287. వికసిత

 

వికసిత

• వికసిత  వదన    కుసుమిత  సదన

  చెకుముకి  చెలియా

  ఇదే ఇదే   నా సుమాంజలి.

• ఊహలోన  కలిశావు

  కనుల  ఎదుట  మెరిశావు

  కలలకు  జీవం  పోశావు

  కాలంలో  కరిగి  పోయావు.

• నీ అందంతో   ఆకాశం లో   విహరించి

  ఆనందాన్ని   ఆస్వాదించా

• నీ మౌనం తో   మలయం లో  సంచరించి

  స్వేదం పట్టని   సేదను పొందా

• చెకుముకి చెలియా    జీవన సఖియా

  తవనత  ప్రణయా

  ఇదే ఇదే   నా హృదయాంజలి

• నీ కాలం లో    నే  లేనే  లేను

  కానీ   నే   ఏకాకి ని   కాను.

• నాతలపు లో   నిలిచి   ఉన్నావు

  ఊపిరి వై   కలిసి ఉన్నావు

• తవనత  ప్రణయా    నదమున నదియా

  సరసన  సరయా

  ఇదే ఇదే  నా ప్రేమాంజలి

• నీ కోసం వస్తాను   నీ తోనే ఉంటాను

  నీ లోనే  కరిగి  కనుమరుగై  “పోతాను”.

మలయము = ఉద్యానవనం, తోట

తవనత = క్లుప్త కాలం

ప్రణయ = ప్రేమ, పరిచయం, ప్రీతి.

నదము = ప్రవహించే జలపాతం

నదియా = ఆశ

సరయు = చల్లని గాలి

యడ్ల శ్రీనివాసరావు 23 Dec 2022 , 10:30 pm.