శివుని కి ... ఏమని చెప్పాలి
• ఏమని చెప్పను తండ్రి …
ఎంతని చెప్పను తండ్రి.
• పాల వంటి నీ ప్రేమ తో
పవిత్రత ను పంచావు.
• మురిపాల వంటి పలుకులతో
పరవశం చేశావు.
• ఏమని చెప్పను తండ్రి …
ఎంతని చెప్పను తండ్రి.
• పూల వనం లో పూవులు ఎన్నున్నా
నీ మాల లో చేరేది కొన్నే.
• జీవ తలం లో తారలు ఎన్నున్నా
ధృవ తారలు అయ్యేది కొన్నే.
• వెతికినంత కాలం
నీవు మాకు దొరకలేదు.
• సొమ్మసిల్లి న నాడు
నీవు మా చేయి పట్టావు.
• ఏమని చెప్పను. తండ్రి …
ఎంతని చెప్పను తండ్రి.
• నీ భక్తి లోన
లభించింది దేహ భుక్తి.
• నీ జ్ఞానం తో
లభించింది ఆత్మ శుద్ధి.
• దేహ భుక్తి వలన
నాడు మందగతి న ఉన్నాము.
• ఆత్మ శుద్ధి వలన
నేడు ఫరిస్తాలు అయ్యాము.
• పరవళ్లు తొక్కే ఈ పదములు
నావి కావని తెలుసు.
• ఒరవడి నిచ్చే ఈ ప్రాసలు
నీవని నీకు తెలుసు.
• ఏమని చెప్పను తండ్రి …
ఎంతని చెప్పను తండ్రి.
భుక్తి = భోజనం, ప్రసాదం.
ఫరిస్తా = తేలికగా అగుట , ఎగిరే దేవదూత
యడ్ల శ్రీనివాసరావు 3 Nov 2024 7:45 pm
No comments:
Post a Comment