సెలయేరు కన్నీరు
• జారే నీరు సెలయేరు
మదిలో పారే నీరు కన్నీరు .
• సెలయేటి పరవళ్ళు
చక్కంగా నింపెను ఆనందం .
• కన్నీటి కడగండ్లు
వెచ్చం గా కడిగేను విచారం .
• జారే నీరు సెలయేరు
మదిలో పారే నీరు కన్నీరు .
• సెలయేటి తుంపరలు
సంబరాలకు అంబరం .
• తొణికిసల పరవశం
చిరునవ్వుల కోలాటం .
• కన్నీటి ఉద్వేగాలు
అంతరాల ఆవేదనలు .
• కరుగుతున్న క్షణికం లో
హృదయానికి ఉప్పెనలు .
• జారే నీరు సెలయేరు
మదిలో పారే నీరు కన్నీరు .
• సెలయేటి నీరు జీవామృతం .
మది మీటిన నీరు మధురామృతం .
• ప్రాణానికి తెలుసు నీటి మహత్యం
హృదయానికి తెలుసు కన్నీటి కావ్యం .
• ఈ నీటి రూపాలు
మనిషి కి
సుఖదుఃఖాల ఆటలు .
• జారే నీరు సెలయేరు
మదిలో పారే నీరు కన్నీరు .
యడ్ల శ్రీనివాసరావు 28 Oct 2025 9:30 AM.
No comments:
Post a Comment