106. ఎందుకు ఉన్నానో

 

ఎందుకు ఉన్నానో

• మైనమవుతున్నదే

  మనసు మైనమవుతున్నది.

• నీ చేతిలో సున్నితమైన బొమ్మ

  కావాలని నా మనసు మైనమవుతున్నది

• కరిగి పోతున్నానే

   హిమము లా కరిగి పోతున్నాను

• నీ పాదముల చెంత చేరాలని

   నీటి నై కరిగి పోతున్నానే.

• ఆకాశంలో అందమైన మేఘాలే

   కారుమబ్బులై  కలవరపెడుతున్నాయి.

• ఎందుకో ఏమిటో తెలియదు  

   ఆశల స్వర్గమంతా 

   నిరాశ తో నరకం అవుతున్నది

• ఔనన్నా కాదన్నా 

  తెలుస్తొంది తెలుస్తోంది

  నీ కంటి జారే నీరు

 నా ఊపిరిని బంధిస్తుంది.

• నేను లేని నిన్ను తో జీవించగలను

  కాని నువ్వు లేని నేను జీవం తో ఉండలేను.

• ఇవి అక్షరాలు కావే

  మనిషి మాటలు కావే

  మనసు వేదన.

• ఉండలేక ఉన్నాను

  నిను చూడలేక ఉన్నాను

  నీ తోడు లేక ఉన్నాను

  ఎందుకు ఉన్నానో   తెలియకనే ఉన్నాను

  ఎందుకో  మరి ఎందుకో  తెలియదే.

• నిజము కాని నిజము లో  

  ఊయల ఊగలేకున్నానే.

యడ్ల శ్రీనివాసరావు 12 Nov 2021 3:00 pm.