38. స్తోత్తిరం తల్లి

• స్తోత్తిరం తల్లి...స్తోత్తిరం...నీ కంఠ మాధుర్యం స్తోత్తిరం

• ఎన్నెన్నో గీతాలు పాడిన...నీ కంఠ కోకిలే అమృతం..... తల్లి

• స్తోత్తిరం తల్లి స్తోత్తిరం..

• భాషలందు  భేథ మెంతైనా…...భావ మేకమయ్యే, గానానికి నీ గాత్రానికి...

• స్తోత్తిరం తల్లి ...స్తోత్తిరం... జానకి తల్లి స్తోత్తిరం.

• బాధ లెన్ని మాకు భారమయ్యినా.....నీ స్వరమే మాకు మూలికాయేనే...

• స్తోత్తిరం తల్లి స్తోత్తిరం... తల్లి జానకి తల్లి…. స్తోత్తిరం...

• సప్త వర్ణాలకు, మూలం తెలుపల్లే....సప్త స్వరాలకి మూలం గానమే….  నీ గానమే ....

• స్తోత్తిరం తల్లి స్తోత్తిరం..... తల్లి జానకి మాత  స్తోత్తిరం

• కర్ణభేరి నందు కావ్యం కరిగినా…..నాళమందు చేరి నడయాడెను, నీ గానం నడయాడెను……తల్లి ..ధరణిజ.

• స్తోత్తిరం తల్లి స్తోత్తిరం…. జానకి తల్లి స్తోత్తిరం.

 యడ్ల శ్రీనివాసరావు

Feb 26 2021, 11:00 am

• స్తోత్తిరం = a great for praising song sing, ప్రణామం, నమస్కారం, a flattering complement for speech, song , voice.

( This is Tamil word used for prasa)

• మూలికా = ఔషధం, medicine

• వర్ణాలు = రంగులు, colors

• కర్ణభేరి = Auricle, చెవి

• నాళము = Duct, Blood carrier pipe.

37. అభినేత్రి

అభినేత్రి...నా అభినేత్రి (పాట)

• కనులే కలువలా......వలపే వలువలా

   ఓ నేత్రి .... నా అభినేత్రి       *2*

• రెపరెపలాడే చిన్ని కన్నులు

   టపటప లాడే చిన్ని రెప్పలు

   కిలకిలలాడే చిన్ని నవ్వులు 

   ముసి ముసి గెగిరే చిన్ని ముంగురులు

   నీవేనా......అవి నీవేనా....    * 2 *

   ఓ నేత్రీ ..... నా అభినేత్రి

• మందారంలో మకరంద మై 

  సింగారం లో సింధూర మై

  పాపిడి పిందెల పరువం తో 

  సిగ మెరిసిన సిరిమల్లెల తో

  నీవేనా... అది నీవేనా      * 2 *

  ఓ నేత్రి ....నా కళాభినేత్రి

• నీ పలుకే పారిజాతమై,

  నీ చూపే చంద్రబింబమై,

  నీ సొగసే సోయగమై,

  నీ అందమే నవనీతమై నా

  నావేలే…..అవి నావేలే

  ఓ నేత్రి.... నా అభినేత్రి....నా కళాభినేత్రి

• గల గల లాడే కాలి గజ్జెలు

  అటు ఇటు గెంతే చిన్ని గంతులు.

  చక్కిలిగిలి చుక్కల్లో

  ఉక్కిరిబిక్కిరి విన్యాసాలే

  వశమే నా….నా పరవశమగునా

  ఓ‌ నేత్రి … నా నేత్రి ….. హ్రుదయాభినేత్రి

• నీ కోకే   సీతాకోకై, 

  నీ వర్ణమే సువర్ణమైనపుడు,

  ఆకాశమే చిన్నబోయెనే,

  హరివిల్లే దోబూచులాడెనే,

  నెలవంకే నవ్విపోయెనే.

  ఓ నేత్రి….నా నేత్రి….నా తన్మయత్రి.

• కనులే కలువలా......వలపే వలువలా

   ఓ నేత్రి .... నా అభినేత్రి . * 2 *

యడ్ల శ్రీనివాసరావు

Feb 11 2021, 10:45 pm.

36. Emotion's

EFFECTION  creates EMOTION

EMOTION creates EXPECTATION

EXPECTATION creates TEMTATION

TEMPTATION creates INFATUATION

INFATUATION creates DELUSION

DELUSION creates ILLUSION

ILLUSION creates FRUSTRATION

FRUSTRATION creates IRRITATION

IRRITATION creates DEPRESSION.

DEPRESSION  creates DEMOTIVATION.

 

Most of the times people suffer from emotions and thoughts. Once in a while crossing emotions and thoughts is not an issue, it happens to every human being. But should never cross actions and again come back to normal situation is a very tough and, it happen only for stable minded people or otherwise noticed and advices by nearer one. 

 

Emotions are always passing clouds, we have to be enjoy but should not be own. If you own it be prepare to attain a big challenges with lots of pain.

And always be thankful and graceful to the people who will be supportive to us, not ony in critical situations but also any time. People are valued. But situations dominates  the people behaviour. So always be attentive and careful towards the situations.

 

BE STRONG WITH MIND NEVER LOOSE HOPE.

 

YEDLA.

 

35. స్నేహం....ప్రేమ

      స్నేహం..‌. ప్రేమ

·        స్నేహం,  ప్రేమ ఈ రెండూ కవలల్ల చాలా విచిత్రంగా ఉంటాయి. ఇవి మానవ సంబంధాల్లో అత్యంత ప్రాముఖ్యత గల అంశాలు . వీటి మధ్య ఉన్న వ్యత్యాసం ఎప్పుడూ సందేహంగాను, అగమ్యగోచరం గానే ఉంటుంది.

·        స్నేహం స్వజాతి జీవుల మధ్య చిగురించే అంశం.అది పూర్తిగా భౌతికమైనది. ఒక మనిషి , మనిషి తో తప్ప వేరే జీవితో స్నేహం చెయ్యలేడు. ఉదాహరణకు మనిషి పశుపక్ష్యాదులతో స్నేహం చేయలేడు. ఎందుకంటే  స్నేహం లో ఇవ్వడమే కాదు ఏదో ఒకటి తీసుకోవడం, అనేది కూడా ఒక అంశంగా ఉంటుంది.

·        ప్రేమ స్వజాతి తోపాటు, విభిన్న జాతుల మధ్య చిగురించే, అనిర్వచనీయమైన అంశం.  ఒక మనిషి  వృక్షాలను,  ప్రకృతిని, శిలలను , అర్థం కాని జీవులను, పశుపక్ష్యాదులను  ప్రేమించగలడు.  ప్రేమ అనేది ఈ విశ్వంలో విశ్వసనీయమైన అనుభూతి మరియు పూర్తిగా మానసికమైనది  . ప్రేమ మనసుకు సంబంధించినది.  ఒక మనిషి శునకానికి సపర్యలు చేసి  ప్రేమించగలడు. తిరిగి భౌతికంగా పొందేది ఏమీ ఉండదు ఒక అనుభూతి తప్ప.

·        ప్రేమ అంటే ఆశించకుండా  ఇవ్వగలిగేది మాత్రమే. అది ఒక మానసిక అంశమే గాని శారీరక , భౌతిక అంశం ఎన్నటికీ కాదు.

·        స్నేహం ఒకరికి సంతోషం ఇవ్వగలదు....కానీ ప్రేమ  చైతన్యవంతం చేయగలదు. చైతన్యం ఎన్నో సమస్యలను పరిష్కరించగలదు .

·        స్నేహానికి పరాకాష్ట (మితిమీరితే) స్వార్థం ....ప్రేమకు పరాకాష్ట త్యాగం . స్నేహాన్ని, ప్రేమని లింగభేదం తో ముడి పెట్టలేము.

·        స్నేహం రెండువైపులా చిగురిస్తేనే నిలబడుతుంది , ఎందుకంటే అది భౌతికం. కానీ ప్రేమ రెండు వైపులా అన్నివేళలా చిగురించదు‌. ఎందుకంటే అది అనుభూతి కాబట్టి . ఉదాహరణకు తల్లి బిడ్డ ని ప్రేమిస్తుంది, కానీ బిడ్డ అన్ని సందర్భాల్లో తిరిగి ఆ ప్రేమను తల్లికి పంచ లేదు, ఇలా చాలా అంశాల్లో ఉంటుంది .

·        ఏ మానవ బంధాలైనా, సంబంధాలైనా  పవిత్రమైనవి . వాటిని గుర్తించి ఉన్నతంగా కాపాడుకోవాలి గానీ , తుచ్ఛమైన అవసరాలకు వినియోగించుకో కూడదు.

·        సృష్టి ధర్మాన్ని బట్టి శరీరానికి భౌతిక అవసరాలు ఉంటాయి . కానీ మనసుకు అనుభూతులు మాత్రమే ఉంటాయి. మనసంటే ఆలోచన, ఆత్మ. ఆత్మ రూపం లేనిది.

·        నేటి సమాజంలో ప్రేమను వక్రీకరించి ఒక అవసరంగాను లేక కోరికగాను చిత్రీకరిస్తూ,  ప్రచార మాధ్యమాలు దౌర్భాగ్యం తో  దాని అర్థం మారిపోయే పరిస్థితి నెలకొంది.   ప్రేమ , స్నేహం అనేవి చాలా బలహీనమైన అంశాలుగా చూపబడుతున్నాయి.

·        చివరిగా....... భగవంతుడు  భక్తునితో ఎన్నడూ స్నేహం చేయడు.  ఒకవేళ  భక్తుడు  భగవంతుని తో స్నేహం చేసి నంత మాత్రాన కరుణించడు.  ఎప్పుడైతే భక్తుడు తన ప్రేమతో, మోహాలను వదులుకొని, త్యాగాలకు సిద్ధం అవుతాడో,  అప్పుడే భగవంతుని ప్రేమ, అనుగ్రహం దొరుకుతుంది . ఇది ప్రేమకు భగవంతుడు ఇచ్చిన శక్తి .

·        నిస్వార్థంగా ఆలోచన చేస్తే, ఈ భగవత్ సృష్టిలో ప్రతిదీ ఒక అద్భుతం.... మహా అద్భుతం .

·        ఓం శ్రీ గురుభ్యోనమః

·        యడ్ల శ్రీనివాసరావు

34. ఆహారం...జీవితం…మనిషి...మనసు…సారుప్యత.

 

·        ఆహారం...జీవితం…మనిషి...మనసు…సారుప్యత.

·        మనిషి బ్రతకడానికి శక్తి అవసరం.

·        శక్తి కావాలంటే ఆహారం అవసరం.

·        ఆహారం అంటే పాలు,  కాయగూరలు , ఆకుకూరలు,  దుంపకూరలు , మాంసం ఇలా ఎన్నో.  ప్రతి దానిలో  ఎన్నో రకాల, రంగులు, రుచులు, ఆకారాలు, పరిమాణాలు, దేని విశిష్టత, ప్రాముఖ్యం దానిదే.

·        ఏ రకమైన ఆహారం తిన్నా, చివరికి ఉత్పన్నమైన శక్తి ఒకటే అది కిలోక్యాలరీస్.

·        ఇన్ని రకాల ఆహార పదార్ధాలు ఈ సృష్టిలో  ఉన్నా అందరికీ అన్నీ నచ్చవు . కొందరికి మాంసాహారం , మరికొందరికి శాఖాహారం ఇష్టం. మాంసాహారంలో అందరికీ అన్నీ నచ్చవు , అదేవిధంగా శాకాహారంలో కూడా అన్నీ అందరికీ నచ్చవు . కొంతమంది శరీరతత్వానికి , మనస్తత్వానికి కొన్ని రకాలైన ఆహారాలు జీర్ణం కావు. అలాగే కొంతమందికి కొన్ని రకాల దుంప కూరలు  వాత గుణం చేసి కీళ్ల నొప్పులు వంటి అనారోగ్యాలు వస్తాయి.

·        అంటే ఇక్కడ అర్థం చేసుకోవాల్సింది మనుషులు ఎవరి ఆరోగ్యం కాపాడుకోవడం కోసం  వారు,  వారికి ఇష్టమైన ,  సరిపడిన ఆహారం మాత్రమే తీసుకుంటారు. ...అంతమాత్రాన మిగిలిన ఆహారాలు అన్ని పనికిరానివి అని అర్థం కాదు. ప్రతి ఆహారం ఎవరో ఒకరికి ఏదో ఒక రూపంలో అవసరం అవుతూనే ఉంటుంది,  అది మనిషి యొక్క శారీరక మానసిక అవయవ నిర్మాణాన్ని బట్టి ఉంటుంది.

·        అలాగే ఏ ఆహారమైన తాజాగా ఉంటేనే  ఎవరైనా స్వీకరించగలరు.

·        ఇక అసలు విషయానికొస్తే ....సమాజంలో మన చుట్టూ ఉన్న మానవులందరు ఉత్తములే (అన్నిరకాల ఆహారాల వలే) , ఎందుకంటే అది భగవంతుడు సృష్టి . మనకి ఈ సమాజంలో అనేక మందితో అనేక రూపాల్లో సంబంధ బాంధవ్యాలు ముడిపడివుంటాయి . కొందరు దేశం వరకు , కొందరు రాష్ట్రం వరకు , కొందరు జిల్లా వరకు , కొందరు ఊరి వరకు , కొందరు వీధి వరకు , కొందరు ఇంటి వరకు , కొందరు మనసు వరకు మితం (ఇష్టం) అవుతూ ఉంటారు (ఇష్టమైన లేదా ఆరోగ్యానికి అవసరమైన  ఆహారం తీసుకుంటున్నట్లే). అది వ్యక్తుల ఆలోచన స్థాయి సరళిని బట్టి ఉంటుంది .  ఇది జగమెరిగిన సత్యం, సృష్టిలో పరంపర కూడా.  అంతమాత్రాన ఒకరు గొప్ప మరోకరు అల్పం అనుకోవడం అవివేకం . మన వ్యక్తిత్వాన్ని మనమే అభివర్ణించు కుంటున్నంత కాలం,  మన ఉనికి మనం ఈ సమాజంలో కోల్పోతున్నట్లే.

·        ఏ వ్యక్తికి సాటి వ్యక్తిని దూషించే హక్కు లేదు . కాలచక్రం లో ఏది చేస్తే అదే తిరిగి పొందవలసి వస్తుంది,  సిద్ధం గా ఉండాలి.  మన మానసిక స్థాయిని బట్టే ఒకరు మనకు అర్థం అవుతున్నారా , లేదా,  అలాగే  ఒకరికి మనం అర్థం అవుతున్నామా లేదా, అనేది ముడిపడి ఉంటుంది . “ ఉన్నతమైన ఆలోచనలే మనలను  ఉత్తముల దగ్గరకు చేర్చగలవు”.   “మన ఆలోచనలే మన జీవిత విధానం” , ఈ ఒక్క నినాదాన్ని కూలంకషంగా  అర్థం  చేసుకోగలిగితే ఈరోజు మన జీవితంలో మనం ఏ స్థితిలో ఉన్నామో, మనకే  అర్థమవుతుంది.

·        ఆత్మ విమర్శ అనేది ఆత్మ స్థాయిని పెంచాలి గాని ఆత్మ నాశనాన్ని కాదు .

·        అర్థమైన ధన్యం...వ్యర్థమైన శూన్యం.

·        ఆత్మ విమర్శ తో కూడిన మన వ్యక్తిత్వం మనకి అర్థం కానంతవరకు మన చుట్టూ ఉన్నది అంతా రాజకీయ చదరంగం వలె అనిపిస్తుంది,  కనిపిస్తుంది .

·        మన మనసే మనకు రక్ష…శిక్ష.

·        మనిషి మనుగడకు మనుషులు అవసరం,…మనుషులకు స్థిరమైన, ఉన్నత తత్వం చాలా అవసరం.

·         If you are REACTIVE PERSON always you will be on the ROAD. From Road you can able to visualise only few things.

·        If you are PROACTIVE PERSON always you will be on the SKY. From Sky you can able to visualise vast things.

·        ఓం శ్రీ గురుభ్యోనమః

 

యడ్ల శ్రీనివాసరావు

33. అగమ్యం

అగమ్యం

·        నేను నువ్వు కాదని తెలిసి

·        నువ్వు నేను కాదని తెలిసి

·        నీ లో లేని నేను  తలంచి

·        నా లో ని  నిన్ను తపించి

·        నీవు నేను అనే భేధమెరుగక

·        ఒకటి కాని రెండు ను ... ఒకటి గా

         భ్రమించి … పరిభ్రమించి …

·        ఈ గమ్యం లో అగమ్యగోచరమై

·        వాస్తవమునే స్తంభనం చేసి

·        ఎదురు చూపులెవరి కోసమే…మనసా..

·        ఓ మతి లేని మనసా….

         నీ లో లేని నా కోసమా.. 

         నాలో ఉన్న నీ కోసమా.

 

యడ్ల శ్రీనివాసరావు

 

32. అంతర్మధనం

అంతర్మథనం

·         బాధ భారమవుతుంది.

·        మాట మౌనమవుతుంది.

·        నీడ నిరీక్షణవుతుంది.

·        ఆలోచన ఆవిరవుతుంది.

·        ఊహ ఊపిరి కానంటుంది.

·        నిజం లోని నేను స్పష్టం.

·        నా లోని నేను అస్పష్టం.

·        చుక్కాని లేని నావ ఏ దరి చేరునో..

·        నేనెవరినో….అవగతము చేయు ఈశ్వరా!

---యడ్ల శ్రీనివాసరావు.