Wednesday, January 25, 2023

301. జ్ఞాన సరస్వతి - వసంతపంచమి

 

జ్ఞాన సరస్వతి

వసంత పంచమి



సరస్వతీ త్వియం దృష్ట్యా వీణా పుస్తక ధారిణి !

హంసవాహ సమాయుక్త  విద్యాదానకరి మమ !!


• జనియించెనే   తల్లి   జనియించెనే

  అజ్ఞాన   అంధకారుల  కోసం 

  కరుణతో  జనియించెనే.


• జగదాంబ   రూపమున   ఉదయించెనే

  జ్ఞాన సరస్వతి  అయి   అవతరించెనే.


• బీజాక్షరాల కు   మూల  రూపిణీ యై

  దీర్ఘాల   ఒత్తుల్లో   హచ్ఛుల్లో   హల్లు ల్లో

  శక్తి నిక్షిప్తం   చేసిన   అమృత  స్వరూపిణి.


• జనియించెనే  తల్లి   జనియించెనే

  అజ్ఞాన అందకారుల కోసం 

  కరుణతో జనియించెనే.


• తల్లి  మీటిన  వీణలో

  తంతి స్వరము లే   వరములు

  అవి  హృదయము ను  తాకగా

  నరములు  పలుకు  *గణములు.


• వేదాల  మంత్రాల   తంత్రాల  సృష్టి తో

  యంత్రాలను  నడిపించే   శక్తి  రూపిణీ.

• జ్ఞాన శాస్త్రము ల   ధారణ తో   నరుడిని

  నారాయణుడి గా   చేసేటి   విద్యా రూపిణీ.


• జనియించెనే   తల్లి   జనియించెనే

  అజ్ఞాన అంధదకారుల కోసం 

  కరుణతో   జనియించెనే.


• కళలలకు  *కాణాచి యై     

  బుద్ధి కి    సిద్ది యై

  వాక్ కు   *ఊతమై             

  ప్రతిభ కు  పుస్తకమైన    వీణాపాణి


• కన్నులకు కాంతి యై      

  *కరములకు కలము యై

  కవితలకు జీవమై   

  కలకాలం ప్రాణమై     కరుణించు    *కదంబరీ.


• జనియించెనే   తల్లి   జనియించెనే

  అజ్ఞాన  అంధదకారుల  కోసం 

  కరుణతో   జనియించెనే


• జగదాంబ  రూపమున  ఉదయించెనే

  జ్ఞాన సరస్వతి  అయి   అవతరించెనే.


• అక్షర  మై   విశ్వా న   విహరించె  శ్రవణి

  మూలాధార  క్షేత్రానికి    మూల  నక్షత్రిణి

  జ్ఞాన బ్రాహ్మణి.


• నిర్మలం    నిశ్చలం      నిధీశ్వరం.

  శ్రావ్యం      సుందరం   జగదీశ్వరం.

  వేదం      నాదం          విభుదీశ్వరం.



గణములు = అక్షరాల గుంపు య,మ,త,ర,జ,భ,న,స.

కాణాచి = చిరావాస స్థానము, మూల స్థానము.

ఊతం = బలము, పట్టు, ఆధారం.

కరములు = చేతులు.

కదంబరి = సరస్వతి దేవి, ఆడ కోకిల.


యడ్ల శ్రీనివాసరావు 25 Jan 2023 , 12:00 PM.







No comments:

Post a Comment

481. పరిమళ భాష

  పరిమళ భాష • ఏమిటో     ఈ  భాష   ఎద కే    తెలియని   ఆశ.   అనుభవం  లేని   యాస   సృష్టి   మూలానికి    శ్వాస. • అక్షరాలు   ఉండవు  కానీ   భావం ...