అలల గోదారి
• అలల గోదారి రమ్మంటోంది.
కలల కావ్యాలు తెమ్మంటోది.
• శుభోదయపు కౌగిలి లో
మంచు తెరల కొంగులో
సూర్యుడు దాగున్నాడు.
• గోదావరి శాంతం లో
గలగలల గానం తో
పరవళ్లు తొక్కుతోంది.
• అలల గోదారి రమ్మంటోంది.
కలల కావ్యాలు తెమ్మంటోది.
• రవి కిరణాల కౌసల్యం
రస రంజకం చేస్తుంటే
రాజ భోగాల సౌందర్యం
మనసు ను తాకుతుంది.
• బంగారు వర్ణం లో
గోదావరి మెరుస్తుంటే
సింగారి నీలం లో
ఆకాశం నవ్వుతుంది.
• అలల గోదారి రమ్మంటోంది.
కలల కావ్యాలు తెమ్మంటోది.
• ఎగిరే గువ్వల సంబరాలు
ఎదలో రేపెను మధుర భావాలు
• ఏకాంతమైన ఈ క్షణాల లో
ఏమరించెను ఈ జీవం.
• అలల గోదారి రమ్మంటోంది.
కలల కావ్యాలు తెమ్మంటోది.
యడ్ల శ్రీనివాసరావు 8 Feb 2024 , 6:30 pm.
.jpeg)
No comments:
Post a Comment