530. పిల్లలం – చిన్ని పిల్లలం

 

పిల్లలం – చిన్ని పిల్లలం

• పిల్లలం   ….   చిన్ని పిల్లలం

  పిల్లలం   ….   చిన్ని పిల్లలం.

• చెట్టపట్టాల తో     చెలరేగే

  చిచ్చుబుడ్డి     టపాసులం.

• చెక్కిళ్ల పై      చిరునవ్వు

  చెదరని       చిన్నారులం .

• పిల్లలం    ….   చిన్ని పిల్లలం

  పిల్లలం    ….    చిన్ని పిల్లలం.

• అభం శుభం   తెలియని   అమాయకులం.

  అందరిలో     ఆనందం   నింపే   కుసుమాలం.

• మనసు లోని    భయాలకు

  ఊపిరి  పోసే       అభాగ్యులం.

• నిదుర లో         బాధలను

  మరచిపోయే       భాగ్యులం.

• పిల్లలం   …  చిన్ని పిల్లలం

  పిల్లలం   …  చిన్ని పిల్లలం.

• అందరినీ   అలరించే    పసి పాపలం.

  కన్నోరికి     మాత్రం      కను పాపలం.

• ఆటలతో    పాటలతో    అలసి సొలసితాం 

  అమ్మ చేతి    ముద్దలకు   ఆరాట  పడతాం.

• పిల్లలం    ….  అల్లరి పిల్లలం

  పిల్లలం     ….  అల్లరి పిల్లలం

• కోప తాపాలు    లేని      కోమలురం

  చిలిపి చేష్టల    చేతలు   మా  నైజం.

• ఆశ  లెన్ని    ఉన్న     ఆశయాలు   విడువం.

  లోటు లెన్ని   ఉన్న     వదలం  మా  సంస్కారం.

• పిల్లలం   …  అల్లరి పిల్లలం

  పిల్లలం   …  చిన్నారి పిల్లలం.

యడ్ల శ్రీనివాసరావు 24 Aug 24 , 9:30 AM