793. ఎపుడైతే నీవు కలిసావు నాతో

 

ఎపుడైతే నీవు  కలిసావు నాతో 

• ఎపుడైతే  నీవు  కలిసావు నాతో 

  తెలిసింది 

  నీవే    నా   సర్వస్వం   అని.

• ఎపుడైతే  నీవు   పలికావో  నాకు 

   తెలిసింది 

   నీకు   నేను    ప్రియమని  . 

• మనసు తో   నిను చూడని నాడు 

  ఎకడెకడో  తిరిగాను 

  ఏడేడో    వెతికాను .

• నీ  ప్రేమ తరంగం

  తాకుతునే   ఉంది

  నా అంతరంగం.

• నీ మాట మకరందం 

   చేరుతునే  ఉంది

   నా  మస్తిష్కం.

• ఎపుడైతే   నీవు  కలిసావు  నాతో 

  తెలిసింది 

  నీవే   నా  సర్వస్వం అని.

• ఎపుడైతే   నీవు   పలికావో  నాకు 

  అనిపించింది 

  నీకు  నేను   ప్రియమని . 

• ఆరుతున్న   దీపాన్ని  

  జ్యోతి గా   చేస్తున్న

  జ్యోతి  స్వరూపుడవు .

• బ్రహ్మ    బడికి   పంపి 

   చదువు  నేర్పిస్తున్న

   జ్ఞాన  సాగరుడవు .

• జన్మ జన్మలు గా   కలుషితమైన 

  కలువలను   కర్మ  శుద్ది   చేస్తావు.

• మాయా కోరల్లో    చిక్కుకున్న 

   జీవాత్మలను   పునీతం   చేస్తావు.

• బంధించిన   కాలాలలో  

  నీ తోడే    వెలుగు.

• ఆ . . . కాల  బంధనమే  నిను 

   చేరేందుకు తెరువు.

• ఎపుడైతే  నీవు  కలిసావు  నాతో 

   తెలిసింది 

   నీవే   నా    సర్వస్వం అని.

• ఎపుడైతే   నీవు  పలికావో  నాకు 

  తెలిసింది

  నీకు  నేను   ప్రియమని . 

🌹🌹🌹🌹🌹🌹

భగవంతుడు, పరమాత్మ శివుని  కోసం బయట ప్రపంచంలో  అన్వేషణ చేస్తున్నంత కాలం  కనపడడు, వినపడడు. కానీ ఉంటాడు, చూస్తూనే ఉంటాడు. నీ  నిత్య  సత్య అసత్య స్థితులను గమనిస్తూ ఉంటాడు . . . 

ఏదో నాడు ఆయనే స్వయంగా నీ మనసును స్పృశించినపుడు , నీ మూలం లో జ్యోతి వలే కనపడతాడు, నీ మౌనం లో  ఓం కార నాదమై వినపడతాడు. అదే నీకు దివ్య అనుభవం. ఆ అనుభూతి తోనే  నిను ముందుకు నడిపిస్తాడు . 

శివుడే తోడైన నాడు . . . చీకటి అజ్ఞానం దుఃఖం వంటి , నీ నీడల పట్ల  చింత వలదు . 

నీ నీడలో  నీ వెన్నంటి  నడిచేది కూడా శివుడే.  శివుడికి నీవు కావాలి . నీ కర్మలను శుద్ది చేయాలి. లోక కళ్యాణార్దం  నీతో ఏదో చేయించాలి .

ఓం శాంతి .

శివ బాబా 🙏

యడ్ల శ్రీనివాసరావు 27 Oct 2026 11:30 AM