483. ఆమని

ఆ మ ని

• ఆగమేఘాల తో    వచ్చింది   ఆమని.

  కోకిల రాగాలు     పలికింది    వినమని.

• హావభావాలతో    రాలాయి

  ఆకులు

  కొత్త  చిగురు    కోసం.

• నింగి లో    ఎగిరాయి

  హంసలు

  సరికొత్త  లోకం   కోసం .

• మంచు తెరలు  

  తుడిచింది  ...   ఈ  కాలం.

  రంగులతో   చిందులేసింది   నా మనసు.

• పూల  పరికిణీలు   

  తొడిగింది    ...   ఈ వసంతం.

  హంగులతో   గెంతులేసింది  నా  వయసు.

• ఆగమేఘాల తో   వచ్చింది   ఆమని.

  కోకిల రాగాలు     పలికింది   వినమని.

• పైరు గాలి    పలకరింపు తో

  పసితనం    పొంగింది.

• కోడెకత్తె     చిలకరింపు తో

  ఈడుతనం    చిందింది.

• షడ్రుచుల   కలయిక  లో   

  భవ బంధాలు   నిండాయి.

• రుచులకు     ఆహార్యం గా 

  భావోద్వేగాలు   నిలిచాయి.

• ఆగమేఘాల తో    వచ్చింది    ఆమని.

  కోకిల రాగాలు      పలికింది    వినమని.

• ప్రకృతి లో     పెనవేసుకుంది    ఉగాది.

  దాసుడి   రాతతో    నేడు   మేల్కొంది.

కోడెకత్తె  = పడుచు యువతి.

యడ్ల శ్రీనివాసరావు .  2 Apr 2024 9:30 pm