286. సాగర నెమలి

 

సాగర నెమలి

• ఈ  సాయం   సంధ్య సమయంలో

  పాడింది రవళి …  పలికింది మురళి

  సంతోషం తో   సాగింది  సాగర సరళి

• ఈ పౌర్ణమి  రాతిరి   సమయం లో

  పిలిచింది నళిని … చూసింది హరిణి

  ఆనందం తో ఆడింది   వనమున  నెమలి.

• తీరం లో   రేణువులు   గానానికి గమకాలై

  ఎగిరి ఎగిరి  నాట్యం  చేస్తున్నాయి.

• వెన్నెల్లో  మిణుగురులు   శ్రావ్యానికి  సంబరమై

  తహ తహ  మెరిసిపోతూ ఉన్నాయి.

• ఈ సాయం  సంధ్య  సమయంలో

  పాడింది   రవళి …  పలికింది  మురళి

  సంతోషం తో  సాగింది  సాగర సరళి

• ఈ పౌర్ణమి  రాతిరి  సమయం లో

  పిలిచింది  నళిని …  చూసింది హరిణి

  ఆనందం తో ఆడింది   వనమున నెమలి.

• ఉరకలు వేసే అలలు   ఉవ్వెత్తున  లేచాయి

  ఇసుక  రేణువులను  ముంచాయి.

• ఆకలి గొన్న  కీటకాలు   దాడులు చేసాయి

  మెరిసే  మిణుగురులను  మింగాయి.

• మురళి మూగ బోయింది …  రవళి రాగం ఆగింది

• నళిని కుంగి పోయింది …  హరిణి వెడలి పోయింది

• సాగుతోంది  సాగర  సరళి 

  అదోలా  అదేదో లా … అదేదో లా

• ఆడుతోంది  వనమున  నెమలి 

  అదోలా  అదేదో లా … అదేదో లా

• రవళి = శ్రావ్య శబ్దం

• మురళి = పిల్లనగ్రోవి

• నళిని = తామర పువ్వు

• హరిణి = ఆడ జింక, అప్సరస

యడ్ల శ్రీనివాసరావు 21 Dec 2022 9:00 pm