446. అంతర్యుద్ధం

 

అంతర్యుద్ధం

• వేదన  కాదు    రోదన  కాదు

  శోధన  ఇది

  సాధన ఇది

  సత్యాన్వేషణ  ఇది.

• అజ్ఞానం లో    అంధకారంలో

  సాగే   జీవనానికి

  యజ్ఞం  ఇది

  అజ్ఞాతం ఇది.

• బ్రతుకు పంట లో    కలుపును

  ఏరి వేసే     శ్రమం ఇది.

• సాగే కాలంలో   ఎత్తు   పల్లాలను 

  సాగు   చేసే      శ్రామికం ఇది.

• వేదన  కాదు    రోదన  కాదు

  శోధన ఇది

  సాధన ఇది

 సత్యాన్వేషణ  ఇది.

• మరచిన    మూలాలకు

  విలువలు  తెరిచే    గమనం ఇది.

• అపజయాలను  ఆభరణం  చేసి

  విజయ కేతన   బావుటా   ఇది.

• ఆలోచన    జ్వాలల కు

  దైవ మనే   ఆజ్యం  పోసే   

  కాంతి ఇది.

• శాంతి కోసం    మాయతో   సమరం

  చేసే   అంతర్యుద్ధం  ఇది.

• వేదన  కాదు    రోదన  కాదు

  శోధన   ఇది

  సాధన  ఇది

  సత్యాన్వేషణ  ఇది.

• అజ్ఞానం లో    అంధకారంలో

  సాగే   జీవనానికి

  యజ్ఞం   ఇది

  అజ్ఞాతం  ఇది.

యడ్ల శ్రీనివాసరావు 6 Jan 2024 10:00 am.