439. చిన్న నాటి హాయి

చిన్న నాటి హాయి

• చిన్న నాటి   హయి 

  ఎక్కడుంది  వోయి.

  చిందు  లేయకుంటే 

  హుషారెక్కడోయి.

• ఆడి పాడే      తొక్కుడు బిళ్ళలు.

  పోటా పోటీ     గూటీ బిళ్ల లు.

  లంగా వోణి      చెమ్మ చెక్కలు.

  నీటి గుంతల్లో   కప్ప గెంతులు.

• ఎక్కడికి పోయాయి

  ఏమై పోయాయి.

• ఆ రోజులు     ఈ రోజులు

  రోజులన్ని    ఒక్కటే.

• కాలం లో   రాని   మార్పు

  మనుషుల్లో    ఎందుకు.

• చిన్న నాటి   హయి 

  ఎక్కడుంది   వోయి.

  చిందు   లేయకుంటే 

  హుషారెక్కడోయి.

• దొంగ పోలీసు    దాగుడు మూతలు.

  బొంగరాల         కేరింతలు.

  ఏడు పెంకుల     బంతి ఆటలు.

  తూరీగ వెనుక  కొంటె పరుగులు.

• ఎక్కడికి    పోయాయి

  ఏమై    పోయాయి.

• మసి పట్టిన    మనసు లతో

  మసక మసక    ఆశల తో

  మకిలి పట్టిన   మనుషుల మై

  మనకెందుకో    ఈ బాధలు.

• చిన్న నాటి    హయి 

  ఎక్కడుంది    వోయి.

  చిందు  లేయకుంటే 

  హుషారెక్కడోయి.

• బంకమట్టి తో   లక్క పిడతలు .

  అష్టా చెమ్మ     చింత పిక్కలు.

  నేల బండ       దూకుడు ఆటలు.

  ఒప్పుల కుప్ప  వయ్యారి భామలు.

• ఎక్కడికి   పోయాయి

  ఏమై    పోయాయి.

• బాల్యం లో    లేని   శోకం

  బంధాల తో   ఎందుకు   భారం.

• వయసు    పెరిగి    వృద్ధులైనా 

  మనసు   తరుగుతుంటే నే    బాల్యం ... బాల్యం.

• చిన్న నాటి   హయి

  మనతో  నే    ఉందోయి.

• తట్టి    లేపావంటే 

  మనసంతా    హాయి  హాయి.

యడ్ల శ్రీనివాసరావు  19 Dec 2023 11:00 pm.