334. పెట్టకు బాధ ఎవ్వరిని

 

పెట్టకు బాధ ఎవ్వరిని

• పెట్టకు    మిత్రమా    పెట్టకు

  బాధ      పెట్టకు     ఎవ్వరిని.

• ఇవ్వకు    సోదరా    ఇవ్వకు

  దుఃఖ      మివ్వకు   ఎవ్వరికి.

 

• మనిషి కి     తగిలిన    బాధ

  మట్టి లో    కలిసి    సమసి పోతుంది.

• మనసు కు  తగిలిన    బాధ

  జన్మలు     తిరిగి    నిన్నే   చేరుతుంది.

• పెట్టకు      మిత్రమా     పెట్టకు

  బాధ        పెట్టకు      ఎవ్వరిని.

• ఇవ్వకు     సోదరా      ఇవ్వకు

  దుఃఖ       మివ్వకు     ఎవ్వరికి.

• చేసిన  పాపం   పుణ్య కార్యాల తో   పోదు

  అనుభవిస్తేనే    తీరుతుంది.

• స్వర్గం నరకం     ఎక్కడో    లేవు

  సుఖదుఃఖాలు గ     నీ    తోనే   ఉన్నాయి.

• మాటలతో    మభ్య   పెట్టకు.

  చేతలతో      చేటు    చేయకు.

  చూపులతో   చండాలు డవ్వకు.

  విలువలు    దిగజారి   జీవించకు.

• పెట్టకు     మిత్రమా      పెట్టకు

  బాధ        పెట్టకు      ఎవ్వరిని.

• ఇవ్వకు    సోదరా      ఇవ్వకు

  దుఃఖ      మివ్వకు     ఎవ్వరికి.

 

• కష్టాలను    ఇష్టాలు గ     మార్చుకో

  నీ ధైర్యం    దారవుతుంది.

• స్థితి గతులను    ఆధీనం   చేసుకో

  నీ శక్తి        వెలుగవుతుంది.

• ఆలోచన    అలజడి   కానివ్వకు

  నీ కార్యం   సిద్ధిస్తుంది.

• చిరునవ్వును    కల్మషం   కానివ్వకు

  నీ భాగ్యం     వరిస్తుంది.

• మలినాలు   తయారు చేసే   శరీరానికి

  కామ వికారాల   బరువు     అవసరమా ...

• అనారోగ్యపు    దేహ   కర్మాగారానికి

  ఆడంబరాలు    ఆయువు   నిస్తాయా ...

 

• నిలకడ లేని     బుద్ధి కి

  నీరాజనాలు    అందని   ద్రాక్ష లే.

• మనసు ను      గెలవాలంటే

  మాయ మార్మాలతో   సాధ్యం  కాదు లే.

• పెట్టకు     మిత్రమా     పెట్టకు

  బాధ        పెట్టకు     ఎవ్వరిని.

• ఇవ్వకు    సోదరా      ఇవ్వకు

  దుఃఖ       మివ్వకు    ఎవ్వరికి.

• మనిషి కి     తగిలిన     బాధ

  మట్టి లో  కలిసి    సమసి  పోతుంది.

• మనసు కు    తగిలిన    బాధ

  జన్మలు  తిరిగి    నిన్నే    చేరుతుంది.

యడ్ల శ్రీనివాసరావు 2 April 2023  3:00 pm.