209. పారిజాతం

 

పారిజాతం

• ఉదయం

  ఈ ఉదయం

  ఎన్నో జన్మల సాకారం.

• కనులు తెరవగా 

  ఎదురుగ  నిలిచిందొక  పారిజాతం.

• పారిజాతపు పరిమళం 

  పిలుస్తోంది ప్రేమగా.

• ఆ పిలిచే పలుకులో 

  ఒక రాగం వినపడుతోంది.

• ఆ రాగమే 

  నా మనసును  మీటిన స్వరాగం.

• ఆ పిలుపే 

  ఎన్నో తలపుల వలపుల తరంగం.

•  ఉదయం

   ఈ ఉదయం

   ఎన్నో జన్మల సాకారం.

• కనులు తెరవగా

  ఎదురుగ నిలిచిందొక పారిజాతం.

• విరిసిన పారిజాతం 

 విరజిల్లే సోయగం తో 

 నా మది తలుపులు తెరిచింది.

• నా మదిలో మెదిలే 

  తలపులకు తన నుదుటి తిలకం దిద్దింది.

• వికసించిన పారిజాతం 

  నా ఎదపై వాలి చూస్తోంది

  గుండె చప్పడు వింటోంది.

• తన రెక్కల పై నా మనసును 

  శిశువు లా లాలిస్తుంది

  ప్రేమనే కురిపిస్తోంది.

• ఉదయం

  ఈ ఉదయం

  ఎన్నో జన్మల సాకారం.

• కనులు తెరవగా 

  ఎదురుగ నిలిచిందొక పారిజాతం.

• ఇంద్రుని వనము లో 

  పారిజాతం 

  ఈ చంద్రుని చెంతకు చేరింది.

• ఆ చల్లని వెన్నెల లో 

  తన తెల్లని రూపును కలిపింది

  సేద తీరుతూ వాడింది.

• ఉదయం

  ఈ ఉదయం

  ఎన్నో జన్మల సాకారం.

యడ్ల శ్రీనివాసరావు 3 July 2022 11:30 PM