భగవంతుని జ్ఞానం - మనిషి భక్తి
• భగవంతుని జ్ఞానం ఆధారంగా శాస్త్రాలలో ఎన్నో విషయాలు పొందుపరచబడ్డాయి. భక్తి మార్గం లో ఈ విషయాలను కధల రూపం లో భగవంతుడు , దేవతలు , మానవులు రాక్షసుల గురించి అనేక విధములుగా వివరించారు .
• కానీ మనిషి జన్మ జన్మలు గా, తర తరాలుగా వాటిని కధలలాగే చూడడానికి , వినడానికి అలవాటు పడి పోయాడు. అంతే కానీ ఆ కధలలో ఇమిడి ఉన్న గూఢ మైన జ్ఞాన అర్థాలు, సూక్ష్మం తెలుసుకోలేక , పరిశీలించ లేక వాటిని కేవలం కధల లాగే చూస్తున్నాడు. ఒకవేళ ఏదైనా ఆ కధలో ఏదైనా సందేహం మానవుడికి తలెత్తినా , మూలాల్లో ఉన్న వాస్తవాన్ని యధాతధంగా వివరించే వారు కూడా నేడు అరుదు లేదా కరువు అనే చెప్పాలి.
ఉదాహరణకు ఈ కధ …. వివరణ.
• శివపార్వతులకు కుమారస్వామి(సుబ్రహ్మణ్యేశ్వర స్వామి) , వినాయకుడు ఇద్దరు పుత్రులు.
• కుమారస్వామి అందం గా ఉంటాడు , అందమైన నెమలిని వాహనం గా కలిగి ఉండేవాడు . అందుకే ఆయనను ఆకర్షణీయమైన బాలుడి రూపంలో విగ్రహాలలో చూపించారు . కుమారస్వామికి బాల్యం నుంచి కోపం గర్వం ఎక్కువ గా కలిగి ఉండేవాడు . ఆ స్వభావానికి నిదర్శనం గా ఆయనను పడగ ఎత్తి ఉన్న పాము రూపం గా కూడా ఆరాధించడం అది కోపం చల్లారడం కోసం పాలు పోయాలని భక్తి ద్వారా చూపించారు .
• మరో వైపు వినాయకుడు ఏనుగు తలతో, పెద్ద బొజ్జ తో , లావు గా అందం లేని వాడిగా ఉంటాడు . చిన్న ఎలుక వాహనం కలిగి ఉంటాడు . కానీ వినాయకుడు బుద్ధి శాలి. విశాలమైన బుద్ధి , ఆలోచన , పెద్ధల యెడల వినమ్రత కలిగి ఉండేవాడు.
ఒకసారి వినాయకుడు, కుమారస్వామి కి తండ్రి శివుడు, తన పుత్రులు ఇద్దరిలో ఎవరు గొప్ప వారు అని తేల్చేందుకు ఒక పరీక్ష పెడతాడు. ముల్లోకాలను ఎవరు ముందు చుట్టి వస్తారో వారే గొప్ప వారు గా నిర్ణయించ బడతారు అని చెపుతాడు.
దేవతలు అందరూ వినాయకుడు ని చూసి నవ్వుతారు . అంత శరీరం తో, ఎలుక వాహనం తో ముల్లోకాలు చుట్టడం అసాధ్యం అని వారికి తెలుసు, ఇదే విషయం వినాయకుడు కి కూడా అర్దం అవుతుంది. మరోవైపు కుమారస్వామి నెమలి వాహనంపై సునాయాసంగా ఎగిరి ముల్లోకాలను చుట్టి రాగలడు అని దేవతలందరూ అందరూ అనుకుంటారు. కుమారస్వామిదే విజయం అనుకుంటారు. కుమారస్వామి కూడా అదేవిధంగా భావిస్తాడు.
సృష్టి కర్త అయిన తండ్రి శివుని కి ఈ పోటీ లోని మర్మం తెలిసినా మౌనం గా మనసు లో నవ్వుకుంటాడు. ఎందుకంటే శివుని కి తెలియనిది అంటూ ఏమీ ఉండదు .
వినాయకుడు మాత్రం ఇంత పెద్ద శరీరం తో , చిన్న ఎలుక తో తాను ముల్లోకాలను ఎలా తిరగగలను అని మనసు లో చాలా చింతిస్తాడు.
• పరీక్షా సమయం ఆసన్నమైనపుడు ఇద్దరూ తల్లి తండ్రులు అయిన శివపార్వతుల ఆశీర్వాదం తీసుకుని బయలుదేరారు. కుమారస్వామి చాలా సంతోషంగా, గర్వంతో నెమలి పై చాలా వేగంగా ముల్లోకాలు చుట్టడం కోసం బయలు దేరుతాడు.
వినాయకుడికి తన శరీరం సహకరించదు అని తెలిసి , తనకు ఉన్న జ్ఞానం చేత తన బుద్ధి ని ఉపయోగించి ముల్లోకాలను సృష్టించిన వాడు, విశ్వానికి అధిపతి అయిన వాడు తన తండ్రి శివుడే కదా అని శివుని చుట్టూ మూడు సార్లు ప్రదక్షిణలు చేస్తూ శివుని తో ఇలా అంటాడు. తండ్రి నేను ఇంత పెద్ద శరీరం తో, చిన్న ఎలుక వాహనం తో నేను ఎలా ముల్లోకాలు తిరుగగలను . ఈ విశ్వానికి సృష్టికర్త అయిన మీరే సమస్త లోకములకు అధిపతి , అన్నింటికీ కర్త కర్మ క్రియ మీరే , నేను నిమిత్త మాత్రుడిని , మీ యందు ప్రదక్షిణ చేసినా ముల్లోకాలు చుట్టి వచ్చినట్లే అని తండ్రి పాదాల చెంత ప్రణమిల్లుతాడు.
• అది గ్రహించిన శివుడు , వినాయకుడి బుద్ధి , ఆలోచన కి సంతుష్టుడవుతాడు . శివుని మహిమ వలన , కుమారస్వామి ప్రతీ లోకం దర్శించడానికి వెళ్లే సమయానికి , తన కంటే ముందుగా అక్కడి నుంచి వినాయకుడు వచ్చి వెళుతూ ఉండడం గమనిస్తాడు . చివరికి శివుని వద్దకు చేరే సరికి వినాయకుడు తన కంటే ముందుగా తండ్రి పాదాల చెంత ఉండడం చూసి , ఆశ్చర్యం తో అసహనానికి గురవుతాడు .
తరువాత విషయం తెలుసుకోని , తన కోపం, గర్వం వలన తాను పరాజయం పొందానాని , తన తండ్రి శివుడు ఈ విశ్వానికి సృష్టి కర్త అనే సత్యం తాను తెలుసుకో లేక పోయానని చింతించి తండ్రి పాదాల పై పడి క్షమించమని తనలోని కోపాన్ని గర్వాన్నీ పశ్చాత్తాపం తో విడిచి పెడతాడు . మరియు వినాయకుని యొక్క బుద్ధి ఆలోచన కి నమస్కరిస్తాడు .
అప్పుడు తండ్రి శివుడు , కుమారస్వామి యొక్క పరిపూర్ణత కి మెచ్చి , ఆశీర్వాదించిన తరువాత కుమారస్వామి సతోప్రధానం గా అయి తండ్రి ద్వారా దివ్యత్వం పొంది దేవత గా అవుతాడు .
• నేటికీ మనకు ఇది ఒక కధగా మాత్రమే తెలుసు. ఎందుకంటే అది విన్నంత సేపు లేదా చూస్తున్నంత సేపు దివ్యమైన భగవత్ రూపాలు శివపార్వతులు , అందమైన కుమారస్వామి , హాస్యం కలిగించే లా వినాయకుని స్వరూపం ఇవే మన కంటికి కనిపిస్తాయి.
కాసేపు , ఈ దైవీ అలంకార ఆకర్షణా రూపాలను పక్కన పెట్టి , ఈ కధలో సూక్ష్మం, మూలం, రహస్యం ఏమిటో పరిశీలించి తెలుసు కొని ఆచరిస్తే మనిషి కి తన జన్మ ధన్యం అయినట్లే .
• సుబ్రహ్మణ్యుని వలే మనిషి తన లోని గర్వం, కోపం, అహం పూర్తిగా విడిచి పెట్టిన జీవించిన నాడు పరిపూర్ణుడై శివుని అనుగ్రహం పొందడమే కాకుండా , దైవీ గుణాలు , దైవీ శక్తుల తో దేవతా మూర్తుల వలే తేజోవంతుడు అవుతాడు అనేది ఇందులో సూక్ష్మం.
వినాయకుని వలే మనిషి తన దేహ స్వరూపం లో ఎన్ని అంగ వైకల్యాలు ఉన్నప్పటికీ , తాను చేస్తున్న కార్యాల లో ఎన్ని వైఫల్యాలు ఉన్నప్పటికీ , ఆటంకాలు ఎదురైనప్పటికి ఆత్మ విశ్వాసం తో మంచి విశాలమైన బుద్ధి తో , కల్మషం లేని మనసుతో , నిర్మలత్వం తో భగవంతుని యధార్థం తెలుసు కొని , తన సమస్య నివేదించినచో తప్పకుండా పరిష్కారం పొందుతాడు. శివుని ఆశీస్సుల వలన దివ్య జ్ఞానము , వివేకము , అతీంద్రియ శక్తులు సహజ సిద్ధంగా పొందుతాడు .
మనిషికి తన జన్మకు కారణం , తల్లి తండ్రులు అనే స్పృహ ఎరిగి , తాను జీవించి ఉన్నంత వరకూ తన తల్లి తండ్రుల ను గౌరవిస్తూ శిరసావహించిన వారికి తల్లి తండ్రుల ఆశీర్వాదం తో పాటు , సృష్టి కర్త శివుని ఆశీర్వాదం కూడా ఉంటుంది .
• చెప్పాలంటే ఈ కధ వినాయకుడు, కుమారస్వామి లకు సంబంధించిన విషయం గా చూడడం కంటే , కలికాలం లో మాయ వలన మనుషుల గుణగణాలు కోపం గర్వం అహం తో నిండి , వైకల్యాలు వైఫల్యాల ఆటంకాల తో మానవుని జీవన విధానం దుఃఖం తో నిండిపోతుందని ముందే గ్రహించి, మనిషి శ్రేయస్సు కోసం భగవంతుడు తన జ్ఞానం లో రచించిన విధానాన్ని పండితులు కధలుగా వినిపించారు .
కానీ అది నేటి మానవుడి ఆచరణ కోసం దిక్సూచి అని , నేడు ఎవరికి తెలియడం లేదు. బహుశా కధలను మనసు కి అన్వయించు కోవడం అలవాటు లేక పోవడం వలన అయి ఉంటుంది. లేదా కధలను కలలు గానే ఊహించే అలవాటు అయిపోయి ఉండవచ్చు . పురాణాలు, ఇతిహాస కధలలో ఉన్న పాత్రల జీవన విధానం, సంఘటనల విషయాలు నేటి మన జీవితాల కోసమే అని గ్రహించగలడం ఉత్తమం .
యడ్ల శ్రీనివాసరావు 28 Nov 2025 ,7:30 PM.
.png)
No comments:
Post a Comment