ఊహల ఆశలు
• ఊహలు ఊహలు
ఊపిరి నిచ్ఛేటి పట్టుగొమ్మలు.
ఆశలు ఆశలు
జీవం నింపేటి హరివిల్లులు.
• ఊహలకు మనసు సొగసు అవుతుంటే
విరిసే ఆశలు చేసేను నటరాజ నాట్యం.
• ఆశలకు బ్రతుకు ఆలంబన మవుతుంటే
మెరిసే ఊహలు ఊరేగే అంబరాన తారలుగా.
• బ్రతుకే ఒక ఊహయితే
బ్రతికించే ఆశ అమృతం.
• ఊహలు నిజమయితే
మధురం తాకే ను ఆకాశం.
• ఊహలు ఊహలు
ఊపిరి నిచ్ఛేటి పట్టుగొమ్మలు.
ఆశలు ఆశలు
జీవం నింపేటి హరివిల్లులు.
• ఊహలకు మనసు భారమవుతుంటే
మెదిలే ఆశలకు ఆధారం ఏమిటి.
• ఆశలకు బ్రతుకు పోరాటమవుతుంటే
విడిచిన ఊహలకు అర్దం ఏమిటో.
• నిజము కాని ఊహలు
అంధుడికి బలమైన ఊతం.
• అడియాశలైన ఆశలు
జీవుడి కి అందమైన శూన్యం.
• ఊహలు ఊహలు
ఊపిరి నిచ్ఛేటి పట్టుగొమ్మలు.
ఆశలు ఆశలు
జీవం నింపేటి హరివిల్లులు.
యడ్ల శ్రీనివాసరావు 14 July 2023, 9:30 AM.
No comments:
Post a Comment