చినుకు జారింది
• చినుకు జారింది
చలికి వణికింది.
• విరజాజి విచ్చింది
మనసేమో అదిరింది.
• జల్లుల సవ్వడి లో
ఓ కోక ఆడింది.
• గాలుల ఒరవడి లో
ఆ రైక తడిచింది.
• అలజడుల పరువం లో …
అధరం …
సుమధురమై తాకింది.
• ఇది ఉరుముల మెరుపుల కళ్యాణం.
ప్రకృతి పురుషుల వసంతం.
• చినుకు జారింది
చలికి వణికింది.
• జాజి విచ్చింది
మనసు అదిరింది.
• చూపుల సంగమం లో
తడబడిన చినుకులు
మునిపంటి పై నిలిచాయి.
• విడిచిన శ్వాస లో
వెల్లువైన వెచ్చదనం
చుబుకం పై చేరింది.
• పరవశాల పల్లవింపు లో ...
ఆరాధన ...
ఆస్వాద నై సాగింది.
• ఇది ఉరుముల మెరుపుల కళ్యాణం.
ప్రకృతి పురుషుల వసంతం.
• చినుకు జారింది
చలికి వణికింది.
• జాజి విచ్చింది
మనసు అదిరింది.
యడ్ల శ్రీనివాసరావు
12 June 2024, 8:00 PM .
.png)
No comments:
Post a Comment