477. చూసుకో … ఒకసారి చూసుకో

 

చూసుకో … ఒకసారి చూసుకో

• చూసుకో

  ఒకసారి   చూసుకో

  నిన్ను నువ్వు   చూసుకో

  నీ లో లోన    ఏమి దాగుందో    తెలుసుకో.

• బంధాల    వలలే నా      బ్రతుకు.

  కోరికల     కలలే నా        ఎదుగు.

• సంకెళ్ల    సంతోషం తో    ఏమి సాధించావు.

  సందిగ్ధ     బుద్ధి తో         ఏమి సంపాదించావు.

• చూసుకో

  ఒకసారి    చూసుకో

  నిన్ను  నువ్వు    చూసుకో

  నీ  లో లోన   ఏమి దాగుందో    తెలుసుకో.

• ఆశల       అలలే నా        ఆనందం

  విలాసాల   లీలలే నా       జీవితం.

• సరళం   లేని   నీ మనసు    

  ఎలా    ఎగరగలదు.

• నిన్ను  నీవు  వదలక   పొతే 

  ఎలా   వదులు గవుతావు.

• చూసుకో

  ఒకసారి    చూసుకో

  నిన్ను   నువ్వు  చూసుకో

  నీ  లో  లోన   ఏమి దాగుందో   తెలుసుకో.

• మాయ   కోరల్లో

  చిద్రం అవుతుంది   నీ ఆత్మ.

• మోహ  ఊబిలో

  నలిగి  పోతుంది    నీ  దేహం.

• సజీవం  లోని    జీవం

  భారమనిపించ    లేదా.

• నిర్జీవం లోని      జీవం

  సారమని     తోచ లేదా.

• విడుదలవ్వాలి   అంటే

  నీ వెవరో        తెలుసుకున్నావా.

• ఎగిరి పోవాలి      అంటే

  నీ గమ్యం      తెలుసుకున్నావా.

• చూసుకో

  ఒకసారి     చూసుకో

  నిన్ను   నువ్వు   చూసుకో

  నీ  లో  లోన    ఏమి దాగుందో   తెలుసుకో.

యడ్ల శ్రీనివాసరావు 22 March 2024 10:00 am