Thursday, July 7, 2022

211. జీవిత చదరంగం

 


జీవిత చదరంగం



• జీవితమే ఒక ఆట….జీవనమే ఒక పాట

• ఆటపాటల  నాటకమే  జీవన రంగస్థలం.


• ఆట నేర్పిస్తుంది అనుభవాల బాట

• పాట నేర్పిస్తుంది సుఖదుఃఖాల నాట


• పూల బాటలో కొందరు

  ముళ్ల బాటలో ఇంకొందరు.

• సొగసు పాటతో కొందరు

  ఎగసి పాటుతో ఇంకొందరు.


• ఆటలో విజేతలు ఎందరో

• పాటతో గాయకులు మరెందరో

• ఆటపాటలతో ఆరితేరిన వారు ఇంకెందరో


• జీవితమే ఒక ఆట….జీవనమే ఒక పాట

• ఆటపాటల నాటకమే జీవన రంగస్థలం.


• కలవని మనసుల తో

• కలసిన జీవితం ఒక ఆట.


• కలవని మనుషుల తో

• కలిసిన జీవనం ఒక పాట.


• మనుషుల మనసుల నాటకమే

• జీవిత చదరంగం.....జీవన రణరంగం


• విధి రాసిన బంధాలు   

  విడలేని నిర్బంధాలైతే

• మనసు కి వేసే సంకెళ్లు 

  మరణానికి శాసనాలు.


• మరణానికి కాదు కదా 

  మనిషి మనుగడ

• బంధం నిర్బంధమైతే 

  మనసుకెందుకు బానిసత్వము.


• జీవితమే ఒక ఆట….జీవనమే ఒక పాట

• ఆటపాటల నాటకమే జీవన రంగస్థలం.



• నాట = రాగ విశేషము.


యడ్ల శ్రీనివాసరావు 8 July 2022 12:30 AM.



No comments:

Post a Comment

481. పరిమళ భాష

  పరిమళ భాష • ఏమిటో     ఈ  భాష   ఎద కే    తెలియని   ఆశ.   అనుభవం  లేని   యాస   సృష్టి   మూలానికి    శ్వాస. • అక్షరాలు   ఉండవు  కానీ   భావం ...