నీ వెవరో నీకు తెలియాలి
• తెలియాలి తెలియాలి
మనిషి కి తానెవరో తెలియాలి .
• తెలియాలి తెలియాలి
మనిషి కి తన జన్మకి కారణ తెలియాలి
• తెలియక గడిపే కాలం
మనిషి కి జన్మాంతరాలు అంధకారం .
• తెలియక గడిపే జీవనం
చుక్కాని లేని నావ పయనం .
• అందుకే . . .
• తెలియాలి తెలియాలి
మనిషి కి తానెవరో తెలియాలి.
• తెలియాలి తెలియాలి
మనిషి కి తన జన్మకి కారణ తెలియాలి .
• తన మూలం తెలియాలంటే
అందుకు . . .
చేయాలి శివుని తో నిత్యం ధ్యానం యోగం .
• తన మర్మం తెలియాలంటే
అందుకు . . .
వినాలి సత్య బ్రహ్మ జ్ఞానం .
• జ్ఞాన యోగాలు తెలియక
దుఃఖ సాగరం
ఈదుతున్నాడు నేటి మనిషి .
• ఆశనిరాశ ల తీరు తో
పాప పుణ్యాలు
ఎరుగకున్నాడు నేటి మనిషి .
• శాంతి సుఖము ఎరుగక
మనసు అలజడుల తో సహవాసం
చేస్తూ ఉంది .
• అల్ప కాలిక కోర్కెల తో
బుద్ధి అర్థాయుష్షు తో జీవనం
సాగిస్తుంది.
• అందుకే . . .
• తెలియాలి తెలియాలి
మనిషి కి తానెవరో తెలియాలి.
• తెలియాలి తెలియాలి
మనిషి కి తన జన్మకి కారణ తెలియాలి .
• తన మూలం తెలియాలంటే
అందుకు . . .
చేయాలి శివుని తో నిత్యం ధ్యానం యోగం
• తన మర్మం తెలియాలంటే
అందుకు . . .
వినాలి సత్య బ్రహ్మ జ్ఞానం .
• భక్తి లో మిగులుతున్నది రోదన .
అందుకు నిదర్శనం
ఆలయాల తొక్కిస మరణాలు .
• భక్తి లో కలుగుతున్నది వేదన .
అందుకు నిదర్శనం
ఆలయాలలో ఖరీదైన పూజలు .
• భక్తి లో అనుభవిస్తున్నది యాతన .
అందుకు నిదర్శనం
ఆలయాలలో గంటల తరబడి నిరీక్షణ.
• మనిషి కి తానెవరో తనకు
తెలియని కాలమంతా
దైవాన్ని శిల లోనే చూస్తాడు .
• తానెవరో తాను తెలుసుకున్న నాడు
శివుడే తన తండ్రని సత్య మెరిగి
తన మనసు లోనే చూస్తాడు .
• అందుకే . . .
• తెలియాలి తెలియాలి
మనిషి కి తానెవరో తెలియాలి.
• తెలియాలి తెలియాలి
మనిషి కి తన జన్మకి కారణ తెలియాలి .
• తన మూలం తెలియాలంటే
అందుకు
చేయాలి శివుని తో నిత్యం ధ్యానం యోగం
• తన మర్మం తెలియాలంటే
అందుకు
వినాలి సత్య బ్రహ్మ జ్ఞానం .
🌹🌹🌹🌹
• నేటి కలియుగం అంత్య సమయం లో , సృష్టి వినాశన కాలం లో మనిషి పూర్తి అచేతనుడై , అంధకారంలో తాను ఎవరో తాను తెలుసుకో లేక , అన్ని సంపదలు సమృద్ధిగా ఉన్నా సరే , కష్టాలకు తాళలేక, దుఃఖం భరించలేక మరియు మితి మీరిన కోరికల సఫలత కోసం , భగవంతుని పొందుట కోసం భక్తి చేస్తూ అనేక ఆలయాలు చుట్టూ తిరుగుతూ ప్రయాస పడుతున్నాడు అనేది వాస్తవం .
కానీ , ఇందులో ముఖ్యంగా భాధపడ వలసిన అంశం, ఈ మధ్య కాలంలో తరచుగా ఆలయాల లో ప్రాణాలు కోల్పోతున్న కొందరి రోదన . . .
భగవంతుని కోసం చేసే ఖరీదైన వ్రతాలు , కళ్యాణాలు పూజలు , తీర్థయాత్రలు , పుష్కరాలు , గంగా స్నానాల పేరుతో చేసే అమాయక పేదవారి అప్పుల వేదన . . .
భగవంతుని దర్శనం కోసం రోజులు గంటలు తరబడి Q లైన్ల లో నిరీక్షణ తో అనారోగ్యాల బారిన పడే మహిళలు , వృద్ధుల యాతన .
ఆలోచించండి . . . వీటన్నింటితో
• నిజం గా భగవంతుడు మనిషికి లభిస్తున్నాడా ?
• భగవంతుడు మనిషికి సాక్షాత్కారం ఇస్తున్నాడా ?
• భగవంతుడిని , మనిషి స్వయం గా మనసు తో నిరంతరం అనుభవం చేయగలుగుతున్నాడా ?
• ఓ మనిషి ముందు అసలు నీవు ఎవరో తెలుసుకో , అసలు నువ్వు ఎక్కడ నుంచి ఈ భూమి మీదకు వచ్చావో , అసలు ఎందుకు వచ్చావో తెలుసు కో. ఏ కారణం లేకుండా నీవు జన్మించవు కదా ? . . . ఇది తెలుసుకున్న నాడు , భగవంతుడు స్వయంగా నీ చేతిని స్పృశించడం ఆరంభిస్తాడు .
అందుకోసం నీవు ఈ వేదన రోదన యాతన పడవలసిన అవసరం లేదు. నిత్యం వేకువజామున నిద్రలేచి , ఇంటి లోనే ఉండి శివుని తో అనుసంధానం అయి ధ్యాన యోగం చెయ్యి . శివుని యొక్క సత్యమైన బ్రహ్మ జ్ఞానం, నీకు దగ్గర లో ఉన్న బ్రహ్మ కుమారీస్ ఈశ్వరీయ విశ్వ విద్యాలయం వారి , ఓం శాంతి ధ్యాన ఆశ్రమం నందు ఉచితం గా ఒక అరగంట విను . అప్పుడు భగవంతుని తో నీ ప్రయాణం ఎంత అత్యుత్తమంగా ఉంటుందో కనీసం ఊహించడానికి , నీ శక్తి కూడా సరిపోదు.
• శివుని ని , నీ మనసు లో ప్రేమ తో తండ్రి గా ఆరాధించు , మాట్లాడు . నీకు ఏ ప్రయాస వేదన రోదన యాతన ఉండదు. నీకు మిగిలేది అనంతమైన ఆనందం సంతోషం . నీ జీవితానికి సఫలత లభిస్తుంది . ఇంతకు మించి నీకేం కావాలి ? ఆలోచించు. పోయేది ఏమీ లేదు.
గమనిక : క్షమించాలి .... ఇది ఏ ఒక్కరి భక్తి యెక్క మనోభావాలను ఉద్ధేశించి కాదు . భక్తి ద్వారా అనేక జన్మలు నుంచి మనిషి పొంద వలసిన సఫలత పొంద లేక ఇంకా దుఃఖం అనుభవిస్తూ నే ఉన్నాడు . దీనికి కారణం భగవంతుని యధార్థం ఏమిటో తెలియక పోవడం. మరియు మనిషి కి తన యధార్థం ఏమిటో తెలియక పోవడం. భగవంతుడికి చేసే భక్తి , తాను ఉన్న చోట నుండి, తాను ఉంటున్న స్థితి నుంచి మనసు ను భగవంతుని తో అనుసంధానం చేయడం ద్వారా తన జన్మ కు , జీవితానికి సఫలత పొందగలడు. ఇది ధ్యానం యోగం ద్వారా సాధ్యం అవుతుంది.
రెండు కళ్ళ తో చూసిన భగవంతుని ప్రతిబింబం దేహం లో తాత్కాలికంగా కొన్ని సెకన్లు ఉంటుంది . మనో నేత్రం, జ్ఞాన నేత్రం తో చూసే భగవంతుని జ్యోతి బిందు స్వరూపం మనసు లో శాశ్వతంగా ఉంటుంది .
ఓం శాంతి 🙏
ఓం నమఃశివాయ 🙏.
యడ్ల శ్రీనివాసరావు 19 Nov 2025 6:30 PM.
.png)
No comments:
Post a Comment