370. జీవన మకరందం

 

జీవన మకరందం

• అందమైన   అనుభవాలు 

  ఎన్నో    ఎన్నెన్నో

  ఆనందమైన   క్షణ క్షణాలు 

  ఎన్నో     మరెన్నో

• కలిసి    వస్తున్న   కాలం

  హారతి   ఇస్తుంది.

  కల కాలం  ఉంటుంది.

• మనసు  తెరచిన  ద్వారం

  మోహన  మవుతుంది

  సమ్మోహనం  అంటుంది.

• వెలుగు నీడలు     

  జీవన  రేఖలని

  ప్రేమానుబంధాలు  

  బుణము లని

  తెలియ చేసింది   దైవం.

• ఆశ పాశములు   

  మాయ  మిధ్య  అని

  సుఖ దుఃఖాలు    

  పరిమళ  భరితమని

  తెలియ చేసింది   జ్ఞానం.

• అందమైన అనుభవాలు 

  ఎన్నో ఎన్నెన్నో

  ఆనందమైన క్షణ క్షణాలు 

  ఎన్నో మరెన్నో

• నీవి    కాని   గింజలు

  నీ  ఆకలి   ఎరుగవని.

• నీ దరి   చేరే  పక్షులకు

  నీవే  గింజ   అవ్వాలని.

  తెలియచేసింది   లోకం.

• మది పొరల లో     ఎత్తు పల్లాలు

  ఆటలాడుకునే    జారుడు   బల్లలని

• ఎద  నిండిన   భావాలు

  ఎగిరే   రంగుల  బుడగలని

  తెలియచేసింది   అనుభవం.

• అందమైన   అనుభవాలు 

  ఎన్నో ఎన్నెన్నో

• ఆనందమైన   క్షణ క్షణాలు 

  ఎన్నో  మరెన్నో

• కలిసి   వస్తున్న   కాలం

  హారతి   ఇస్తుంది.

  కల కాలం  ఉంటుంది.

• మనసు   తెరచిన   ద్వారం

  మోహన   మవుతుంది

  సమ్మోహనం  అంటుంది.

యడ్ల శ్రీనివాసరావు 10 June 2023 10:00 am

.