జీవాత్మ సత్యం
• ఏది నాది . . . ఏది నీది
నాది నాదనుకున్నదంతా
ఏమైందో . . . ఈనాడు .
• నాద నే ధనము కై
రేయి పగలు పరుగు లెట్టాను .
• నావి నావను కొని
వస్తు వైభోగాల కై
వెంపర్లు పడ్డాను .
• ఏది నాది . . . ఏది నీది
నాది నాదనుకున్నదంతా
ఏమైందో . . . ఈనాడు .
• దేహము పై ప్రీతి తో
పన్నీరు స్నానాలు చేసాను .
• నా సొగసు సౌందర్యానికి
తీరిక లేని సేవ లెన్నో చేసాను .
• బంధు మిత్రులను
రాజభోగాల తో సత్కరించాను .
• తరతరాలకు తరగని
ఆస్తుపాస్తులెన్నో కూడ గట్టాను .
• ఏది నాది . . . ఏది నీది
నాది నాదనుకున్నదంతా
ఏమైందో . . . ఈనాడు .
• నను నట్టింట చాప లో
నేడు చుట్టి పెట్టారు.
ఏమైంది . . . నాకు .
• నా అనుకున్న వారంతా
నను తాకటం లేదు .
ఏమైంది . . . నాకు
• ఎవరు నేను . . . ఎవరు నేను
నను నేను మరిచి తిరిగాను ఇన్నాళ్లు
ఎందుకో .
• ఆలు బిడ్డలే శాశ్వతమని
బంధు మిత్రులే ఆత్మీయులని
తండ్రి పరమాత్మ తో బంధం
ఎరుగక జీవించాను.
• ఆ బంధం కోసం నేడు
ఆరాట పడుతుంటే
దేహము లేక . . . దేహము లేక
దిక్కులు చూస్తున్నాను .
• ఏది నాది . . . ఏది నీది
నాది నాదనుకున్నదంతా
ఏమైందో . . . ఈనాడు .
శరీరము ఉన్న సమయంలో నే , ఈ సృష్టి మూలానికి తండ్రి అయిన శివ పరమాత్మ తో స్మృతి బంధం కలిగి ఉంటే , శరీరం వదిలిన తరువాత ఆయన సన్నిధి చేరడం సాధ్యం అవుతుంది .
ప్రాపంచిక , సంసార బంధాలలో ఉంటూ , తండ్రి శివుని తో బంధం కొనసాగించడమే జీవుని కి కర్మ బంధ మోక్షం .
దేహానికి మాయ ఆవహించి ఉండడం వలన భార్య భర్త పిల్లలు బంధువులు స్నేహితులు తోడు గా ఉన్నట్టు అనిపిస్తారు అంతే కానీ వారెవరు శాశ్వతం కాదు.
జీవునికి శరీరం ఉన్నప్పుడు కంటికి కనిపించక , శరీరం లేనప్పుడు ఆత్మ కి కనిపిస్తూ అన్ని వేళలా శాశ్వతం గా తోడు ఉండేది శివుడు ఒక్కడే .
అందుకే శివుని పూజించాలి , ప్రేమించాలి , ధ్యానించాలి .
ఓం శాంతి
ఓం నమఃశివాయ 🙏
ఆత్మ 4 July 2026 10:00 AM.
.png)
No comments:
Post a Comment