288. ఏమి మనుషులో

 

ఏమి మనుషులో

• ఏమి మనుషు లో …. ఏమి మనసు లో

  ఏమి బ్రతుకు లో

• ఓ మనిషి….

  నడిచే నాటకం లో   

  నీవొక నటుడి వని  తెలిసినా

  రక్తి కట్టించలేని    

  రంగస్థలం  నీ జీవితం.

• రంగులు పూసిన  

  హంగులు దిద్దిన  

  నీ నవ్వు ల   వెనుక  కనపడుతుంది   

  ఈర్ష్య ద్వేషాల  విషవలయం.

• ఇంత కన్నా 

  ఏమి సాధించావు    ఏమి శోధించావు

• సాక్షి వి  కాలేని  

  నీ మాటకు ….  నీ ఆలోచనకు

  మనస్సాక్షి లేని జీవితమేరా   

  నేటి  నీ  జన్మకు సాక్ష్యం.

• ప్రేమ  ల్లో మోసాలు      

  గుండె ల్లో భారాలు ...

  స్నేహ ల్లో మాయలు    

  మనుషులతో ఆటలు.

• ఇంత కన్నా 

  ఏమి సాధించావు   ఏమి శోధించావు.

• ఏమి మనుషు లో …. ఏమి మనసు లో

  ఏమి బ్రతుకు లో

• ఓ మనిషి

  జీవితమంటే   వ్యాపారం  కాదురా

  లెక్కలు వేయడానికి

  తేడా చేస్తే   మరు జన్మ కూడా 

  తారు  మారే  కదరా

• చెదలు నిండిన మెదడు తో 

  చదరంగం ఎన్నాళ్ళురా ...

  చిక్కి శల్యం  అయ్యాక  

  నీలో  మిగిలేది  చెత్తే  కదరా

• ఇంత కన్నా 

  ఏమి సాధించావు   ఏమి శోధించావు

 

• యేరు దాటాక   

  తెప్ప తగలెయ్యకు రా ...

  ఊరు దాటాక   నీ  దేహాన్ని 

  కాడు తరిమెస్తుంది రా

• మాయలో మునిగి తే 

  మర్మం ఎన్నటికి తెలిసేది రా

  మనసు  తెరిచి  చూడరా 

  శివుని బాట  తెలియును రా

• ధనం ఎంతున్నా  

  నీ దారిద్ర్యం తీరేనా

  భోగం ఎంతున్నా 

  నీ రోగం నయమయ్యేనా.

• ఏమి మనుషు లో …. ఏమి మనసు లో

  ఏమి బ్రతుకు లో

• ఓ మనిషి

  పూటకో  నాటకం లో  ఆరితేరావు

  నటకిరీటి  వై   చెలరేగుతున్నావు.

• సిగ్గు లేని   జీవితానికి   తెర ఎత్తావు

  హద్ధు లేని  అలవాట్లకు  బానిస అయ్యావు.

• ఏమి మనుషు లో …. ఏమి మనసు లో

   ఏమి బ్రతుకు లో

• ఓ మనిషి

  ఇంత కన్నా 

  ఏమి సాధించావు   ఏమి శోధించావు

యడ్ల శ్రీనివాసరావు 26 Dec 2022 7:30 pm