419. శివుని కిరణం

 

శివుని కిరణం

• ఈశ్వర     పరమేశ్వరా

  నీ   కిరణము   తాకింది

  నీ   శ్రవణము   చేరింది.

• కిరణముల   కాంతితో

  పదములు    విన్యాస  మాడేను.

  నా కరములు   నాట్యం  చేసేను.

  

• శ్రవణముల   శ్రావ్యం తో

   కర్మల   శేషం   తెలిసేను

   నా  జన్మల సాక్ష్యం  చూసేను.

• ఈశ్వర    పరమేశ్వరా

  నీ  కిరణము  తాకింది

  నీ  శ్రవణము  చేరింది.

• నా తోడు     నీ వని   తెలిసాక

  నే    దేహము కాదు

  ఆత్మ  నని   తెలిసింది.

• నీ తోటి      నేను   నడిచాక

  నీవు    ఆకారము  లేని

  పరమాత్ముడి వని   తెలిసింది.

• ఏమి    పుణ్యమో

  ఎంత    శ్రేష్టమో 

• అభాగ్యులు ను    చేర దీసి

  అసలైన   భాగ్యం   ఇస్తావు.

• ఈశ్వర   పరమేశ్వరా

  నీ కిరణము    తాకింది

  నీ శ్రవణము   చేరింది.

• కాలేటి    కడుపులను 

  కమనీయం   చేసే    నీ స్మరణము.

• ఊగేటి     జీవితాలను

  సుస్థిరం     చేసే       నీ మననము.

• ఏమి    యోగమో 

  ఏమి     ప్రాప్తమో 

• అంధులను   అక్కున  చేర్చుకుని 

  అందలము    ఎక్కిస్తావు.

• ఈశ్వర      పరమేశ్వరా

  నీ కిరణము    తాకింది

  నీ శ్రవణము    చేరింది.

యడ్ల శ్రీనివాసరావు 5 Nov 2023. 3:00 AM.