నవనిత
• నలుపు తెలుపు లోన వనిత
ఓ నవనీత పునీత
• చిలుక పలుకు లొలికే సంగీత
ఓ మధుమిత సునీత
• నీ నగుమోము లోని నయనాలు
సెలయేరు లోని కలువలు
• నీ కనుబొమ్మల కమనీయం
నెలవంక న సౌభాగ్యం
• నీ నుదుటి మెరిసే సింధూరం
రవి కాంతులీనే సోయగం
• నలుపు తెలుపు లోన వనిత
ఓ నవనీత పునీత
• చిలుక పలుకు లొలికే సంగీత
ఓ మధుమిత సునీత
• నీ అరవిరిసిన ముంగురులు
జలపాతపు జావళము
• నీ చెవి దిద్ది ల అందాలు
మాటు వేసిన మల్లె తీగలు
• నీ నాసిక న నిగనిగలు
ఎగిసిపడే కోపాల అలలు
• నలుపు తెలుపు లోన వనిత
ఓ నవనీత పునీత
• చిలుక పలుకు లొలికే సంగీత
ఓ మధుమిత సునీత
• నీ ఒడిదుడుకుల అధరాలు
పెనవేసుకున్న సన్నజాజులు
• నీ చూపు లోని లావణ్యం
వికసించిన ముద్దమందారం
• నీ మేని ఛాయ బంగారం
అజంతా శిల్ప చందనం.
యడ్ల శ్రీనివాసరావు 16 sep 2022 9:30 PM
No comments:
Post a Comment