335. ఆనంద నాధులు

 

ఆనంద నాధులు 

• అందమైన    మనసు లో

  ఆనందం     నింపేను    సొగసు.

• చందమైన     సరసు లో

  సంతోషం     నింపేను    కలువ.

• కలువ లాంటి    హృదయానికి

  ప్రతి    శ్వాస    మకరందం.

• సరసు లాంటి    మనసు కి

  ప్రతి    ఒక్కరు  హంసలం.

• గువ్వలు గా     ఎగరాలి

  గోరుముద్దలు    తినాలి.

• లాలి పాటలు    పాడాలి

  *లవలీల  గ      కావాలి.

• ఏమంటారు    చెప్పండి …

  చిట్టి  పొట్టి    పిల్లల్లా రా …

  చిన్ని చిన్ని    బుజ్జాయి ల్లారా.

• ఒక కధ చెపుతాను వినండి ...

• నేనోక     రాజ  కుమారుడు ని

  రాజ్యం    లేని   రణధీరుడి ని.

• యుద్ధాలను    చేస్తాను

  ఆయుధాలు    లేకుండా.

• పరిపాలన   చేస్తాను

  సామ్రాజ్యం   లేకుండా.

• కలల  కు    యువరాజు ని

  కధల  కు     కవిరాజు ని.

• ఏమంటారు  చెప్పండి …

  చిట్టి  పొట్టి   పిల్లల్లా రా …

  చిన్ని చిన్ని  బుజ్జాయి ల్లారా.

• కేరింతలు   కొట్టాలి

  కలకాలం  కలిసుండాలి.

• తారల్లా     మెరవాలి

  తకదిమి   నాట్యం  చెయ్యాలి.

• ఆనందం  ఆకాశం   దాటించే   నాధులే  అనాధలు

• దైవం  దగ్గర   ప్రమిదలు   మీ జీవిత  స్వరూపాలు.

• కలువ లాంటి    హృదయాని కి

  ప్రతి   శ్వాస      మకరందం

• సరసు లాంటి    మనసు కి

  ప్రతి   ఒక్కరు    హంసలం.

• అందమైన     మనసు లో

  ఆనందం   నింపేను    సొగసు.

• చందమైన     సరసు లో

  సంతోషం   నింపేను  కలువ.

*లవలీ = వెన్నెల  తీగ

యడ్ల శ్రీనివాసరావు 2 Apr 2023 11:00 pm.