99. వెలుగు నీడలు

వెలుగు నీడలు

• నీ పై కలిగే ఆశ కనులకు వెలుగవుతుంటే

  కన్నీరు నిరాశై చీకటనిస్తుంది.

  చీకటి లో కూడా నీ నీడ స్పష్టమవుతుంటే 

   ఆశ నిరాశ లతో నా కేమి.

• నీ ముత్యాల పలుకులు 

  నా ముంగిట లేకపోయిన ఏమీ

  నీ మురిపాల *హసములు నిత్యం 

  ప్రతిధ్వనిస్తూనే ఉన్నాయి.

• నీ రతనాల రూపం 

  నా కంటికి కానకున్న ఏమీ

  నీ *రమణీయం నిరంతరం రంగుల రాట్నం లా

  నా చుట్టూ తిరుగుతూనే ఉంది.

• నీ చెక్కిలి చామంతులు 

 నను పిలవకున్న నేమీ

 నీ మధురం మకరందమై 

 నా కు అధరామృతం అవుతూనే ఉంది.

• నీ అరచేతిలో నా చేయి లేకున్న నేమీ

  నా నుదుటిరాతలో నీవొక రేఖ వని 

  తెలుస్తూనే ఉంది.

• ఈ జన్మకు తోడు కాకపోతే నేమి

  గత జన్మలోని నీడ వని తెలుస్తూనే ఉంది.

• నా ఊహే నా మనసు కు వరమవుతుంటే

 నా మాటే నా కవితకు పదమవుతుంటే

  అనంత కోటి తారల్లో నేను ఏడ ఉంటే నేమి 

  ఏమి చేస్తే నేమి

  నా ఆత్మలో అంతరాత్మవి నీ వే కదా.

• నీ ప్రేమ లోని వెలుగే

  నా మనసు లో ని ప్రకాశం. 

  అదియే నీ నీడ లేని,  నా జీవితానికి 

  జన్మ జన్మల దీపావళి వెలుగు.

యడ్ల శ్రీనివాసరావు 3 Nov 11:00 pm 9293926810.

*హసములు = నవ్వులు

*రమణీయం = మనోహరం, సుందరం