మరణ శాసనం
• ఏ ఊపిరి ఎన్నాళ్ళో.
ఏ జీవం ఎన్నేళ్ళో.
• విలువ లేని ప్రాణం
ఊచకోత అవుతుంటే ...
• నిలువ లేని బ్రతుకు కి
ఏ క్షణం ఏమవుతుందో.
• ఇక గడిచే ప్రతి నిమిషం
నీది కాదంటుంది కాలం.
• భవిత ఎక్కడికో
తెలుసు కోమంటుంది గమ్యం.
• ఏ ఊపిరి ఎన్నాళ్ళో.
ఏ జీవం ఎన్నేళ్ళో.
• సూర్యుడు ఉదయించక మానడు.
చంద్రుడు చిగురించక ఆగడు.
• నాదన్న ఈ లోకం లో
నేనే లేకున్నా …
• నాదైన జీవితం
మరెక్కడో ఉంటుంది లే.
• నా అడుగుల జాడలో
నేనే లేకున్నా
• నావైన భావాలు
నాతో పయనించును లే.
• జననం తిరిగి రాక మానదు.
మరణం ఆగి నిలువదు.
• ఏ ఊపిరి ఎన్నాళ్ళో.
ఏ జీవం ఎన్నేళ్ళో.
• తెరిచిన మనసు లో
ఇక ఏమీ మిగలకుంది.
• కాల మిచ్చిన సమయం
ఇక కొంతే మిగిలి ఉంది.
• ఏ ఊపిరి ఎన్నాళ్ళో.
ఏ జీవం ఎన్నేళ్ళో.
యడ్ల శ్రీనివాసరావు 21 Oct 2024. 11:00 AM.
No comments:
Post a Comment