366. ఎవరేమన్నా ఎదురేముంది

 

ఎవరేమన్నా ఎదురేముంది

• ఎవరేమన్నా    ఎదురేముంది

  అడుగులు  వేద్దాం    చలో  చలో

  పరుగులు   తీద్దాం   చలో  చలో

• స్నేహం    నీ    శ్వాస  అయితే

  లోకం   దారి    చూపదా.

  ధైర్యం     నీ    ఉనికి   అయితే

  మాలోకం   తోక    ముడవదా.

• ఎవరేమన్నా    ఎదురేముంది

  అడుగులు   వేద్దాం    చలో   చలో

  పరుగులు    తీద్దాం    చలో  చలో

• విజయం    కావాలి    అంటే

  కష్టం తో    సహజీవనం    చేయాలి.

  ఆశలు      తీరాలి      అంటే

  అడియాశలతో   పయనం    సాగించాలి.

• వడ్డించి న    విస్తరి  

  కాదు రా    జీవితం

  అణిగి మణిగి   ఉంటేనే   

  సర్వం  తెలుసుకోగలం.

• ఊహించిన    ఊయల  

  కాదు   రా   జీవనం

  ఉలి దెబ్బలతో నే  

  శిల్పం గా  మారడం  సాధ్యం.

• ఎవరేమన్నా     ఎదురేముంది

  అడుగులు  వేద్దాం    చలో చలో

  పరుగులు   తీద్దాం    చలో చలో

• చీకటి ని    చూడలేవు రా     నీ కళ్లు

  చీకటి  రహస్యాలను    ఛేదించగలదు  నీ మనసు.

• నిందలను   మోయగలదు రా    నీ   ఒళ్లు

  నిందితులను   నిర్బంధం చేయగలదు   నీ శక్తి.

 

• మౌనం లో    దాగి ఉంది రా    నీ మంత్రం

  అదే   నిన్ను  నడిపించే   తంత్రం.

  తుదకు   రక్షించే  యంత్రం.

• ఎవరేమన్నా     ఎదురేముంది

  అడుగులు   వేద్దాం    చలో చలో

  పరుగులు   తీద్దాం    చలో చలో

• స్నేహం    నీ  శ్వాస    అయితే

  లోకం     దారి  చూపదా.

  ధైర్యం    నీ ఉనికి   అయితే

  మాలోకం   తోక    ముడవదా.

మాలోకం = అయోమయావస్థలో  ఉండువాఁడు.

యడ్ల శ్రీనివాసరావు 22 May 2023 , 6:00 AM.