ఓ యాత్రికుడా
• ఓ యాత్రికుడా . . . ఓ యాత్రికుడా
తెలుసుకొను నీ గమ్యం .
• ఆత్మంటే అర్దం ఎరుగక
ఆత్మీయత లని ఎగిరే
నీ ప్రేమా పాశాలు నాటకాలు .
• సంసారం ఓ జీవిత సారం
అదే నీకు వేదం .
• ఓ యాత్రికుడా . . . ఓ యాత్రికుడా
తెలుసుకొను నీ గమ్యం .
• అలుపెరుగని కోరికల కోసం
వేసే నీ దారులు
మల్లెలు పూసిన ఊబి నేలలు.
• వైరాగ్యం ఓ జీవన రాగం .
అదే నీకు భోగం .
• ఓ యాత్రికుడా . . . ఓ యాత్రికుడా
తెలుసుకొను నీ గమ్యం .
• నామ రూపాల కీర్తనలు
నిను నట్టేటను ముంచే
మాయా నావలు .
• ఆనందం ఓ అంతఃరసం
అదే నీకు కైవల్యం .
• ఓ యాత్రికుడా . . . ఓ యాత్రికుడా
తెలుసుకొను నీ గమ్యం .
• భావోద్వేగాల అలజడులు
నీ శక్తి నిర్వీర్యకాలు.
• శాంతం ఓ సుఖం
అదే నీకు రాజయోగం.
• ఓ యాత్రికుడా . . . ఓ యాత్రికుడా
తెలుసుకొను నీ గమ్యం .
కీర్తనలు = పొగడ్తలు
అంతఃరసం = మనసు లో ఊరేది .
కైవల్యం = మోక్షం
యడ్ల శ్రీనివాసరావు 10 APRIL 2025 10:00 AM.
No comments:
Post a Comment