410. ఎట్టాగ అయ్యేది దూరం

 

ఎట్టాగ అయ్యేది దూరం

• శివునికి      ఎట్టాగ

  అయ్యేది   దూరం.

  నాకు        నేనెట్టాగ

  అయ్యేది    భారం.

• నరము  లేని    నాలుక కు

  నాట్యం     ఎందుకు.

  రంజనపు    రమణీయం

  రవ్వంత    యే    కదా.

• మాయ     మాటల తోని 

  మనసుకి   ఆటలు   ఎందుకు.

  మైకం     ముసుగు లో

  మనిషి   మూలం  ఎరుగునా.

• శివునికి     ఎట్టాగ

  అయ్యేది   దూరం.

  నాకు        నేనెట్టాగ

  అయ్యేది   భారం.

• ఆశల     ఆరాటం తో

  ఆలంబనం   ఎందుకు.

  స్థితి   తోన    మతి

  గతి   చేర     లేదా.

• ఏ  ఎండ కా   గొడుగు

  ఎన్నాళ్లు    సాగేను.

  ఏనాటికైనా    ఎండి

  పోవాలి    కదా.

• శివునికి     ఎట్టాగ

  అయ్యేది   దూరం.

  నాకు      నేనెట్టాగ

  అయ్యేది     భారం.

• దేహల    మోహం తో

  దేహి ని     కాలేను.

  అనిశ్చిత     కర్మలు

  రాతలు     అయ్యెను.

• బంధాలు అన్ని   బుణము లే  కాని

  ఏనాటికీ అవి

  అనుబంధములు   కాబోవు.

• శివునికి      ఎట్టాగ

  అయ్యేది   దూరం.

  నాకు       నేనెట్టాగ

  అయ్యేది   భారం.

• ఎవరి   ఆకలి    వారిదే

  ఎవరి   లెక్కలు  వారివే

  ఎవరి   జీవితం   వారిదే

  ఎవరి  జీవనం    వారిదే.

• శివునికి     ఎట్టాగ

  అయ్యేది   దూరం‌

  నాకు     నేనెట్టాగ

  అయ్యేది   భారం.

యడ్ల శ్రీనివాసరావు 16 Oct 2023 2:00 AM.