104. ఏమని చెప్పను

 

ఏమని చెప్పను

• ఏమని చెప్పను

  ఏముందని చెప్పను

  ఎలా చెప్పను.

• ఏమీ లేని దానికి

  ఏదో ఉందనే భ్రమలో ఇన్నాళ్లు 

  ఉన్నానని చెప్పానా.

• నా లో ని ఆలోచనలే 

  నాకు భ్రమ కలిగిస్తున్నాయని చెప్పనా.

• నీ అంతరార్థం 

  అర్థం కావడం లేదని చెప్పనా.

• ఆకాశానికి నిచ్చెన వేసే 

 ఆశాజీవిని అవుతున్నానని చెప్పనా.

• ఏమని చెప్పను.

• నా అనాలోచనకు 

  హద్దే లేకుంటుదని చెప్పనా.

• నేనోక ప్రత్యేకం 

  అందుకే నేనోక విపరీతం 

  అని చెప్పనా.

• అనుక్షణం నిను అర్థం చేసుకోవడం లో 

  నాకు నేను అర్థం కావడం లేదని చెప్పనా.

• నిజమే   

  ఏమని చెప్పను

  ఏమున్నదని చెప్పను.

• ఏమీ లేదనుకుంటే

  ఉన్నదంతా ఊహే అని చెప్పనా.

• నేను మనిషి నే

  అందరి లాంటి మనిషి నే

  కానీ భావోద్వేగాల బలహీనతల మనిషిని

  వాటి తోనే నా జీవితమని చెప్పనా.

• అయినా  ఇంకా ఇంకా చెప్పడానికి 

  నా మనసు లో ఇంకేం మిగిలిందని చెప్పను.

• చివరిగా ఒకటే చెప్పగలను

  నువ్వే నా సర్వస్వం అని

  ఇంతకన్నా చెప్పడానికి 

  నాకు ఆకారమే లేదని చెప్పగలను.

యడ్ల శ్రీనివాసరావు   10 Nov 2021 6:00 pm.