764. స్వస్థితి - పరస్థితి

 

స్వస్థితి - పరస్థితి

• స్వ అంటే స్వయం , ఆత్మ , మనసు అని  అర్థాలు ఉన్నాయి . స్థితి అంటే ఉండవలసిన విధానం . 

  మన మనసు గాని , ఆత్మ గాని ఆచరిస్తూ ఉండవలసిన విధానమే మన స్వస్థితి .   

  పర స్థితి నుంచి వచ్చిన పదం పరిస్థితి . పరిస్థితి అనగా  మనది  కాని  స్థితి అదే  పర స్థితి . 

• మనం అనేక సార్లు అంటుంటాం . . . పరిస్థితి ల వలన అలా జరిగింది , ఇలా జరిగింది అని .  

  మనలో ఉన్న మన బుద్ధి మన యధార్థ  స్థితి ని తెలుసుకొని    స్వ స్థితి ని  కలిగి  ఉన్న నాడు, పరిస్థితులు (పర స్థితిలు) మనపై ప్రభావం చూపవు. అనగా మన చుట్టూ ఉండే పరిస్థితి లు మనల్ని లోబరుచుకో  లేవు . 

• అసలు  స్వ స్థితి లో  ఉండ వలసిన ఏడు గుణాలు ఏమిటి అంటే . . . శాంతి, సుఖం, ప్రేమ, ఆనందం , జ్ఞానం (సత్యం), శక్తి , పవిత్రత . ఇవే మనల్ని దేని పైనా ఆధారపడకుండా జీవితాన్ని తీరం దాటించే సుగుణాలు . ఇవే  మన స్వస్థితి అనే వృక్షానికి బలమైన కొమ్మలు . 

  ఇవి మనలో బలహీనం అయినపుడు పరిస్థితి, పర స్థితి ల పై ఆధారపడటం , ఆ పర స్థితులకు  మనం లోబడి ఉండడం ,  వికారీ గుణాలకు దాసోహం కావడం , తద్వారా చెడు కర్మలు చేసి  దుఃఖం పొందడం వంటివి జరుగుతూ ఉంటాయి . 

• గమనించాలి . . .  స్వ స్థితి  అనే మాట వినగానే  మనం  సహజంగా  అనుకునే  నేను  నాది  అనే అహంకార  సంస్కారం  కాదు . అదే విధంగా పర స్థితి అంటే  ఇతరులు , పరులు అని కూడా కాదు .  

• స్వ స్థితి లో ఉండ వలసిన గుణాలు కాకుండా మరే ఇతర ఏ గుణాలను అయినా మనం మనసు తో ఆహ్వానించి నా , వాటిని కలిగి ఉన్నా సరే పరిస్థితి లకు లొంగి  జీవించ వలసిందే . పర స్థితు లలో ఉండేవి అన్నీ మాయా గుణాలు .

• స్వ స్థితి వలన మనసు కి ఆత్మకు ప్రయోజనాలు ఏమిటి అంటే . . . 

 1. శాంతి  అనే గుణం ఉండడం వలన మనసు లో భావోద్వేగాల అలజడుల  ఊగిసలాట (Emotional  Unbalance) ఉండదు . 

 2. సుఖం అనే గుణం ఉండడం వలన మనసు ఏ సందర్భంలోనూ అలసట (Tired ) పొందక , ఉన్న దానిని  సద్వినియోగం చేసుకుంటూ , అందులో మాధుర్యాన్ని అనుభవిస్తూ . . . శరీరాన్ని  వ్యర్థ కోరికలు  వ్యామోహల  నుంచి దూరంగా ఉంచుతుంది.

3.  ప్రేమ  అనే గుణం వలన మనసు నిరంతరం రంజితం  అవుతూ , ఆ  ప్రేమ ను సృష్టి లో ఇతర జీవుల కు పంచడం జరుగుతుంది . ఈ గుణం లేక పోవడం వలన మనల్ని మనం ప్రేమించు కోలేక, అసలు ప్రేమ అంటే అర్దం తెలియక ,  ప్రేమ ను పరుల నుంచి ఆశించ వలసిన  పర స్థితి వస్తుంది . నేటి ప్రపంచంలో ఈ ప్రేమ కోసమే మనిషి పరితపిస్తూ ఉన్నాడు . అందు కోసం తన స్థితి ని దిగజారి ప్రవర్తిస్తూ ఉన్నాడు .

4. ఆనందం  కలిగి ఉండడం వలన మన చుట్టూ నిరంతరం ఒక సంతోషంతో కూడిన వలయం (ఆరా) ఏర్పడి ఉంటుంది . మనం ఒంటరిగా, ఏకాంతం గా ఉన్నా ఏ లోటూ ఉండదు సరికదా మన వలయం లోనికి వచ్చిన ఇతరులు కూడా ఆ ఆనందాన్ని అనుభవం పొందుతారు .

5. జ్ఞానం (సత్యం)  వలన వివేకం కలిగి , సూక్ష్మ దృష్టి పొంది  ఏ సమయంలో  ఏ సందర్భంలో ఎలా ప్రవర్తించాలో ఎలాంటి నిర్ణయాలు తీసుకోవాలి అనే స్పష్టత తో ఉండడం జరుగుతుంది .  జ్ఞానం వలన సత్యం తెలుస్తుంది . మాయ నుంచి మనల్ని మనం ఎలా రక్షించు కోవాలో మన  మనో దృష్టి కి అర్ధం అవుతుంది.

6. శక్తి  వలన మనసు బలహీనత నొందక , ఉత్తేజం తో ఉండి  జీవితం లో మన చుట్టూ ఉండే ఎటువంటి పరిస్థితులనైనా , పర స్థితు లను అయినా సునాయాసంగా ఎదుర్కొవచ్చు . 

7. పవిత్రత  వలన బుద్ది ఆలోచనల లో శుద్ధి ఏర్పడి మనసు మంచి నిర్ణయాలు తీసుకొని, తద్వారా శరీరం తో  సత్ కర్మలు చేయడం జరుగుతుంది . 

• ఈ ఏడు గుణాలు , ఏడు లక్షణాలు మన ఆత్మ , మనసు , స్వయం మనము కలిగి ఉండడమే స్వ స్థితి. వీటిని అభ్యసించడమే రాజయోగం . జ్ఞాన ధ్యాన యోగాల అభ్యాసం నిరంతరం చేయడం వలన స్వ స్థితి సహజంగా వరిస్తుంది.

గమనిస్తే  . . . ఈ ఏడు గుణాలు   ఏడు తెల్లని అశ్వము లై  ,  మనసు ను  ఏడు కళ్లెము ల తో  స్వాధీన పరుచుకొని ,   దివ్యత్వం తీసుకు వచ్చి , జీవితం అనే  రధాన్ని  పూలబాట గా  చేసి మనిషి ని మహారాజు గా  నడిపిస్తాయి . 

  

  స్వ స్థితి తో  మన మనసు , ఆత్మ లేకపోతే పర స్థితులపై  ఆధారపడడం జరుగుతుంది. అదే దుఃఖానికి  , మాయ కి  ద్వారం అవుతుంది . 

ఓం శాంతి 

ఓం నమఃశివాయ 🙏 .

యడ్ల శ్రీనివాసరావు 1 July  2026 2:00 PM.