పంచభూతాల సమ్మేళనం
• నీటి లోని నా నీడ….. నా మనసు లోని తరంగాలను చూసి నిరాశ పడుతున్నాయి.
• గాలి లోని నీ జాడ…… నా మనసు అంతరంగాన్ని స్పృశిస్తూ ఆవేదన చెందుతుంది.
• భూమి మీద పగుళ్లు……. నా బంజరు మనసు జీవితానికి ఆనవాళ్లు.
• ఆకాశం లోని శూన్యం……. విశాలమైపోయిన నా ఖాళీ మనసు కు బింబం.
• అగ్ని లోని వేడి…….. నిరంతర నా మనసు దహనానికి దేదీప్యమైన వెలుగు.
• పంచభూతాల సమ్మేళనం …… నీడ లేని నా మనసు, నీ జాడ కోసం తిరుగుతూ, బంజరు భూమి పై ఉండలేక, దహించి దహించి,. సూక్ష్మాతి సూక్ష్మమై, తేలికయై శూన్యం లో కలిసిపోతుంది…... అది యే ఆత్మ…..శివుడు ఆడించే ఆటలో ఇది ఒక ఘట్టం. ఇది సత్యం. జన్మ జన్మల లో ఏదోక జన్మలో ఈ ఘట్టం అనుభవించవలసిందే. ఈ అనుభవమే అదృష్టం, ప్రారబ్దక కర్మ వియోగం.
యడ్ల శ్రీనివాసరావు 12 జనవరి 2022 11:00 am.
No comments:
Post a Comment