417. శివ సుందర

 

శివ  సుందర

• శివుడే    సుందరుడు

  నా  శివుడే   చందురుడు.

• రూపము   చూసిన   శాంతము

  నామము   చేసిన     సౌఖ్యము.

• శివుడే      సుందరుడు

  నా శివుడే  చందురుడు.

• మౌనము    గానే    మనసున

  అగ్ని ని   కొలువై నాడు.

• ఆరుద్రం లోనే     వెన్నెల నిండి

  నేడు  ఉదయించాడు.

• శివుడే      సుందరుడు

  నా శివుడే  చందురుడు.

• రూపము   చూసిన  శాంతము

  నామము   చేసిన    సౌఖ్యము.

• కాంతల   పూజకు   నేడు

  కాంతి నే    వరమిస్తాడు.

• భాగ్యం   నింపే   భాగస్వామిని

  జత గా     చేరుస్తాడు .

 

• శివుడే      సుందరుడు

  నా శివుడే  చందురుడు.

• ప్రేమను  త్యాగం చేసిన వాడు 

  ప్రేమ ను    పంచుతాడు.

• వైరాగ్యం      నిండిన వాడు

  రాగాలను     పలికిస్తాడు.

•  ఇది      కళ్యాణం 

   శివుడు

  చేసేటి   లోక  కళ్యాణం.

• శివుడే      సుందరుడు

  నా శివుడే చందురుడు.

• రూపము   చూసిన   శాంతము

  నామము    చేసిన    సౌఖ్యము.

 ఈ రోజు కర్వాచౌత్ , కరక చతుర్థి అంటారు. ఇది ఉత్తర భారతదేశంలో వివాహం కాని, మరియు వివాహిత స్త్రీలు తమ భర్త, ప్రియుడు, స్నేహితుడు సంక్షేమం కోసం ఉదయం నుంచి ఉపవాసం ఉండి సాయంత్రం అలంకరణ తో శివపూజ చేసి , జల్లెడ లో చంద్రుని చూస్తారు. దీనిని తెలుగు వారు అట్లతద్ది అనికూడా అంటారు.

 కానీ ఈరోజు మాత్రం చాలా ప్రత్యేకం. వంద సంవత్సరాల తరువాత ఈ రోజు చంద్రుడు శివుని జన్మ నక్షత్రమైన ఆరుద్ర లో ఉదయిస్తాడు. దీనిని శివ యోగం అంటారు. (హైదరాబాద్ సమయం రాత్రి 8:40 నిమిషాల నుంచి)

యడ్ల శ్రీనివాసరావు 1 November 2023, 8:40 PM.