అనుబంధం……సుగంధం
🥀🥀🥀
* బంధమా ... అనుబంధమా ...
నిర్బంధమా ... సుగంధమా ... ఏ బంధమో.
• అనంతమైన ఈ విశ్వంలో అంతం లేనిది శూన్యం ...
ఈ బంధమే ఒక శూన్యం ...
కానీ ... శూన్యం ఎంతో సజీవం ...
సజీవం తో ఉన్న ఈ బంధమే నా శ్వాసకు ఆధారం.
• కరుగుతున్న కాలంలో
కలిసి "పోతున్న" మనకు
కలవరమెందుకో ... కలత ఎందుకో.
• అశలు హరివిల్లు అవుతున్న వేళ
ఆనందమే ఆకాశం అవుతుంటే … ఆహా.
• జ్ఞాపకాలు ఊపిరి అవుతున్న వేళ
సుఖదుఃఖాలు రేయి పగలు అవుతున్నవి.
• రాసిన అక్షరాలు హృదయస్పందన అవుతుంటే
మనసు మూగ పోతుంది
నా మనసు మేఘమవుతుంది.
• వాడిన మొక్కకు పువ్వులు పూస్తుంటే
ఎండిన చెట్టు చిగురిస్తుంటే
వయసు చిన్నదాయెను ... మనసు ఊయలూగెను.
• మనసు పంచుకోవడానికి
మనసే కావాలా, మనిషి కానక్కర్లేదా
చెలి ఓ నా చెలి ...
మనిషి లోనే కదా మనసు ఉన్నది.🌹🌹🌹
.jpeg)
No comments:
Post a Comment