గద్దర్
ప్రజా గాయకుడు
అమర వీరుడు గద్దర్ కు నివాళుల తో ....
• అమర వీరుడా ఓ అమర వీరుడా
అశువులు బాసిన సమర యోధుడా.
• బడుగు జీవుల ఆరాటం
నువు మోసిన "పల్లకి" పోరాటం.
• ఆకలి దప్పుల ఆవేశం
నువు వేసిన బాటకు సోపానం.
• అమర వీరుడా ఓ అమర వీరుడా
అశువులు బాసిన సమర యోధుడా.
• నల్ల కంబళి … ఆ … నల్ల కంబళి
నీ నిరసన కాదు
పెత్తం దొరలకు భేతాళ స్వప్నం.
భేతాళ స్వప్నం భేతాళ నృత్యం
భేతాళ స్వప్నం భేతాళ నృత్యం.
• అమర వీరుడా ఓ అమర వీరుడా
అశువులు బాసిన సమర యోధుడా.
• తూటాలు దిగినా … ఆ.. తూటాలు దిగినా
తెంచ లేదు లే నీ ప్రాణం.
తుంచ లేదు లే నీ లక్ష్యం.
• రకతం కారినా … ఆ … రకతం కారినా
రంగు మారలేదు లే నీ రంగం
సరికదా వరదై పొంగింది
చైతన్యం … నీ చైతన్యం.
• అమర వీరుడా ఓ అమర వీరుడా
అశువులు బాసిన సమర యోధుడా.
• గజ్జె కట్టిన నీ పాదం … ఆ …
గజ్జె కట్టిన నీ పాదం
బడుగుల మనసులో
గంటై మోగింది
గుడి గంటై మారు మోగింది.
• పదం కట్టిన నీ పద్యం
అందరి ఆశై సాగింది
శ్వాసై పాడింది
ఆశై సాగింది … శ్వాసై పాడింది.
• పేదల కోసం ప్రమిధై నిలిచావు
నీ ఊపిరి నంతా సమిధ చేసావు.
• అమర వీరుడా ఓ అమర వీరుడా
అశువులు బాసిన సమర యోధుడా.
యడ్ల శ్రీనివాసరావు 2 sep 2023 , 10:00 pm.
.jpeg)
No comments:
Post a Comment