774. రాజయోగ ఫలాలు

 

రాజయోగ ఫలాలు

• గొప్పతనం ఎన్నడూ ప్రతిభ (Talent) వలన రాదు . . . ప్రతిరోజూ మనం చేసే సరైన ఎంపికల ఆచరణ వలన ఏర్పడుతుంది.

  మీ ఆలోచనలు మీ భవిష్యత్తును నిర్మిస్తాయి.

  మీరు ఏ ఆలోచనను పదేపదే ఆలోచిస్తారో, అదే మీ స్వభావంగా , మీ నిర్ణయాలుగా , చివరికి  మీ జీవితంగా మారుతుంది. అందుకే ప్రతిరోజూ శ్రేష్ఠమైన, శక్తివంతమైన , ఉన్నతమైన ఆలోచనలను ఎంచుకోండి.

• మీ సమయం అంటే మీ జీవితమే. 

మీ సమయం ఎక్కడ , ఏ విషయం పట్ల వెచ్చించబడుతుందో, మీ జీవితం కూడా అదే దిశలో రూపుదిద్దుకుంటుంది. కాబట్టి ప్రతిరోజూ కొంత సమయాన్ని మీ కోసం , మౌనం కోసం , ధ్యానం కోసం , భగవంతుని స్మృతి కోసం , విశ్వ శక్తి పొందడం కేటాయించండి. ఆ కొద్దిపాటి సమయమే మీ రోజంతా సరైన దిశలో నడిపిస్తుంది.

• మీ అలవాట్లు మీ వ్యక్తిత్వాన్ని నిర్మిస్తాయి. మీరు ప్రతిరోజూ చేసే పనులే క్రమంగా మీ గుర్తింపుగా (Identity ) మారుతాయి.  

  కాబట్టి ఈ మూడు విషయాలను ఎల్లప్పుడూ గుర్తుంచుకోండి . . . 

• శ్రేష్ఠమైన ఆలోచనలు

• సమయాన్ని సద్వినియోగం చేసుకోవడం

• శ్రేష్ఠమైన అలవాట్లు

 నెమ్మదిగా ఇవే మీ గొప్ప శక్తిగా, మీ గొప్పతనానికి పునాదిగా మారతాయి. 

  🌹🌹🌹🌹🌹

• చాలామంది తమ ఎంపికలను , ఎంచుకున్న వాటిని (Choosens) మార్చుకోవడానికి ప్రయత్నిస్తారు.

 ఈశ్వరుని రాజయోగం మాత్రం  ముందుగా మీ స్వ గుర్తింపును (Identity) మార్చుకోవడం తో ప్రారంభమవుతుంది.

• మీరు “నేను ఈ శరీరం మాత్రమే” అని భావిస్తే, మీ మనసు తాత్కాలిక సుఖాల వెంట పరుగులు తీస్తూనే ఉంటుంది.

  కానీ మీరు  “నేను శ్రేష్టమైన , ప్రశాంతమైన , విశ్వానికి  మేలు  చేసే  ఆత్మను”  అని స్మరించిన క్షణం నుంచే ,  మీ యొక్క  ప్రాధాన్యతలు (Importance’s)  నిశ్శబ్దంగా  మారడం ప్రారంభిస్తాయి.  

క్రమేపీ  విశ్వ శక్తిని  మీరు ఆవాహన చేయడం ఆరంభిస్తారు.  తదుపరి   మీ లోని  శక్తి  కూడా,  ఏదో ఒక భాగ్య రూపంలో విశ్వమంతా ప్రసరిస్తుంది. 

• మీ  జీవిత    గత  ఎంపికలలో  లేదా  ఎంచుకున్న (Choosens) వాటి లలో   ఏది తప్పో  ,  ఏది మీకు సరి కాదో  , దాని నుండి  మిమ్మల్ని   మీరు  బలవంతంగా   దూరం చేసుకోవాల్సిన   అవసరం లేదు. 

అది సహజం గానే   మీ నుంచి   విడిపోతుంది . 

ఇక  , అది మీకు సరైనదిగా అనిపించదు . ఎందుకంటే  అది   మీ స్వభావ  ధర్మానికి విరుద్ధమైనది .

• ప్రతి ఉదయం మీ రోజును ప్రారంభించే ముందు, ఒక నిమిషం పాటు 

   • అసలు నేను ఎవరు ? 

    • ఎచట నుంచి వచ్చాను ? 

    • నాతో ఏమి తీసుకొని వచ్చాను ? 

    • నాతో  ఏమి తీసుకు వెళతాను ? 

    • గతంలో ను   నేను ఉన్నాను 

    • భవిష్యత్తులోనూ   నేను  ఉంటాను .

  అని మీలో మీరు స్మరించుకోండి . 

  రోజు లో ఏదైనా కఠినమైన నిర్ణయం , పరిస్థితి దీర్ఘంగా ఎదురైనప్పుడు, మళ్లీ అదే ఆత్మిక అవగాహనకు  తిరిగి రండి.

• మీ గుర్తింపు మీ ఎంపికలను రూపుదిద్దుతుంది 

  Your Identity  

shape’s 

Your Choosens .

• మీ ఎంపికలు  మీ  విధిని  రూపుదిద్దుతాయి.

    Your Choosens 

shape’s 

Your Destiny , Fate , Karma .

  

  ఓం శాంతి 

  ఓం నమఃశివాయ 🙏 

  బ్రహ్మ కుమారీస్ 

  ఆత్మ  14 Aug 2026 , 6:00 AM.