వెన్నెల వే...ద...న
• నిండు పౌర్ణమి రాత్రి సమయం 8 గంటలు ....
• చంద్రుని వెన్నెల....
గోదావరి తీరం....
ఇసుక తిన్నెలు.
• గోదావరి తీరంలో
ఇసుక తిన్నెలపై ఏకాంతం గా
వాలు జారి చూస్తుంటే….
ఒకవైపు గోదావరి....మరో వైపు నిండు వెన్నెల.
• వెన్నెల్లో గోదారి
ముత్యాల తలంబ్రాలలా
మిలమిలలాడుతూ ఉంది.
• ఆ రేయి లో....
గోదావరి పై తెల్లని కొంగల సమూహం....
సందడిగా ఎగురుతూ ఉంటే....
ఆశగా ఆకాశాన్ని చూసే
నా కళ్ళకి ఆనందంతో
చుక్కలు రా... రా... అని పిలుస్తున్నాయి.
• గోదావరి నావ లోని తెరచాప
రెపరెపలాడుతూ ఉంటే....
పురివిప్పిన నెమలిలా మనసు నాట్యం చేస్తోంది.
• ప్రియా....ఇసుకతో చేసిన నీ శిల్పం,
నా అరచేతిలో మెరుస్తూ ఉంటే....
వీచే గాలిలో నీవే కనిపిస్తున్నావు.
నను తాకే పారిజాతపు పరిమళం....
నీవే అనిపిస్తున్నావు.
• సకలము నీవైనా....త్యాగము నేనైనా.
• ఎదురుపడవని తెలిసినా....
ఎదురు చూపులతో
ఎన్ని రాత్రులో నీ కోసం.
• నా కన్నీటి మసకకి,
గోదావరి తోడై….వెన్నెల నీడై….
నా జీవన నాడవుతుంటే....
ఊపిరి ఆగిపోతే బాగుండనిపిస్తుంది.
YSR 2 Sept 21 10:00 pm
.jpeg)
No comments:
Post a Comment