కరుణ కటాక్షుడు
• కరుణ కటాక్షుడు
కోమలాంగుడు శివుడు
కార్తీకమున కనకం నింపే కాలుడు.
• విభువుని తలచిన
ప్రభువుగ చేసెను వాముడు.
విలువలు వలువగా
ధారణ చేసెను విధుడు.
• కరుణ కటాక్షుడు
కోమలాంగుడు శివుడు.
కార్తీకమున కనకం నింపే కాలుడు.
• హరుని ఘోషతో
నరుని కోరికలకు మోక్షం.
శివుని తపము తో
జీవుని బాధలు మాయం.
• విశ్వ శక్తి తో
సూక్ష్ముడైనాడు శివుడు.
సూక్ష్మం లోనే
మోక్ష మిచ్ఛేను హరుడు.
• కరుణ కటాక్షుడు
కోమలాంగుడు శివుడు.
కార్తీకమున కనకం నింపే కాలుడు.
• ధ్యానమనే ప్రమిద తో
ఆత్మ అనే జ్యోతి చేరును దైవం.
జ్ఞానమనే తైలం తో
బుద్ధి అనే సిద్ధి అగును యోగం.
• కర్మ భోగ మే నరకం.
కర్మ యోగ మే స్వర్గం.
ఆత్మ చైతన్య మే జీవం.
పరమాత్మ స్మృతి యే కైవల్యం.
యడ్ల శ్రీనివాసరావు 18 Nov 2023, 3:45 AM.
.jpeg)
No comments:
Post a Comment