39. బాల్యమా....భవ బంధమా

బాల్యమా…. భవబంధమా

· మధురం మధురం నా బాల్యం ...‌..ఎంతో మధురం నా బాల్యం.

·  ఉరుకుల పరుగుల తరుణంలో వదనంలో,  మదనంతో  ఊరేగెనా…..

·  బాల్యమా.... భవ బంధమా

·  బడి బ్రతుకే బంగారం....సింగారం.....జీవనగారం..

·   బాల్య మా.....భవ బంధమా

·   తొలకరి చినుకుల జల్లుల్లో,  గుంపులు గుంపులుగా, జంటలు  జంటలుగా , బడి మైదానంలో , తడిచిన బట్టలతో....ఉప్పొంగెనే,  ఊరేగనే,  ఉరకలేసెనే....నా బాల్యం...

·  మధురం మధురం నా బాల్యం ఎంతో మధురం నా బాల్యం

·  వేసవి వేడితో వీధుల్లో ....చింత చెట్ల నీడల్లో, పొలము గట్ల బోదెల్లో ...ఆడిన ఆటల  మధురంతో వికసించెనే , విహరించెనే ...నా బాల్యం.

·   బాల్యమా.... భవబంధమా

·   చిరుగు జేబుల నిక్కర్లో   ,. ఇంకు మరకల చొక్కాల్లో ,   రింగు రింగుల కేశాల్లో  దాగి ఉన్నదే నా అందం ....దాగి ఉన్నదే నా చందం..

·   బాల్యమా….భవ బంధమా

·   అమ్మానాన్నల చేతుల్లో, చేతులు వేసాం,  జోరు గా హుషారుగా   అడుగుల్లో అడుగులు వేసాం, .....

·   మధురం మధురం నా బాల్యం ...ఎంతో మధురం నా బాల్యం

 

యడ్ల శ్రీనివాసరావు

13 Mar 21, 8:00 am