360. పాపభారం

 

పాపభారం

• తల పైన    పాపము    

  ఇల లోన   భారము.

• ఎదగ   లేని    మనిషి కి    

   ఇదే   ఒక   మడుగు.  

•  మెరుగు లేని   మనసు కి   

   ఇదే   ఒక   మరుగు.

• తల పైన   పాపము    

  ఇల  లోన  భారము.

• బుద్ధి    యోగముయితేనే

  తొలుగుతుంది   ఈ   హేయము.

• కర్మ     శుద్ధి     అయితేనే

  కరుగుతుంది     ఈ    దీనము.

• దేహం   వికారాల    పుట్ట గ   కొలువై  నపుడు

  జీవం    విచారాల    దిట్ట గ     నెలవు .

• ఇరుగు  పొరుగు   వారితో   కాలక్షేపం

  శక్తి  హీనమయ్యేటి   మానసిక  చపలం.

• అసత్యపు   మాటలు    ఉనికి ని   పోగొట్టి

  విలువను కోల్పోయే     అగాధపు  అంచులు.

• వ్యర్థమైన   అలవాట్లు    మరణాన్ని   స్వాగతించి

  నరకానికి    దారి చూపే   రాచరికపు   బాటలు.

• తల పైన    పాపము 

  ఇల  లోన   భారము.

• బుద్ధి    యోగముయితేనే

  తొలుగుతుంది   ఈ హేయము.

• కర్మ  శుద్ధి       అయితేనే

  కరుగుతుంది   ఈ దీనము.

మడుగు  = గొయ్యి

మెరుగు  = ప్రకాశం 

మరుగు =  మురికి, రొచ్చు 

హేయము =  పాపం,  చేయకూడనిది

దీనము =    దారిద్ర్యం

చపలం =     నీచం.

యడ్ల శ్రీనివాసరావు 15 May 2023 7:00 pm