూఢత్వం , అంధత్వం తో ముడిపడి ఉన్నాయా అని గ్రహించే శక్తి మనకు అనేక సార్లు ఉండదు. 

అందుకే నమ్మకాల వలన కూడా మోసపోవడం చాలా సార్లు జరుగుతుంది. 

మరి,  ఒక నమ్మకాన్ని నమ్మి అనుసరించాలి, అడుగు ముందుకు వేయాలి అంటే ఎలా ?

అందుకు ఆధారం ప్రదానం . . . అవును ప్రతీ నమ్మకానికి ఒక ఆధారం కావాలి . ఎందుకంటే ఒక నమ్మకం సత్యమైనది అయితే ఆధారం తప్పని సరిగా ఉండి  తీరుతుంది. ఆధారం అంటే స్వీయ అనుభవం . నీ స్వీయ అనుభవమే నీకు నమ్మకం కలిగిస్తుంది . అనుభవం అనేది నీకు నీవు గా మనసు తో సహజం గా  పొందగలిగేది. నీ నమ్మకానికి నీ మనసే ప్రధాన సాక్షి అవుతుంది. 

అలా కాకుండా, ఎవరో ఏదో చెప్పారని, ఎక్కడో ఏదో జరిగిందని , ఎక్కడో ఏదో చూసామని ప్రతి విషయం పై నమ్మకం ఉంచడం వలన అనేక విషయాలలో, సందర్భాలలో మోసపోవడమే జరుగుతుంది. 

ఎందుకంటే ఎవరి, ఆలోచనలను బట్టి వారు నమ్మకాలను ఏర్పరుచు కుంటారు. . . కానీ ఒక నమ్మకం లో సత్యం ఉన్నప్పుడు, అది నిజమైనది గా సృష్టి లో విరాజమానమై శోభిల్లుతూ , కాలంతో పాటు శాశ్వతంగా నిలిచి ఉంటుంది . అలా కాకుండా అవి మూఢత్వం, అంధత్వం కూడిన నమ్మకాలు అయితే కొంత సమయం మాత్రమే ఉండి , నీటి బుడగలా ఆ నమ్మకం సమసిపోతుంది .

ఇక్కడ నమ్మకం అనేది ఏదైనా , ఎటువంటి దైనా కావచ్చు . నీ నమ్మకం ధృడమైన ది , సత్యమైనది అయితే అది ఒక అనుభవం గా మారి , నీతో పాటు మరోకరికి చేరుతుంది. ఒకవేళ నీ నమ్మకం దృఢం గా ఉండి అందులో సత్యత లేదంటే అనుభవం గా మారదు, మరొకరికి చేరదు . 

ఇందులో సత్యత అనే అంశాన్ని నిర్దారణ చేసేవి ప్రకృతి మరియు విశ్వం. ఎందుకంటే ఇవి పవిత్రమైన భగవత్ శక్తులు . ఈ శక్తుల ద్వారా మాత్రమే మంచి , సరియైన నమ్మకాలు అనుభవాలు గా మారి అందరినీ చేరుతాయి . 

ఇక్కడ నమ్మకం అనేది మనిషి పై మనిషి కి ఉన్నది కావచ్చు, భగవంతుని పై కావచ్చు లేదా మరే ఇతర పరిస్థితి, అంశానికి సంబంధించినది కావచ్చు . 

నమ్మకం అంటే విశ్వాసం . అనుకున్న విషయం లో అనుభవం అనుభూతి సిద్దించని నాడు , ఆ నమ్మకం లో నిజం లేదని అర్దం . తద్వారా ఆ నమ్మకం దుఃఖం మిగులుస్తుంది . 

నీకు ఉన్న నమ్మకం ఎటువంటిదో నీకు తెలియాలంటే ముందు నీ ఆలోచనలలో శుద్ది ఎంత ఉన్నది అనేది ముఖ్యం. ఎందుకంటే నీ ఆలోచనలలో శుద్ది లేకపోతే నీ ప్రతి నమ్మకం చేదు గానే మిగిలి ఉంటుంది. 

నమ్మకం అనే అంశం ప్రతి మనిషి కి ముఖ్యం. ఎందుకంటే నమ్మకం పైనే మనిషి జీవితం అడుగులు వేస్తుంది. అందుకే మన నమ్మకాల పట్ల అవగాహన అనేది చాలా అవసరం. లేదంటే మన నమ్మకాలే మనల్ని పాతాళం లోకి నెట్టి వేస్తాయి. కారణం మనం ప్రస్తుతం మాయా ప్రపంచం లో జీవిస్తున్నాం . "మాయ"   నమ్మకాలకు  మైకం కలిగిస్తుంది ,  మూఢత్వం ఆపాదిస్తుంది . మనలోని శక్తి ని నిర్వీర్యం చేస్తుంది. 

నమ్మకాలు గట్టి గా ఉండొచ్చు కానీ, ఎప్పుడూ గుడ్డిగా మాత్రం ఉండకూడదు. 

చివరిగా మనం గుర్తు పెట్టుకోవలిసింది ఒకటే . . . మన నమ్మకం మనకు భయం కలిగిస్తుందా లేదా ధైర్యం ఇస్తుందా?.

నమ్మకం లో సత్యం ఉంటే , అనగా అందులో నిజం ఉన్న నాడు మనసు కి ఏదొ ఒక మంచి అనుభవాన్ని, భౌతికంగా ఏదో ఒక ఆధారాన్ని చూపిస్తాయి . అప్పుడు ఆ నమ్మకాలు ఎన్నటికీ ఊహలు గా మిగిలి పోవు , నిర్వీర్యం కావు.

ఓం శాంతి 

ఓం నమఃశివాయ 🙏 .

యడ్ల శ్రీనివాసరావు 28 Oct 2026 11:00 AM 

794. సృష్టి రచన - జీవిత నాటకం

సృష్టి రచన - జీవిత నాటకం

నాటకం అనేది రసవత్తరమైనది . ఎందుకంటే నాటకంలో నవరసాల పాత్రలు , పాత్రధారులు (నటులు) ఉంటారు. నాటకాన్ని రచించిన సూత్రధారి (దర్శకుడు)  తెరవెనుక ఉండి అంతా నడిపిస్తాడు . 

ఒక నాటకం ప్రారంభం అయ్యే ముందు, అందులో ఉన్న అనేక మంది నటీనటులు తమ తమ సొంత ఇంటి నుంచి వచ్చి మేకప్ ధరించి తమ పాత్రల అనుసారం గా  , సందర్భాన్ని బట్టి  వేదిక మీద కి వస్తుంటారు, వెళుతుంటారు . 

ఇందులో హీరో, హీరోయిన్, విలన్, కమెడియన్, ఇలా ఎంతో మంది ఎన్నో రకాల పాత్రలు పోషిస్తారు . నాటకం ప్రదర్శించేటప్పుడు , అప్పటికే దర్శకుడు ఇచ్చిన సూచనల విధంగా పాత్రలు నడుచుకుంటే ఆ నాటకం రక్తి కడుతుంది. అలా కాకుండా నటించే సమయంలో, నటులు తమ లోని  స్వభావ సంస్కారాలను భాషలను లను కలిపి  తమకు నచ్చిన విధంగా ఆ యా పాత్రలకు ఆపాదించి నటిస్తే , ఆ నాటకం బెడిసి కొడుతుంది. ఒక్కసారి ఒక నాటకం , ప్రదర్శన పూర్తి అయితే అందులోని నటనను తిరిగి సరిదిద్దుకునే అవకాశం ఉండదు. 

మనిషి జీవితం కూడా అంతే . . . 

సృష్టి అంతా జగన్నాటకం. మనిషి జీవితం ఒక నాటకంలోని పాత్ర . ఈ నాటకానికి రచన దర్శకత్వం శివుడు. 

పరలోకంలో (సొంత ఇంటి లో) ఉన్న ఆత్మలు భూమి పైకి వచ్చి, గర్భం లో  ప్రవేశించి , పిదప  శరీరం ధరించి మనిషి వలే జన్మించి  భూమి అనే  వేదిక పై నాటకం ఆడడం ప్రారంభిస్తాయి. 

అందులో పాత్రలే  ఇల్లు , రక్తసంబంధాలు తల్లి తండ్రి , కొడుకు కూతురు , తాత మనవడు , భార్య భర్త , కుటుంబం , ప్రేయసి ప్రియుడు ప్రేమలు , శత్రువులు మిత్రులు ఇలా ఎన్నో ఎన్నెన్నో రకాలైన పాత్రలు . మనిషి తను జీవించి ఉన్నంత కాలం  పోషించేది ఈ పాత్రల నే . ప్రతి ఒక్కరిదీ ఒక విభిన్నమైన పాత్ర.  చేసిన కర్మల అనుసారం ఒక జన్మలో ఒక పాత్ర , మరో జన్మలో  మరో పాత్ర లభిస్తుంది.  

నాటకం లో స్టేజి (భూమి పై) మీద పాత్ర ఉన్నంత వరకు నటులు నటిస్తారు. పాత్ర అయిపోయిన (చనిపోయాక) తరువాత వేదిక దిగి (భూమిని వదిలి) మేకప్ తీసేసి (శరీరం వదిలి) ఎలా వచ్చామో అలా తమ అసలు సొంత రూపం తో ( సూక్ష్మ మైన ఆత్మ రూపంలో) తో సొంత ఇంటికి ( పై లోకానికి ) వెళ్లిపోతారు. 

ఇదే మానవ జీవిత  సృష్టి  నాటక రహస్యం.  

ఆత్మ పై నుంచి కిందకి వచ్చేటప్పుడు ఏ రూపంలో ఎలా వస్తుందో, అలాగే  పైకి వెళుతుంది . భూమి పై భౌతికంగా కూడగట్టినవి ఏమీ కూడా తీసుకెళ్ళదు. ఒక్క పాపం పుణ్యం మాత్రమే సంస్కారాలు గా తీసుకు వెళుతుంది . ( తిరిగి వీటి ఆధారంగా నే మరుసటి జన్మలో  కర్మల  పాత్ర నిర్ణయించబడుతుంది. )

నాటకం లోని  Performance ఆధారం గా (చేసిన కర్మలను బట్టి) మరలా ఇంకో నాటకం లో పాత్ర వేయవలసి వచ్చినపుడు , కొత్త జన్మ , కొత్త శరీరం తో  , కొత్త పాత్ర అభినయం చేయడం కోసం మరలా భూమి పై కి రావడం జరుగుతుంది . 

ఈ నాటకం లో ఎవరికి ఎవరు  శాశ్వతం కారు , కాలేరు .  ఎవరి పాత్ర వారిదే . అందరూ పాత్ర ధారులే. ఎవరి పాత్ర వారు పోషిస్తారు. తమ పాత్రను పోషించవలసిన సమయం వచ్చి నప్పుడు మాత్రమే వారు మరొకరితో బుణాను బంధ రూపం లో స్టేజి మీద (భూమి పై) కలుసు కుంటారు, జత పడతారు. అలాగే (బుణం తీరిపోయాక)  పాత్ర పూర్తి అయిపోతే  ఎవరి దారిన వాళ్ళు వెళ్ళిపోతారు (స్టేజి మీద నాటకం వలే).  

కానీ,  ఆ యా పాత్రధారులు తో (బంధాలలో) మన పాత్ర ఉన్నంత సేపు మనం మన  పాత్ర అనుసారంగా  దర్శకుడు శివుడు చెప్పిన విధంగా నటించామా  లేదా అనేదే ముఖ్యం. 

ఏ ఇతరులతో (పాత్రధారులు తో) మనకు శాశ్వతమైన సంబంధం ఉండదు . కానీ ఒకే స్టేజి మీద (ఇల్లు, సమాజం)  ఉంటాం కాబట్టి , ఉన్నంత వరకు సహచరులు గా  ఉంటూ  అందరి పట్ల బాధ్యత  నిర్వర్తిస్తూ  , ప్రేమ తో వ్యవహరించి వలసి  ఉంటుంది.  ప్రేమను పంచాలి కానీ ఆశించకూడదు. ఆశిస్తే మోహం కలిగి దుఃఖానికి దారి తీస్తుంది.

ఎవరి కర్మ ల అనుసారం వారు పాత్రలు పోషించడానికి ఈ నాటకం ఏర్పడి , ఒకే వేదిక పైకి వస్తారు. నాటకం పూర్తి అయిన తరువాత ఎవరి ఇంటికి వారు వెళ్ళిపోతారు . ఇందులో పాత్రధారులు తమ మధ్య మాయ మోహం  వ్యామోహం ,  మమకారాలను చొప్పిస్తే నాటకం సుఖానికి బదులు దుఃఖం తో ముగుస్తుంది . 

ఈ జీవిత నాటక రచన ధర్మ అర్థ కామ మోక్షాలతో పాత్రలను సహెతుకమైన నియమ నిబంధనల తో రచించాడు శివుడు. వాటిని అనుసరిస్తూ, మనిషి తన జీవిత నాటకాన్ని , పాత్రను అర్దం చేసుకుంటూ, , తన చుట్టూ ఉన్న తోటి పాత్రధారుల తో ధర్మం అనుసారం గా  రక్తి కట్టించాలి.  

కానీ, మానవుడు భూమి పై కి వచ్చాక దర్శకుడైన శివుడిని , శివుడు చెప్పిన సూచనలను మరచి , తన నాటకం లోని పాత్రకు తానే దర్శకుడు గా భావించి  అహంకారం తో  తనకు ఇష్టం వచ్చినట్లు, తోచిన విధంగా నటిస్తూ ధర్మాన్ని ఉపేక్షించడం వలన చివరికి తన పాత్ర రక్తి కట్టక , విఫలమై దుఃఖం , చెడు కర్మ ను  మూట కట్టుకుంటున్నాడు . ఇదే  ఆత్మ కు శిక్ష యై  ఈ జన్మలో కానీ, లేదా మరో జన్మలో అయినా సరే దుఃఖం అనుభవిస్తూ ఉంటాడు. 

రచయిత దర్శకుడు అయిన శివుడు చెప్పిన విధంగా బుద్ధి ని తిరిగి మరల్చు కోనంత వరకు , ఈ కర్మలను  శుద్ది చేసుకోనంత వరకు  ,  దుఃఖం ఏదో రూపంలో అనుభవిస్తూ నే ఉంటాడు . 

ఈ జగమే ఒక నాటకం . మనిషికి మాయ పూర్తిగా కమ్మేసి ఉండడం వలన  తన గురించి తనకు సత్యం ఎరుగక  , ధర్మం ఆచరించక  ఈ కలియుగంలో ఎన్నో మిడిసి పాట్లు పడుతూ ,   కామ క్రోధ వికారాలతో  అసుర లక్షణాలతో  జీవిస్తూ  రజో తమో గుణాలతో దేవతలను భక్తి  చేస్తూ దుఃఖం తో ఉంటాడు . 

కానీ సతో గుణం తో   శివుడు పరమాత్ముడని ఆయన యొక్క సత్యతను తెలుసుకొనక  , శివుడు రచించిన భగవద్గీత జ్ఞానాన్ని  గ్రహించలేక , ఆయన  దర్శకత్వాన్ని ఆచరించక తనకు  తోచిన విధంగా మానవుడు నటిస్తాడు.  తాను ఒక ఆత్మ ను అని మరచి దేహం గా  భావించి , అజ్ఞానం తో కులాలు మతాలు వికారాల  రొచ్చు లో  సృష్టి నియమాలకు వ్యతిరేకంగా ఇష్టానుసారంగా జీవిస్తాడు.  చివరిలో భరించలేని  శిక్షలు కూడా భూమి పైనే  అనుభవించి వెళతాడు . కాల జ్ఞానం ప్రకారం ఆ సమయం కూడా ఇప్పుడు ఆసన్నం అయింది. 

ధర్మం  పూర్తిగా నశించిన సమయం ఇది . . . అందుకే ప్రకృతి , పంచ భూతాలు కూడా కూడా మనిషి పై దాడి చేయడం ఆరంభిస్తాయి. ఎందుకంటే మనిషి యొక్క వికృత చేష్టలు నేడు సృష్టి ఉనికి ని నాశనం చేయడానికి ఉపయోగిస్తున్నాడు. అది ప్రత్యక్షం గా నేడు ఆందరం చూస్తూనే ఉన్నాం.

స్వ పరివర్తనే  విశ్వ పరివర్తన 

ధర్మో రక్షతి రక్షితః 

🙏

ఓం శాంతి 

ఓం నమఃశివాయ 🙏 

యడ్ల శ్రీనివాసరావు  27 Oct 2026 , 8:30 PM.