631. కనుల లోని మేఘం

 

కనుల లోని   మేఘం

• వర్షించ కే   . . .  వర్షించ కే

  నీలాల   కనులలో     నీలి  మేఘమా

  వర్షించ కే .

• హర్షించ వే   . . .  హర్షించ వే

  నీలాల  కనులలో    నీలి  మేఘమా

  హర్షించ వే .

• వర్షించి నా     మోము

  వెల వెల      పోవు నే .

• హర్షించి నా    నవ్వు

  మిల మిల    మెరియు నే .

• కనుల కు    

  బరువు   కాని   మేఘమా

  మనసును 

  కడిగే ను    నీ   ఆర్ద్రం .

• భావాల    భారాల    

  ఊటను

  తేలిక    చేసేను    నీ తేమం .

• వర్షించ కే    . . .  వర్షించ కే

  నీలాల   కనులలో     నీలి  మేఘమా

  వర్షించ కే .

• హర్షించ వే   . . .  హర్షించ వే

  నీలాల  కనులలో       నీలి  మేఘమా

  హర్షించ వే .

• ఆనంద  బాష్పమై   హర్షం  ఇస్తావు

  ఎడారి    మనసులకు .

• అదిమిన  వేదనంతా   వర్షం  చేస్తావు

  బంజరు   మనుషులకు .

• కనుల లో    దాగిన    మేఘమా

  శాంతమే     నీ   ఉద్వేగం .

• మనసు లో   నిండిన    మేఘమా

  మౌనమే    నీ   సౌందర్యం .

• వర్షించ కే    . . .    వర్షించ కే

  నీలాల  కనులలో      నీలి  మేఘమా

  వర్షించ కే .

• హర్షించ వే   . . .   హర్షించ వే

  నీలాల   కనులలో      నీలి మేఘమా

  హర్షించ వే .

యడ్ల శ్రీనివాసరావు 27 APR 2025 9:30 AM.

630. లోపాలు . . . శిక్షలు

 

లోపాలు . . .  శిక్షలు

• మనుషులు అసలు ఏ లోపం లేకుండా ఎవరైనా ఉంటారా? … ఉండరు. ప్రతీ మనిషి లో ఏదొక లోపం ఉంటూనే ఉంటుంది. ఈ భూమి మీద ఏ మనిషి కూడా పెర్ఫెక్ట్ కాదు. ప్రతి మనిషి ఏదొక పొరపాటు, తప్పు తెలిసి తెలియక చేస్తూనే ఉంటాడు. అది తెలుసు కోకపోతే  కాల క్రమంలో మనసు కి మనిషి కి  అదే శిక్ష అవుతుంది.

 

 మరి, మనిషి తన లోపాలను తెలుసుకో గలడా? సరిదిద్దు కోగలడా ? అంటే, తప్పకుండా జీవిత కాలం లో, ఏదొక వయసు లో , సమయం లో,  సందర్భంలో తప్పక తెలుసుకుంటాడు.

  ఎలా అంటే, ఏ రోజు అయితే  తనకు కాలం సహకరించదో ,  అనుకున్నవి పదే పదే ప్రయత్నించినా జరగవో,  అదే విధంగా ఏదోక  నష్టం ,  లోటు సంభవించిన సందర్భాల లో , ఆలోచించడం మొదలు పెడతాడు. తాను ఎక్కడ పొరపాటు చేశాను, నా లో లోపం ఏమిటి, ఎందువలన నేను అనుకున్నవి జరగలేదు. ఇలా… ఇలా మనసు లో ప్రశ్నలు వస్తాయి, దీనిని అంతర్మధనం అంటారు. ఇది ప్రతి మనిషి కి అవసరం. దీని వలన ఎప్పుడూ వేగం గా కళ్లతో ముందుకు ఆలోచించే మనిషి, నెమ్మదిగా అంతరంగం లో హృదయం తో ఆలోచించడం మొదలెడతాడు.

  సరిగ్గా ఈ సందర్భం లోనే, తాను చేసిన పొరపాట్లు, తప్పులు , తన లోపాలు తనకూ స్పష్టం గా కనిపిస్తాయి. ఇది చాలా మంచిది . . .  ఎందుకంటే ఎవరైనా మన లోపాలను ఇతరులు చెపితే అంగీకరించం . సరికదా,  వారిలో లోపాలు చెపుతాం. ఎందుకంటే అహం . . .   మన లోపాలు కాలం, పరిస్థితుల ద్వారా మనకు తెలిసినప్పుడు వాటిని అంగీకరించడం , తరువాత వాటిని అధిగమించడం కోసం ప్రయత్నం చేస్తాం.

• మనిషి తాను చేసిన తప్పులు, పొరపాట్లు స్వయం గా తెలుసు కో గలగడం  ఒక ఎత్తు అయితే, వాటిని సరిచేసు కో  గలిగి  తిరిగి అవే పొరపాట్లు చేయకుండా ఉండగలగడం అనేదే ఛాలెంజ్.  

ఎప్పుడైతే మారాలి అని మనిషి అనుకుంటాడో , అప్పటి వరకూ ఒక ఒరవడి కి అలవాటు అయిపోయిన బుద్ధి సహకరించదు, పైగా మనసు తో యుద్ధం చేస్తుంది .

• ఈ యుద్ధం మనసు లో లోపల ఎలా ఉంటుంది అంటే, ….

1. హ . . .  ఈ లోకంలో మనుషులు అందరూ ఇంతే, ఎవరు తప్పులు చేయకుండా ఉన్నారు.

2. నేను నిజాయితీగా ఉండి ఎవరిని ఉద్ధరించాలి .

3. అయినా నా లోని లోపాలు ఎవరు చూసొచ్ఛారు.

4. నేను ఇలా ఉంటే ఎవరికైనా నష్టమా ?

5. నా జీవితం నాఇష్టం  నేను ఉన్నంత వరకు ఇలాగే హాయి గా ఉంటాను . 

  ఇలా అనేక ప్రశ్నల తో  బుద్ధి   మనసు తో కలిసి యుద్ధం చేస్తుంది . . .  పాపం ఇక్కడ బుద్ధి తప్పు కూడా ఏమీ ఉండదు,  ఎందుకంటే ఎన్నో జన్మలు గా బుద్ధి అలా ఆలోచిస్తూ  ఒక  సంస్కారం గా తయారు అయిపోయింది . అందుకే మార్పు ఒక్కసారిగా జరగాలంటే  బుద్ధి నుంచి  ఏ మాత్రం  సహకారం లభించదు.   దీనినే బలహీనత అని అంటారు. ఇంకా మాయ అని కూడా అంటారు.

• నిజానికి  మనిషి గురించి  చెప్పాలంటే చాలా అమాయకుడు.  ఎందుకంటే తన  మనసు లోపల    ఏ  ఆలోచనల  మెకానిజం ,  ఎలా నడుస్తుందో తెలియదు.  ఇందులో కాలం యొక్క పాత్ర చాలా ప్రాధాన్యం కలిగి ఉంటుంది  అని కూడా అసలు ఊహించలేడు .

  నిజానికి మనిషి లో లోపాలు, తప్పులు, పొరపాట్లు అనేవి సహజంగానే జరుగుతూ ఉంటాయి . కానీ వాటిని అదే పనిగా చేసుకుంటూ పోతే తనకు, తనతో ఉన్న వారికి కూడా ఏదొక దశలో చేటు కలుగుతుంది.

• పూర్వ కాలంలో గురువులు,  అనుభవజ్ఞులైన వారు తోటి సాటి వారిని  సరిదిద్ది  జ్ఞాన యుక్తం గా చేసే వారు.  అది లోక కళ్యాణం కోసం,  మంచి గృహస్థం కోసం,  మంచి సమాజం కోసం . . . కానీ నేటి కాలంలో ఆ పరిస్థితి లేదు.

• భూమి పై పుట్టిన ప్రతి మనిషి కి తాను జన్మించడం వెనుక ఒక అర్దం , ఒక బలమైన కారణం ఉంది అని కూడా చెప్పి , అర్దం చేయించే గురువులు నేడు లేరు. ఒకవేళ ఉన్నా విని అర్దం చేసుకునే నాధులు లేరు.

  శిక్షలు

• నేడు మనిషి  స్పృహ కి తెలుసో  తెలియదో గాని ఈ కాలంలో  చాలా శిక్షలు అనుభవిస్తూ నే  ఉన్నాడు. చూడండి . . .  ఒక మనిషి చనిపోతే స్వర్గస్తుడు  అయ్యాడు   అంటారు  లేదా స్వర్గానికి వెళ్ళాలని ప్రార్దన చేస్తారు.  అంటే చనిపోక  క్రితం వరకు ఆ మనిషి నరకం లోనే (ఈ భూమి) జీవించాడు  అని మనమే తెలియకుండా అంగీకరిస్తున్నాం . అంటే ఈ భూమి పై జీవనం నరకం. నరకం అంటే తప్పకుండా శిక్షలు ఉంటాయి కదా. 

• నేడు మనిషి కి శిక్షలు ఎలా ఉన్నాయి అంటే, బయటకు చెప్పుకోలేని అనేక శారీరక మానసిక రోగాలు ,  ఆసుపత్రుల హింస ,  ధనం ఉండి అనుభవించే సమయం లేకపోవడం ,  తినే ఆహారం విషతుల్యం ,   ఒంటరి గా  ఉండలేక పోవడం .  నిద్ర లేకుండా సంపాదన కోసం కష్టపడడం.  స్థాయి కి మించిన కోరికలు.  అన్నీ ఉన్నా అసంతృప్తి , వెలితి.    కష్టం చెప్పుకోవడానికి నమ్మకమైన వారు లేకపోవడం. ఆపదలో ఆదుకునే వారు లేక దుఃఖితులు గా కావడం.   పిల్లల్లో మానసిక ఒత్తిడి తో కూడిన చదువులు ‌. సంతానం ఉండి కూడా వృద్ధ తల్లి తండ్రులు అనాధలుగా  ఉండడం . . .  ఇలా ఇలా కంటికి కనిపించి , కనిపించని శిక్షలు ఎన్నో నేడు ప్రతి మనిషి అనుభవిస్తూ నే ఉన్నాడు.

• అందుకే . . . ఓ అమాయకమైన మనిషి మేలుకో, నిన్ను నువ్వు తెలుసుకో. నీ ధర్మం ఏమిటో ఆచరించు. నీవు పరిమళ పుష్ప సమానం అయితే విశ్వం నిను తన కౌగిట్లో లాలిస్తుంది.

  కొసమెరుపు

• ఈ రచన చదివిన వారికి , రాతలు రాసినంత సులువు కాదు, మనిషి మారడం అంటే అనిపించవచ్చు. కానీ మార్పు తోనే ఈ రాతలు ప్రాణం పోసుకున్నాయి అనే వాస్తవం తెలిస్తే విశ్వం తన కౌగిట్లో ఎలా , ఏమిచ్చి లాలిస్తుందో ప్రత్యక్షం గా అర్దం అవుతుంది. ఏ మనిషి నైనా సాధారణం నుంచి అసాధారణం చేయగలిగేది విశ్వ శక్తి మాత్రమే.

ఓం శాంతి 🙏

ఓం నమఃశివాయ 🙏

యడ్ల శ్రీనివాసరావు 24 April 2025 8:00 PM

629. శివుని గురించి ఇది తెలుసా?

 

శివుని గురించి ఇది తెలుసా?

• శివుని  యుగ యుగాలుగా  అనగా త్రేతాయుగం మధ్యకాలం  నుంచి  ద్వాపర యుగం  మరియు నేటి కలి యుగం  అంత్య సమయం  (ప్రస్తుత కాలం) వరకు మానవులందరూ   పూజిస్తూ,  ప్రార్థిస్తూ నే  ఉన్నారు .

  త్రేతాయుగము నందు   శ్రీ రాముని  ద్వారా శివుని ఆత్మలింగం  రామేశ్వరం లో  ప్రతిష్ట  చేసారని పురాణాలలో ఉంది.   శివుని ని  అనాది  నుంచి లింగ రూపంలో  నేటి వరకు  భక్తి తో  పూజిస్తూనే ఉన్నాం.

• దేవాలయాలలో కానీ,  ఫోటోలలో కానీ   శివుని లింగం  పై  గమనిస్తే ,  అడ్డం గా  మూడు విభూతి నామాలు,   మధ్య లో   ఎర్రని  చిన్ని కుంకుమ బొట్టు ఉండడం  గమనిస్తాం.   కానీ అసలు అలా ఎందుకు పెడతారు,  దానికి మూలార్దం  ఏమిటి ?  అనేది మనలో ఎవరికీ తెలియదు .

  శివ లింగం పై   ఉన్న  మూడు విభూతి నామాలు, బ్రహ్మ విష్ణు శంకరుల  ప్రతీకలు .  మధ్య లో ఉన్న ఎర్రని బిందువు ,  బొట్టు తో  చూపించే సూక్ష్మ స్వరూపమే  శివుడు.  ఈ బిందు  సూక్ష్మ రూపాన్ని జ్యోతి  స్వరూపం అని అంటారు.  అదే శివుని  అసలు శక్తి  రూపం .

• శివుని  అందరూ  పరమ శివుడు,  పరమాత్మ అంటారు.  పరమ అంటే పరలోకం .  ఇహం కాని మరో లోకం లో   చైతన్య వంతమైన  జ్యోతి వలే  ప్రకాశిస్తూ సూక్ష్మ  బిందువు  వలే  అనంతమైన శక్తి తో ఉంటాడు శివుడు .

  ఈ విశ్వం లో మానవులు ఉండేది స్థూల లోకం, తరువాతి దేవతలు ఉండేది   సూక్ష్మ లోకం,  ఆ పైన ఉండేది   మూల వతనం లేదా పరలోకం అంటారు . ఈ పరలోకం ఎరుపు పసుపు రంగు లతో నిండి ఉంటుంది. ఇదే శివుని నివాస స్థానం , పరంధామం అని అంటారు .

• దీనంతటికీ  నిదర్శనంగా   శివుని లింగం మీద మూడు నామాలు,  మధ్య  ఎరుపు రంగులో  సూక్ష్మ బిందువు గా  శివుని  చూపిస్తారు …. అనేక విషయాల కు అర్దం తెలియకుండానే భక్తి చేస్తూ ఉంటాం . భగవంతుని జ్ఞానం ద్వారా మాత్రమే వాటి అర్దం తెలుసుకో గలుగుతాం .

  బ్రహ్మ  విష్ణు  శంకరులు    సూక్ష్మ దేవతలు .  వీరు శివుని  యొక్క సృష్టి.   అందుకే   విభూతి   మూడు నామాలు గా   వారిని చూపిస్తూ,  మధ్య శివుని బిందువు గా చూపిస్తారు.  శివుని కి దేహం ఉండదు. శివుడు పరమాత్ముడు. జనన మరణాలకు అతీతుడు.

 బ్రహ్మ.  ద్వారా సృష్టి,   విష్ణువు ద్వార పాలన, శంకరుని  ద్వారా   వినాశనం జరుగుతుంది.  ఇది శివుడు  వారికి   నిర్దేశించిన కర్తవ్యం.   

మానవులు  శివుడు, శంకరుడు ఒకటే అనుకుంటారు కానీ అది అసత్యం.   శివుడు విశ్వ సృష్టి కర్త. శంకరుడు వినాశనకారి . అధర్మం  పెరిగినపుడు చెడును  సంహరించి   తిరిగి  మంచిని స్థాపన కోసం చేసే విధ్వంసకారి శంకరుడు .  ఇదే నేటి కాలంలో  ప్రకృతి  ద్వారా జరిగే  విలయ  తాండవం.

 🙏🙏🙏🙏

•  Earth భూమి :   భూకంపాలు ఇటీవల ధాయ్ లాండ్ ,  మయన్మార్,  జపాన్ ఇంకా అనేక దేశాలలో ఏక క్షణం లో  సంభవించిన భూకంపాలు.  భూమి పై అనేక దేశాలు యుద్ధాలు, అణు యుద్ధాలు చేస్తాయి. 

•  Water నీరు :  సునామీలు రాబోయే  అతి కొద్ది కాలంలోనే  ఊహించని విధంగా సముద్రం పొంగి కొన్ని తీర దేశాలు లేకుండా అయిపోతాయి. ఇటీవల ఆరు నెలలు క్రితం  ఎడారి ప్రాంతం  అయిన కువైట్, అబుదాబి లో  చరిత్రలో  ఎన్నడూ లేని విధంగా వరదలు , విపరీత వర్ష పాతం తో సుమారు రెండు వారాలు జన జీవనం అల్లకల్లోలం అవడం గమనార్హం .

•  Fire అగ్ని  :   అగ్ని దావానాలు  ఎన్నడూ ఊహించని  విధంగా   రెండు నెలల క్రితమే  అమెరికా లో కాలిఫోర్నియా సిటీ లో అధికశాతం మరియు హాలీవుడ్ పూర్తిగా వేడికి  చెట్లు  అంటుకొని గాలి వీచి క్షణాల్లో  ఆ మంటలకు ఆహుతి అయి పోయాయి. వారం రోజుల పాటు ఈ మంటలు కొన్ని 150 కిమీ మేర వ్యాపించి నా   సరే అమెరికా వంటి అగ్రరాజ్యం ఏమీ చేయలేక నిస్సహాయంగా ఉండిపోయింది . . .

 కరెక్ట్ గా ఒక నెల క్రితం  సౌత్ కొరియా లో  ఎండిన చెట్లు వేడికి సహజంగా  అంటుకొని,  కొన్ని గంటల సమయంలో దాదాపు 600 కిలో మీటర్ల దూరం వరకు గాలితో వ్యాపించి    కొన్ని నగరాలకు నగరాలు స్మశానం  అయ్యాయి. 

• Wind గాలి  : వారం రోజుల క్రితం  వేసవి కాలంలో గంటకు 250 కిలోమీటర్ల వేగంతో  వర్షం తో  వీచిన గాలుల తో  చైనా షాంగాయ్ నగరం, జన జీవనం వారం రోజుల పాటు నిరంతరాయంగా  అల్ల కల్లోలం అయిపోయింది.  ఇంకా  ఎడారులలో ఆరంభమైన ఇసుక తుఫానులు రాబోయే రోజుల్లో నగరాలను పూర్తిగా రోజుల తరబడి  కమ్మెస్తాయి .

• Space శూన్యం :   రాబోయే రెండు సంవత్సరాల లో ఇంటర్నెట్  సమాచార  వ్యవస్థ పూర్తిగా ప్రపంచ వ్యాప్తంగా  నిర్వీర్యం అవుతుంది  అనేది  నేడు అనేక దేశాల  యుద్ధ నిపుణుల అంచనా . ఇందుకు కారణం, రష్యా  ఇప్పటికే  అణ్వస్త్ర శాటిలైట్ లను  space లో మోహరించింది .  ఏ సమయంలో  నైనా ఇవి ఆపరేట్ చేస్తే   ప్రపంచ వ్యాప్తంగా  కమ్యూనికేషన్  వ్యవస్థ పూర్తిగా  నిర్వీర్యం అవుతుంది.

• పంచ భూతాలు , ప్రకృతి కలిసి  శంకరుని శక్తి తో ఇప్పటికే విలయ తాండవం చేయడం ఆరంభించాయి. ఇది ముందు ముందు పెరిగి , ఈ మూడు వంతుల ప్రపంచం మరియు భారతదేశం కొంతభాగం నాశనం అవుతుంది. …. 

తిరిగి మరలా  సత్య యుగం భారత దేశం నుంచి ఆరంభం అవుతుంది. ఎందుకంటే భారతదేశం లో నే శివుని  యొక్క శక్తి  స్వరూపం  ఇప్పటికే  90 సంవత్సరాల క్రితం అవతరించి ఉంది .  సత్య యుగం లో ఎవరైతే జన్మ ఎత్తిన   ఆత్మలు ఉన్నాయో  వారు తిరిగి ఇప్పుడు   జన్మించి ఉన్నారు . అటువంటి  వారందరికీ ఈ  సత్యమైన  విషయం తెలుసు. ఎందుకంటే వారందరూ  ఇప్పటికే  మనసా వాచా కర్మణా ,  తనువు  మనసు  ధనం ద్వారా   శివుని తో  అనుసంధానం అయి,   తమ సంకల్పాల  శక్తి ద్వారా  విశ్వ  పరివర్తన లో  నిమగ్నమై ఉన్నారు .

భగవద్గీతలో   శ్రీకృష్ణుడి ద్వారా  శివుడు  ఈ విషయం ఇలా చెప్పాడు.  ధర్మం  నశించినపుడు  తప్పకుండా తాను  భరత భూమి పై అవతరిస్తాను అని.

భగవద్గీత 4-7

“ యదా యదా హి ధర్మస్య గ్లానిర్భవతి భారత |

అభ్యుత్థానమధర్మస్య తదాత్మానం సృజామ్యహమ్ || ”

యడ్ల శ్రీనివాసరావు 23 APR 2025 , 9:00 PM .

628. విరాజమానం

 

విరాజమానం

• గోదావరి   మిల   మిలలు

  నా    గుండె    గలగలలు .

• కలిసాయి   ఈ సంధ్య లో 

  మెదిలాయి    ఓ   రాగమై .

• గోదావరి   మిల  మిలలు

  నా   గుండె    గలగలలు .

• కలిసాయి   ఈ సంధ్యలో 

  మెదిలాయి   ఓ   రాగమై .

• ముద్దుగుమ్మ     గోదారి

  ముచ్చటగా    చూస్తుంది .

• మురిపాలు     చిందిస్తూ

  రా … రా … అంటున్నది .

• గజ్జెల      ఘల్లు ల్లే 

  ఉరుకుతున్న    కెరటాలు .

• గాలులు     చిందుల తో

  కూస్తున్న    రాగాలు.

• ఇదే   కదా   . . .  ఇదే  కదా

  సంగమం.    . . .  ప్రకృతి  సంగమం.

• ఇదే   కదా   . . .  ఇదే  కదా

  పరవశం      . . .   ప్రకృతి   పరవశం.

• గోదావరి   మిల  మిలలు 

  నా   గుండె   గలగలలు .

• కలిసాయి    ఈ సంధ్య లో

  మెదిలాయి   ఓ   రాగమై .

• కలల    అలల  వలల  లోని

  మీనమైన   నేను

  దిగులు   సెగల   వగల లో   లేను.

• అసలు   సిసలు   దిశల   లోని

  మైనా    అయిన   నేను

  దశల   కుశల   సుజల    పై   ఉన్నాను .

• గోదావరి    మిల   మిలలు

  నా   గుండె   గలగలలు .

• కలిసాయి   ఈ సంధ్య లో 

  మెదిలాయి    ఓ  రాగమై.

  విరాజమానం = మిక్కిలి ప్రకాశించునది.

  మీనం = చేప

  దిశలు = మార్గాలు, దారులు

  మైనా = కోకిల

  దశలు = జాతక గ్రహ దశలు.

  సుజల = కమలము

యడ్ల శ్రీనివాసరావు, 22 APR 2023 10:00 PM .

627. నీకు మేలు చేసే వారు ఎవరు?

 

నీకు మేలు చేసే వారు ఎవరు ? 

• నీకు మేలు చేసే వారు ఎవరు ? . . .  కరెక్ట్ గా నిజాయితీగా సూక్ష్మంగా  పరిశీలిస్తే,  ఎవరైతే నిన్ను ఏదొక విషయం లో  అంటే  ధనం,   బంధాలు,  ఉద్యోగం , వృత్తి వ్యాపారాల లో   మోసం చేస్తారో , నమ్మకద్రోహం చేస్తారో,   మరియు ఎవరైతే నిన్ను , చేయని తప్పులకు నిందలు పాలు చేస్తారో , మరియు ఎవరైతే    నీ ప్రమేయం లేకుండా   నిన్ను ఇబ్బందులు పెడుతూ   క్షోభ కలుగ చేస్తు ఉంటారో ,  వారే నీకు ఈ భూమి పై  అత్యంత మేలు చేసే వారు . . .  ఇది పరమ సత్యం .

• ఈ విషయం మరింత గా  అర్దం చేసుకోవాలంటే ఈ   సూక్ష్మంగా   అవగాహన తప్పనిసరి . . .

1.  గత జన్మలలో   ఒకరి  పట్ల నీవు చేసిన ప్రవర్తన కి ఇప్పుడు  వారు  తిరిగి   బదులుగా అదే నీకు చేశారు. దీనినే   కర్మ రిటర్న్స్  అంటారు .  ఇందులో ఇతరుల తప్పు ఏమీలేదు,  అంతా  నీ గత జన్మలలో   వారిపట్ల చేసిన  పాపం  కాబట్టి  సంతోషంగా  తిరిగి   నీవు  నేడు   అనుభవించి  , నీ  తలపై ఉన్న పాపం తొలగించుకోవాలి .

 లేదా . . .

2.  ఈ జన్మలో  తెలిసీ తెలియక ,  బుద్ధి లో సరియైన స్పృహ   లేక   చేసిన  అనేక పాపాలను  నేడు,  నీకు నువ్వు గా   తెలుసు కొని ,   భగవంతుని  ఎదుట విపరీతమైన  పశ్చాతాపం  పొందినపుడు ,  నీలో నువ్వు  విపరీతంగా  మదనపడుతున్న  సమయం లో …. 

అప్పటికే   దరిద్రం,  దుఃఖం,  చెడు సంస్కారాలు అనుభవిస్తూ ,   నీ చుట్టూ  ఉన్న వారు   ముఖ్యంగా నీతో  ఏదొక బంధం లో  ఉన్న వారు   ఏదోక విధంగా , నీకు   క్షోభ కలిగించి  . . .  నీ పై ఉన్న పాపాభారం వారు   స్వీకరించి   నీకు విముక్తి  కలిగిస్తారు  . . .  ఇది నిజం గా   నీ అదృష్టం గా   భావించాలి .  ఇంకా అటువంటి  వారి పట్ల  నీవు మనసు లో  కృతజ్ఞత తో ఉండాలి.   ఎందుకంటే   నీ పాపాభారం   వారు స్వీకరిస్తున్నందులకు  . . .  నేను  వారికి ఏ అపకారం చేయకపోయినా   సరే  నాకు బాధ కలిగించారు  అనే భావన  , వారి  పట్ల   నీకు  కనీసం  ఉండకూడదు.

  లేదా . . .

3.   నీ జీవితంలో  నీవు  ఏదైతే   పొంది  ప్రస్తుతం అనుభవిస్తూ  ఉన్నావో ,  అవి  నీకు ఇక అవసరం లేదు  (అంటే ధనం  , పేరు, కీర్తి,  బంధాలు, వృత్తి, వ్యాపారం, ఉద్యోగం)  . . .  అంతకు మించి నువ్వు పొందవలసింది   ఏదో   నీ కోసం సిద్ధం గా  ఉన్నప్పుడు  . . .   ఉన్న పరిస్థితులు  వదిలి పెట్టేసే లా , నీ చుట్టూ ఉన్న మనుషులు లేదా  బంధాలు బలవంతంగా    నిన్ను  అక్కడినుంచి  విడదీసి  పంపే ఆశీర్వాదం  విశ్వం  నీకు   వారి  ద్వారా  కలిగిస్తుంది.

కొన్ని సంవత్సరాలు దాటిన తరువాత అనిపిస్తుంది, నాకు  దుఃఖం  ఇచ్చిన వారు   నా ఉన్నతి కి  బాట వేసారు ,  లేదంటే   వారి లాగే  నేను కూడా  ఇంకా అక్కడే   వారి  స్థాయిలో ఉండిపోయేవాడిని  అని.

నీ తల పై ఉన్న పాపాభారం తొలగితే ,  ప్రకృతి పంచభూతాలు  నిన్ను  ఫరిస్తా గా  చేస్తాయి. అంటే అనుక్షణం గాలిలొ తేలియాడే స్థితి తో   జీవించే లా అవకాశం కల్పిస్తాయి.  ఇది వాస్తవం.

లేదా  . . . 

4. గత జన్మలలో నీవు చేసిన  పుణ్య ఫలం మిగిలి ఉంటే , ఈ  జన్మలో నేడు అది అనుభవించ వలసిన సమయం  వచ్చింది అంటే  . . .  కర్మ ఫలం వలన  నీకు ఎటువంటి విఘ్నాలు లేకుండా  ప్రకృతి సహకరిస్తుంది  .   ఈ  ప్రత్యేక స్థితిలో నువ్వు గుర్తించినా, గుర్తించక పోయినా  ,  ఆ భగవంతుడే   నీకు  సహాయకారి . 

ఇప్పుడు అన్ని కోణాలలో ఆలోచిస్తే తెలుస్తుంది,  నీకు మేలు చేసే వారు ఎవరెవరు  అని . . . 

 

ఈ విషయాలు   సూక్ష్మం గా   విపులంగా  వివరించని  జ్ఞానులు ,  ఒక్క మాటలో ఇలా   అన్నారు .

 “ అపకారికి ఉపకారం చేయుము” .

 “ అపకారిని   క్షమించుము “

 “ పశ్చాతాపం మించిన ప్రాయశ్చిత్తం లేదు “

" పరమాత్మ  యెడల సత్య ప్రీతి తో ఉండుము"

అని.

  Hidden Facts : 

కొందరు  సహజంగా అనుకుంటూ ఉంటారు . . . ఫలానా  వారు  నాకు సహాయం చేయడం  వలన నేను   చాలా  గొప్ప స్థితి లో  ఉన్నాను అని . . .  కానీ ఇక్కడ  అర్దం చేసుకోవలసింది  ఇందులో  నీ స్వ శక్తి ఏమీ లేదని .   తిరిగి ఏదో నాడు  ఆ సహాయం వారికి చేసి బుణం తీర్చుకోవాల్సిందే .   అదే  విధంగా సహాయం  చేసిన  వారి  పట్ల  కృతజ్ఞత ఎప్పుడూ ఉండాలి .

• నీకు చెడు చేసిన  వారి  మంచి కోరుకో  అని ఉత్తములు  ఎపుడూ  అంటుంటారు  ఎందుకంటే, వాస్తవానికి   వారు  నీకు  చెడు  చేయలేదు కాబట్టి. నీవు పొందుతున్న బాధను బట్టి  , వారు నీకు చెడు చేసినట్లు అనిపిస్తుంది , అంతే.  నీవు ఆ స్థితి నుంచి దాటితే వారే  నీ విజయానికి కారకులు .

సత్యం  అనేది  సూక్ష్మాతి  సూక్ష్మం. 

ఇలాగే ఉంటుంది. 

అర్దం చేసుకోగలగాలి.

• నువ్వు  బాధలు పడినపుడు,  ఈర్ష్య ద్వేషాలు అసూయ  కామం క్రోధం  వంటి  గుణాలకు  అతీతం అవ్వాలి .   

ఈ గుణాలకు అతీతం గా అయి ,  నువ్వు బాధ పడుతూ,   తిరిగి  నువ్వు ఇతరుల పట్ల  ప్రతి చర్య  చేయకుండా,  మౌనం గా  ఉన్నప్పుడు  మాత్రమే   నీ పాప  భారం  ఇతరులు  స్వీకరిస్తారు . . .  గమనించాలి.

 చర్యకు  ప్రతి చర్య   ప్రకృతి చేస్తుంది  కానీ, నువ్వు చేయకూడదు.

• ఇది కలియుగం   పైగా  అంతిమ సమయం , వినాశన కాలం.  ఈ యుగంలో ధర్మం ఒక పాదము పై ఉంటుంది.   పాపం చేయని  మానవుడు అంటూ ఎవరూ ఉండడు.   ప్రతి  మనిషి   సంతోషం అనే ముసుగులో   బయటకు  కనిపిస్తూ ఉన్నా  సరే లోపలి    అంతులేని  దుఃఖం   తప్పని  సరిగా అనుభవించ వలసిందే.  దీనికి ఏ మానవుడికి మినహాయింపు లేదు.  

దీనంతటికీ   ఒకటే  పరిష్కారం  శివుని  స్మృతి.  

అంటే  నిత్యం  యధావిధిగా  ప్రతి పని చేసుకుంటూ, తిరుగుతూ,  తింటూ  కూడా  మనసు లో  శివుని తలుచుకుంటూ  అనుసంధానం అవడం. ఇలా చేయడం వలన నీకు ముక్తి లభించే మార్గం  లభిస్తుంది. అందుకు  మరలా కార్యాచరణ మాత్రం  నీవే చేయాలి.  అది  పరోపకార  సేవ  తో  నిండి ఉంటుంది.

• నీకు   బాధ  కలిగించిన  వారిని  క్షమించి వదిలెయ్ అని ఉత్తములు  అంటుంటారు.   అంటే దీని అర్థం నీవు  క్షమిస్తే   వాళ్లు ,  నీ పట్ల చేసిన  పాపం నశించి పోతుంది   అని కాదు.   వారు  ఎలాగో  వారి   కర్మ ఫలం  తప్పక  అనుభవిస్తారు.  కానీ,  నువ్వు వారి పట్ల   పగ ప్రతీకారం  పెంచుకో కుండా    క్షమించాను  అనుకొని  వదిలేస్తే ,  ముందు  నీలో   ఏ మానసిక సంఘర్షణ  వారి పట్ల  లేకుండా ప్రశాంతంగా ఉంటావు  అని సూక్ష్మ అర్థం .

జీవన సత్యాలు   మనో నేత్రం తో చూడ కలిగినప్పుడు మాత్రమే  వాటిలో సత్యం కనపడుతుంది .

వేడి నీరు   చల్లగా కావాలి   అంటే,  తప్పనిసరిగా  చుట్టూ చల్లటి  వాతావరణం ఉండాలి. ఎందుకంటే, అదే ఆ వేడిని స్వీకరిస్తుంది.   అదే విధంగా, నీ తల పై పాపాభారం తొలగాలి అంటే అది స్వీకరించడానికి,  కొన్ని సార్లు నీ చుట్టూ ఉన్న మనుషులు కారణం కావచ్చు లేదా  ప్రకృతి వైపరీత్యాలు  కావచ్చు  లేదా  నీ కర్మ భోగం (అనారోగ్యం)  కావచ్చు.  ... అంతే కాని భగవంతుడు స్వయానా  నీ పాపాభారం తొలగించడు,  కానీ అది తొలగించుకునే మార్గం, ఆయన స్మృతి ద్వారా తెలియజేస్తాడు.

యడ్ల శ్రీనివాసరావు 21 APR 2025 , 10:00 PM.

626. శివుడు - భక్తి - జ్ఞానం

 

శివుడు - భక్తి - జ్ఞానం

• శ్రీ లింగం        . . .   శ్రీ ముఖ లింగం

  జ్యోతిర్లింగం    . . .    శివ లింగం .

• ఆత్మ  ను          నేను

  పరమాత్మవు      నీవు .

• నేనోక       బిందువు 

‌  నీవొక        సింధువు .

• శివ మే       నీ నామం 

  శివ మే       నీ నామం .

• సృష్టి    కి   సూత్రధారి

  శక్తి      కి   సంభూయకారి  .

• అమృ తత్వమే      నీ   అమరనాధము 

  శివ     తత్వమే       ఆ   విశ్వంభరుడు .

• శ్రీ లింగం      . . .     శ్రీ ముఖ లింగం

  జ్యోతిర్లింగం   . . .    శివ  లింగం .

• ఆత్మ ను         నేను

  పరమాత్మవు    నీవు .

• నేనోక     బిందువు 

  నీవొక      సింధువు .

• శివమే      నీ  నామం 

  శివమే      నీ  నామం .

• ఆలయ    లింగం

  నీ   జడ    రూపం .

• పరంధామ   జ్యోతి 

  నీ   సత్య    స్వరూపం .

• నీ   జడ   లింగ  పూజతో

  పొందినది    అల్పం   . . .  తాత్కాలికం .

• నీ   జ్ఞాన  యోగ   స్మృతి తో

  పొందినది    అధికం   . . .  శాశ్వతం .

• భక్తి    లో      నిలిచాము

  నీ   ఎదురు     అభాగ్యుల మై  .

• జ్ఞానము లో     కలిసావు

  మా  బుద్ధిలో      తండ్రి వై .

• శ్రీ లింగం        . . .     శ్రీ ముఖ లింగం

  జ్యోతిర్లింగం   . . .      శివ లింగం .

సంభూయకారి =  కలిసి కూడా ఉండేవాడు.

విశ్వంభరుడు = శ్రీ మహా విష్ణువు.

సింధువు = మహా సముద్రం

జడ = చలనం లేని

పరంధామం  = పరమాత్మ    నివాసం, 

యడ్ల శ్రీనివాసరావు 19 APR 2025 , 9:30AM.

625. నిజం మాట్లాడితే చనిపోతారా ?

 

నిజం మాట్లాడితే చనిపోతారా ?

• చిన్న పిల్లలకి   బడిలో ఎల్లప్పుడు  సత్యం మాటాడవలెను  అని  పదే పదే  కాపీ రైటింగ్ బుక్స్ లోను,   నోటితోను   కొన్ని వందల సార్లు ప్రతి రోజూ చెప్పిస్తూ , రాయిస్తూ  ఉంటారు. అసలు ఈ విషయం పై ఎందుకు ఇంతగా చెపుతారో   ఆ వయసు కి అర్థంకాదు.

ఏదైతే మనిషి ధర్మానుసారం  చేయవలసిది చేయడో,  చేయలేడో   ….  అదే గురువులు,  భగవంతుడు కలిసి నేర్పిస్తారు.

• అంటే  ఈ కలికాలంలో   పుట్టిన ఏ మనిషి కూడా, నిజం మాట్లాడ లేడు,  మాట్లాడడు.   ఒకవేళ మాట్లాడితే   చనిపోతాడేమో ?

 ఎందుకంటే   మనిషి జీవితం  మొదలైన నాటి నుండి నిజాలు  కంటే అబద్ధాలు  మాట్లాడుతూ  ఉంటేనే బ్రతకగలను   అనే   స్థితి   సర్వ సాధారణంగా  భావిస్తూ  వచ్చాడు  .  అబద్ధం  మాట్లాడడం అనేది ఏమంత   తప్పు కాదు,  చాలా చాలా సహజం అనేది నేటి  మనిషి   స్థాయి కి అలవాటు పడ్డాడు .   ఒకవేళ నిజం మాట్లాడితే   ఇంటా  బయటా  సమస్యలు  ఎదుర్కోవలసి వస్తుంది  అనే భయం .

• ఎప్పుడైతే అబద్ధాలు సునాయాసంగా మాట్లాడడం అలవాటు  అయిందో,   చేస్తున్న   ప్రతి పని  కూడా దొంగ  భరితం గా   అవుతుంది.  అదే ఒక పెద్ద పాప కర్మ గా తయారవుతుంది.

 నిజాలు  మాట్లాడితే  నేను  ఈ భూమిపై   బ్రతకలేను అనే విషయం  ఎంతో కొంత   ప్రతి మనిషి కి మారుమూల  బుద్ధి లో ఉంటుంది. ఎందుకంటే ఒకవేళ   నిజం మాట్లాడితే   మన చుట్టూ  ఉన్న  అనేక   అబద్ధపు  మనుషుల తో   యుద్ధం మొదలవుతుంది అనే భయం.

 అందుకే  అడుగడుగునా,  మనిషి  తన ఆలోచనల కంటే  కూడా  తన చుట్టూ  ఉన్న  వారి  ఆలోచనలను ఊహిస్తూ   లేదా    అంచనా    వేసుకుంటూ   తాను జీవించడం  మొదలు పెడుతున్నాడు అన్నది నేడు మనసు ఎరిగిన సత్యం. ఇది అవునన్నా కాదన్నా నిజం. ఇదే మనిషి తనకున్న  తెలివి తేటలు గా భావిస్తున్నాడు .  

• ఒక్క మాటలో  చెప్పాలంటే,  మనిషి  తాను సత్యం గా   భూమి పై   జీవించాలి   అని అనుకుంటే  అందుకు   తగిన నిర్ణయం తీసుకునే   శక్తి  కూడా తన బుద్ధి లో    నేడు  లేదు .   ఇదే మాయా ప్రభావం. మాయా   అంటే    బలహీనత.   తన బలహీనతలను జయించ లేని  మనిషి ,   బ్రతికి  జీవించి   ఈ జన్మ కి    ఏం లాభం   పొందుతాడు.

• ఈ క్షణం ,  ఈ సమయంలో   ఇది  ఇలా అబద్ధం మాట్లాడెస్తే   తన సమస్య   తీరిపోతుంది,   తన అవసరం గట్టెక్కెస్తుంది,  అని  మనిషి  అనుకుంటాడు. కానీ అదే తిరిగి   కొన్నాళ్ల  తర్వాత   వడ్డీ తో   పాప భారం గా   తయారవుతుంది   అని  గమనించలేడు. 

• సత్యం   అనేది భగవంతుని  శబ్దం,  సృష్టి సంకేతం .  దానితో   అనుసంధానం  కాకుండా  మనిషి జీవిస్తే చివరికి అధోగతే .    నిజం , సత్యం   మాట్లాడడం వలన  మనిషి   తాత్కాలికంగా   ఇతరులతో    సమస్యలు  రావచ్చు,   ఇబ్బంది   కలగవచ్చు .   కానీ  చివరికి    సత్యమే  విజయం సాధిస్తుంది .  మానవుని ఆత్మకు   శుద్ధి ,  సంతృప్తి   సత్యం వలన లభిస్తాయి .

• మాట్లాడే విధానం :

 ఎవరైనా  ఒక అబద్ధం   మాట్లాడితే,  చాలా కమ్మగా, అది  అసలు  అబద్ధమే కాదు  అనేంత  మధురం గా మాట్లాడుతారు.   ఎందుకంటే   ఇలా   మాట్లాడితే నే ఇతరులకు  నమ్మకం  కలిగించడం  సులభం.  ఇలా మాట్లాడే   విధానం అందరికీ  నచ్చుతుంది .

• అదే ,   ఎవరైనా  ఒక   సత్యం,   నిజం మాట్లాడినప్పుడు   గమనిస్తే   కాస్త కఠినం గా,  ముక్కు సూటి తనం గా   అనిపిస్తుంది .  అది వింటున్న  వారు    చెపుతున్న వారిని  అహం కారులు గా   భావిస్తారు .  కానీ,  అలా మాట్లాడటం  నిజానికి  ఉన్న శక్తి   అని  గమనించ  లేరు.

• కానీ   నిజం , సత్యం  మాట్లాడే వారు  కూడా మరింత  మధురంగా   మాట్లాడ  వలసిన అవసరం నేటి కాలంలో  ఉంది.   కటువుగా   మాట్లాడితేనే ఇతరులు   నిజాన్ని   గ్రహిస్తారు,  అర్దం చేసుకుంటారు అనేది   అన్ని   వేళలా   పనిచేయక పోవచ్చు. …. ఇకపోతే  ,  ఒకరు  మాట్లాడే   సత్యాన్ని,  నిజాన్ని ఇతరులు   అర్దం   చేసుకోక పోయినా  సరే  నష్టం,  అనేది   మాట్లాడే   వారికి   కలగదు .   

• నేడు  ప్రపంచం  పూర్తిగా  అశాంతి,  దుఃఖం తో నిండి  ఉంది.   దీని  నుంచి  మానవుడు తప్పించుకోవడం   అసాధ్యం.  ఇది  మనిషి స్వయం కృతాపరాధం.   మనిషి   తనకు తాను గా   తనలో మార్పు   తెచ్ఛుకోనంత   వరకు  అశాంతి దుఃఖం అనుభవించ  వలసిందే .

• అబద్ధం , అసత్యం  అనేవి   మనిషి శరీరంలో నుంచి వచ్చే   ఆలోచనల   ప్రకంపనల శబ్దం .   ఈ నెగెటివ్ శబ్దం  produce  చేయడం  వలన శరీరం  మరింత నెగెటివ్ గా   కలుషితం  అయి  అనారోగ్యం తో పెద్ధ   garbage container లా  అవుతుంది.  దీని వలన చుట్టూ ఉన్న వారి కంటే తమకే నష్టం.

• నిజం మాట్లాడినంతలో  ఎవరూ చనిపోరు …. సరికదా చనిపోయే ముందు అత్యంత ఆనందాన్ని కూడా  మోసుకెళతారు  మరు జన్మలకు.

• మార్పు ఎప్పుడూ   మన  చుట్టూ కాదు … మనలోనే   చిన్న గా   మొదలై తే చాలు.   అందుకు భగవంతుడు, సద్గురువు   మార్గదర్శకం  తప్పనిసరి గా  కావాలి .

యడ్ల శ్రీనివాసరావు 18 APR 2025 , 10:30 AM.

624 . గోదారి బంగారం

 

 గోదారి  బంగారం

• దినచర్యలో  భాగంగా నే  యధావిధిగా   సాయంత్రం 5 గంటలకు ,  సరస్వతి ఘాట్ లో   వాకింగ్ కి వచ్చాను.    గేటు దాటి  ఘాట్ లోనికి   అడుగు పెడుతూనే,   రోజూ కంటే  కూడా  ఈ రోజు మనసు లో    ఏదో   కొత్త గా  సంతోషం గా   అనిపిస్తుంది. కారణం మాత్రం తెలియదు .

• సమయం సాయంత్రం 5:05 నిమిషాలు అయింది. ఘాట్  అంతా ఖాళీ గా  ఉంది.   ఘాట్ ఫ్లాట్ ఫాం పై మౌనం గా  నడుస్తున్నాను.  కానీ   ఏదో  తెలియని సంతోషం  నన్ను  తాకుతూ ఉంది.   చిన్న  పిల్లలు ఆటలు    ఆడేటప్పుడు  మైమరచి  సంతోషం పొందుతూ  ఉంటారు.  నా మనసు లో  ఎందుకో అలా అనిపిస్తుంది.  కానీ  చుట్టూ  వాతావరణం అంతా  సాధారణంగా నే ఉంది . . .  ఏంటో నా పిచ్చి, అని నాలో  నేనే నవ్వుకుంటూ వాకింగ్  చేస్తున్నాను .

• అలా  ఘాట్ పై  నడుస్తూ,  నడుస్తూ   దృష్టి ని ఒకసారి   గోదావరి పై   మళ్లించి   చూస్తే,  ఒక్కసారిగా సంతోషం  రెట్టింపు అయింది.   సూర్యుడు అస్తమించడానికి   సిద్ధం అయ్యే ముందు,   తన వర్ణాన్ని   పసిడి  ఛాయలోకి   మార్చుకున్నాడు.  

ఆ బంగారు   కాంతిలో   గోదావరి   సహజమైన స్వర్ణాభరణం  వలే   మిలా మిలా మెరుస్తుంది. ఎప్పుడూ చూసే  గోదావరే   కానీ,  ఈ సమయంలో మాత్రం   రోజూ  ఉన్నట్లుగా   మాత్రం అనిపించడం లేదు.   కాసేపు  అలా   నిలబడి,  మిలమిలాడే గోదావరి ని    తదేకంగా చూస్తుంటే ,  అకస్మాత్తుగా గోదావరి పై    వీచే గాలుల   ఉధృతి పెరిగింది.   ఆ గాలుల   ఉధృతి కి   అలలు   వేగంగా   ఉరకలు మీద ఉరకలు  వేసుకుంటూ,    అప్పటి వరకు లేని  అతి పెద్ద శబ్దం చేస్తూ  ఒడ్డు ను  పడి పడి తాకుతున్నాయి.

• ఆ అలల ను   చూస్తూ,   వాటి శబ్దం వింటుంటే . . . అవి నన్ను తాకాలని,   ఆ శబ్దం  నాకు ఏదో చెప్పాలని ప్రయత్నిస్తున్నట్లు   నా మనసు కి   పదే పదే అనిపిస్తుంది.

  అయినా  నా పిచ్చి గాని,   కవితా  హృదయం తో ఆలోచిస్తే   ప్రతీది ఇలాగే  అతిగా  ఉంటుంది, అని నాలో నేనే నవ్వుకున్నాను.   కానీ, నిత్యం లేని ప్రత్యేకత ,   ఈ రోజే   ఎందుకు ఇలా నాకు అనిపిస్తుంది  అనే ప్రశ్న కి సమాధానం  నాలో లేదు , నాకు ఎవరు చెపుతారో  కూడా తెలియదు . 

• తిరిగి  మరలా  వాకింగ్  ప్రారంభించాను. ఐదు నిమిషాల తరువాత   గాలి  వేగం  మరింత పెరిగింది. ఘాట్ లో  చెట్లు,  పూల మొక్కలు   శబ్దం చేస్తూ విపరీతంగా  ఊగుతున్నాయి.   ఆ గాలి  నన్ను తాకుతూ  ఉంటే,   కళ్లు చిన్నవి గా   చేసి చూడాల్సి వచ్చింది.   నా ఒంటి పై   డ్రెస్   రెపరెపలాడుతూ ఎగురుతుంది.

• ఈ వాతావరణం  అంతా   నేను  వచ్ఛిన  అరగంట లోపు   అందంగా   మారిపోయింది.  ఇది చాలా సంతోషం ఇస్తుంది   అనే దాని కంటే,  ఈ పసిడి ఛాయ గోదావరి,   రోజూ కానరాని  ఈ అలల ఉధృతి శబ్దం,  చెట్లు  నుంచి వీచే గాలి,   ఈ ప్రకృతి  నాకు ఏదో చెప్పాలని   ప్రయత్నిస్తుంది  అని  మనసులో బలంగా   అనిపిస్తుంది  . . .   కానీ  చెప్పాలనుకున్నది ఏమిటో  నాకు   ఆ నిమిషం లో  తెలియదు .

• మరో   అరగంట    వాకింగ్  చేసాను.   సుమారు 6 గంటల  సమయం  అయింది.   వాతావరణం ఇంకా అలానే  చల్లగా   గాలులతో ఉంది.  సూర్యుడు అస్తమించడానికి  సిద్ధం అయ్యాడు.   వాకింగ్ అయిన తరువాత,   ఘాట్ లో   సిమెంట్ బల్ల పై కూర్చుని , గోదావరి ని    చూస్తూ  ఏంటో ఈ రోజు ఇంత ప్రత్యేకం గా ఉంది అనుకున్నాను.

• ఇంతలో   ఎవరో ,   ఒక యువతీ యువకుడు సుమారు  26 సంవత్సరాలు ఉంటాయి,   వచ్చి నా పక్కనే  ఉన్న   సిమెంట్ బల్ల పై    కూర్చున్నారు. అప్రయత్నంగా నే   నేను   వారిని చూసాను.   వారు చాలా సాధారణంగా,  మధ్యతరగతి  కంటే  దిగువ స్థితి లో   ఉన్న  సహజ  వస్త్రధారణలో ఉన్నారు. వారిద్దరి  మధ్య  సంబంధం ఏమిటో తెలియదు కానీ మౌనం గా   కూర్చున్నారు.  చూడడానికి మరీ అందం గాను లేరు,   అలా అని  అంద విహీనంగాను  లేరు.

• నాలో  ఏదో తెలియని  వైబ్రేషన్ మొదలైంది. అక్కడి నుంచి లేచి,  వెళిపోదాం   అనుకున్నాను  కానీ, వాతావరణం   ఆహ్లాదకరంగా   ఉండడం తో లేవ లేకపోయాను.

• దాదాపు పావుగంట సమయం వరకు వారిద్దరూ మౌనం గా నే   ఉన్నారు.   ఆ తర్వాత,    అతను ఆమెకు    అస్తమిస్తున్న   సూర్యుడి ని  చూపిస్తూ, వేగం గా    తన   చేతులతో   సౌంజ్ఞ లు చేస్తూ,  చేతి వేళ్లను   లెక్కకడుతూ    ఆతృతతో    వివరిస్తున్నాడు.

 ఆ తర్వాత   గోదావరిని,   అలలు ను   చూపిస్తూ చాలా వేగంగా   తన చేతి సిగ్నల్స్ తో, అభినయం చేస్తూ వివరిస్తున్నాడు.   ఆమె పట్టరాని   సంతోషంతో, పెద్ద కళ్లు చేసుకొని    అతని సౌంజ్ఞ లను  అర్దం చేసుకుంటూ,  తిరిగి  ఆమె ఏదో  సౌంజ్ఞ లతో  అతనికి వివరిస్తుంది.

• వారిద్దరి  మధ్య సంబంధం  ఏమిటో తెలియదు కానీ,   వారిద్దరూ  మూగ వారు,   చెవిటి వారు అని కొంత  సమయం  తర్వాత  నాకు అర్థం అయింది. వారి పై  జాలి కలగడం లేదు.   వారు నాకు ఏదో తెలియ చేస్తున్నట్లు అనిపించింది.  వారి ఆత్మ విశ్వాసం   నాకు   సంతోషం కలిగించింది .

• ఆ ప్రదేశం లో  వారి  చుట్టూ  ఎవరు ఉన్నారు  అనేది  కూడా   కనీసం   గమనించ కుండా , మైమరచి అతను  ఆమెకు  ఆ గోదావరి   ప్రకృతి,  ఆ సమయంలో   వీచే గాలిని ,  శబ్దాన్ని   కళ్లకు కట్టినట్టు ఆమెకు  వివరిస్తున్నాడు.    ఆమె  నవ్వుతుంది, మధ్యలో  కొన్ని సార్లు  చప్పట్లతో   తన సంతోషం వ్యక్తం  చేస్తుంది.   అక్కడ  ఆ సమయం అంతా వారి హవ భావాలతోనూ,   మౌన భాష తోను   , అభినయాలతోను   నిండి పోయింది . . . సరిగా అదే సమయంలో,   ఎక్కడి  నుంచో   రెండు  కాకులు వచ్ఛి వారికి  రెండు   అడుగులు  సమీపంలో వాలి , వారినే చూస్తున్నాయి .

• ఒక పది నిమిషాలు  తర్వాత,  అతను తన భుజానికి   ఉన్న సంచిలో  నుంచి   ఒక  పొడుగు పుస్తకం    తీసాడు.

అప్పటివరకు   నేను    వారిని   కొంచెం బిడియం గా చూసి  చూడనట్టు గా   చూస్తున్నా సరే,   ఈ సారి ఆగలేక   పూర్తిగా వారి వైపు తిరిగి  వారినే చూడడం మొదలు   పెట్టాను.

• అతను   మెల్లగా   ఆ పుస్తకం తెరిచి,   ఒకో పేజీ ఆమెకు   చూపిస్తున్నాడు.  ఆమె  తన రెండు చేతులు తన బుగ్గల పై  పెట్టుకుని,  ఆసక్తి గా చూస్తోంది . 

 నాకు ఒక్కసారిగా ఒళ్లు జలదరించింది. 

 ఆ పేజీలలో ,   అతను   అప్పటి  వరకూ  ప్రత్యక్షం గా  ఆమెకు చూపించిన   గోదావరి,  సాయంకాలం సూర్యుడు,   అలలు,   గోదావరి బ్రిడ్జి ,   ఘాట్ ,   సిమెంట్ బల్ల పై వారు  కూర్చున్న విధానం  అంతా  కూడా   ఒక పేజీ తరువాత   మరొకటి   పెన్సిల్   ఆర్ట్   డ్రాయింగ్స్  రూపం లో    ఇది వరకే  వేసి    ఉన్నవి    ఆమెకి   చూపిస్తున్నాడు.   అవి తాను  వేసానని  ఆమెకు మూగ భాషలో చెపుతున్నాడు .

 ఆమె  మరింత ఆశ్చర్యం గా  అతని ని , ఆ స్కెచెస్ ని  ,  తేరిపార   చూస్తుంది.

 అదంతా   చూస్తున్న నాకు,  అసలు  అక్కడ ఏం జరుగుతుందో,  అసలు  అదంతా ఏంటో కూడా అర్దం కావడం లేదు.

• సమయం  6:30 గంటలు అయింది.  ఇంకా చీకటి పడలేదు.   వెలుగు స్పష్టం గానే ఉంది. ఘాట్ లోకి జనం వస్తూ వెళుతున్నారు.

• నాకు  ఆ యువకుడి తో  మాట్లాడాలని అనిపించింది,   కానీ అది  ఎలా  సాధ్యమో తెలియక మౌనం గా నే    చూస్తూ, గమనిస్తున్నాను.   అంత సమయం ఉన్నా  వారు  ఒకరిని  మరొకరు   కనీసం చేతులతో  కూడా తాకలేదు.   వారి మధ్య ఉన్న సంబంధం  ఎటువంటిదో   కూడా   నాకు అర్ధం కాలేదు.

• కానీ   ఒకటి  మాత్రం  అర్దం అయింది,  అతను తాను   గీసిన గోదావరి  ప్రకృతి  దృశ్యాలను, ఆమెకు డైరెక్ట్ గా  లైవ్ లో  చూపిస్తూ ,   వర్ణించడానికి అక్కడికి   ఆమె తో   వచ్చాడు  అని.  వారిద్దరూ మూగ,   చెవిటి వారు అని.

🌹🌹🌹🌹🌹

• ఒక ఐదు   నిమిషాలు తరువాత,   ఆమె తన హేండ్ బాగ్ లోనుంచి,   పింక్  కలర్  💗  హృదయం ఆకారంలో  ఉన్న  చిన్న  ప్లాస్టిక్ భరిణి  తీసింది. ఆమె ఆ భరణి లో   నుంచి   కుంకుమ తీసి,  అతని నుదుట బొట్టు   పెట్టింది.    

ఆ  హృదయ భరణి ని   ఆమె అతని   చేతిలో పెట్టి, తన చేతిని పైన  ఉంచింది.   మాటలు రాని  ఆమె తన   ప్రేమను చాలా   అద్బుతం గా  అతనికి వ్యక్తపరిచింది .  అప్పుడు  నాకు అర్ధం అయ్యింది. ఆ సమయం  ,   వారి ప్రేమను   వ్యక్తపరచు  కోవడానికి ప్రకృతి  వారికి  కల్పించిన   సందర్బం అని.   అందుకు నేను సాక్షి గా ఉన్నాను అని.

అదంతా  చూస్తున్న  నాకు  గుండె వేగం పెరిగింది. కానీ అదంతా అక్కడ చాలా సహజంగా జరిగింది.

• నేను రెండు గంటల క్రితం ఘాట్ లో కి వచ్చేటప్పుడు,   ఈ రోజు   ఏదో   ప్రత్యేకంగా అనిపిస్తుంది   అన్న మాట కి ,   కారణం అప్పుడు తెలిసింది .

• ఎందుకో తెలియకుండా నే ,   నా కళ్లలో తడి అనిపించింది .  సమయం  7 గంటలు కావస్తోంది.  లేచి , బంగారు  గోదారి నుంచి   వెను తిరుగుతూ . . . 

 ఈ రోజుల్లో   మాటలు వచ్చి ,    ప్రేమించు కునే వారు ఎందరో   తమ  అతి తెలివి తోనో   లేక అమాయకత్వం  తోనో    లేక    అహం తోనో    లేదా మనసు లతో    ఆటలాడే    విధానం   తోనో   ఒకరి పై మరొకరు   ప్రేమను   సవ్యంగా    వ్యక్తం   చేయలేని ఎందరో    మానసిక   వికలత  కలిగిన వారి  కంటే కూడా,   ఆ యువతీ యువకుడు  చాలా ఉన్నతంగా అనిపించారు .   బహుశా  ఇది వారికి   ప్రకృతి ఇచ్చిన ఆశీర్వాదం  అనుకుంటా. 

 ప్రేమ కి మనసే ఒక భాష అనిపించింది.

🌹🌹🌹🌹🌹

• కేతువు కి  మొండెం  మాత్రమే ఉంటుంది.  తల,  కళ్లు ఉండవు ,  మాటలు రావు.   అంటే  కేవలం హృదయం, స్పందనల తో  మాత్రమే కేతువు  విశ్వంలో   సమస్త   ప్రకృతి తో   అనుసంధానం అవుతుంది,   చీకటిని   స్పష్టం గా చూస్తుంది, బొమ్మలు గీస్తుంది ,  రాతలు రాస్తుంది. …..

• కళ్లు , మాటలు  రెండు  కూడా  నిలకడగా ఉండవు . అవి    మోసం చెయ్య గలవు .    హృదయం మాత్రం మోసం చెయ్యదు .   ఒకవేళ   హృదయం మోసం చేస్తే మరణం తో సమానం.   అదే కేతువు గొప్ప తనం. వారిలో   నాకు కేతువు  యొక్క శక్తి , మరియు ప్రేమ కనిపించింది. 

ఆ యువతి యువకుడి కి  ఈ రచన అంకితం.

యడ్ల శ్రీనివాసరావు 16 APR 2025 , 10:00 PM.

623. విశ్వ రాజసం

 

విశ్వ రాజసం

• కనులకు      ఏమయిందో

  కలలను       కాదంటుంది .

  కాదంటుంది   . . .   కలలను కాదంటుంది .

• కలల లో     వెలిగే     కాంతులను

  చూడనంటుంది  . . .   చూడలేనంటుంది .

• బహుశా     . . .    బహుశా

  కలలకు     చీకటి      కావాలేమో

  కావాలేమో    . . .     చీకటి   కావాలేమో .

• నిశి లో     విరిసిన    శిశిరమా

  శశి నే       దాచిన     తరుణమా

• కలలు     లేని     కనుల లో

  కలవ      లేని      కలవరింతలు

  మౌనం గా     ఉన్నాయి.

• అలల    లోని      గాలులు

  వీనుల ను      వయ్యారం గా

  తాకుతూ     ఉన్నాయి .

• కాంతి     లేని    ఏకాంతం

  ఏకం     చేస్తుంది    కమ్మగా

  విశ్వ     రాజసం తో .

• నిశి లో     విరిసిన     శిశిరమా

  శశి నే      దాచిన      తరుణమా

• కనులకు      ఏమయిందో

  కలలను       కాదంటుంది .

  కాదంటుంది    . . .    కలలను  కాదంటుంది .

• కలల లో     వెలిగే     కాంతులను

  చూడనంటుంది   . . .    చూడలేనంటుంది .

• బహుశా      . . .     బహుశా

  కలలకు     చీకటి     కావాలేమో

  కావాలేమో    . . .     చీకటి   కావాలేమో .

నిశి = చీకటి

శిశిరం = మంచు , చల్లని , బుతువు

శశి = చంద్రుడు

వీనులు = చెవులు

యడ్ల శ్రీనివాసరావు 14 APR 2025 6:00 AM.

622. ప్రణతి

 

ప్రణతి

• ప్రియము న      ప్రణతి

  ప్రీతి  న      ప్రణయతి .

• నగవు తో      నడిచిన

  మనసు కి      ఉన్నతి .

• సారిక     . . .   అభిసారిక

  

• ప్రియము న      ప్రణతి

  ప్రీతి న           ప్రణయతి .

• నగవు తో      నడిచిన

  మనసు కి      ఉన్నతి .

• కరము   ల    స్వగతి 

  హృదయ  మ  హారతి .

• విరిసి న     పదము లు

  సంగమ      వారధి .

• ప్రియము న    ప్రణతి

  ప్రీతి న      ప్రణయతి .

• నగవు తో     నడిచిన

  మనసు కి      ఉన్నతి .

• హరిక      . . .      నీహారిక

• బిగువు న    భారము

  దేహపు        దుర్గతి .

• శూన్యపు     శ్రావ్యత

  స్థితము కి     దివ్యత .

• భావపు     వినతి

  రాతల      భారతి .

• భాష న    సమ్మతి

  కావ్య పు       సద్గతి .

• ప్రియము న     ప్రణతి

  ప్రీతి న      ప్రణయతి .

• నగవు తో     నడిచిన

  మనసు కి     ఉన్నతి .

యడ్ల శ్రీనివాసరావు 13 APR 2025 10:00 AM.

621. Fairness - స్వచ్ఛత

 

Fairness - స్వచ్ఛత

• పూర్వం రోజుల్లో ,  కొన్ని తరాల క్రితం  ఈ స్వచ్ఛత fairness   అనే పదం   అందరూ    దేహ స్వరూపం లో   ముఖ వర్చస్సు ,  వస్త్ర ధారణ శుభ్రత   విషయం లో  ఉపయోగించే వారు .   ఆ పదం  శరీర  అందం కోసం వర్ణించే వారు.   

ఎందుకంటే     ఆ పూర్వ కాలం లో   అందరూ  ఇతరులను  దేహభిమానము తో   చూసేవారు , గౌరవించే వారు .   ఎందుకంటే   ఆరోజుల్లో వారికి మనుషుల   మనసు ల గురించి,   వాటి అంతర్గత లోతు  స్వభావం గురించి  మరియు ‌  వాటి శుభ్రత , స్వచ్ఛత (fairness)  అనే విషయాలు  కనీసం అవగాహన  ఉండేది కాదు.  వారికి ఆ అవసరం ఉండేది కాదు.   ఎందుకంటే ,  ఆ రోజుల్లో  ప్రతి ఒక్కరి స్వభావ సంస్కారాలు   ఏ కల్మషాలు   లేకుండా స్వచ్ఛంగా,   శుభ్రత తో (fairness)   ఉండేవి.

• అందుకే   సామాన్య ఆదాయం కలిగి ఉండి, 10 మంది పిల్లలు   ఉన్న   ఉమ్మడి కుటుంబాలు  కూడా  ఒకే మాట పై ఉండేవారు, ఆనందం గా జీవించే వారు.   సంఘం,  సమాజం అంతా   ఒక మాట పై నడిచేవి.  మనుషుల లో స్వతంత్రత ,   స్వేచ్ఛ అనేవి   పూర్తిగా  ఐకమత్యం లో ఇమిడి పోయి  ఉండేవి.  

 ☘️☘️☘️☘️☘️☘️

• కానీ  నేటి కాలంలో   ఫెయిర్ నెస్   అనే  పదం పూర్తిగా   మనిషి మనసు కి ,  మనిషి  అంతర్గత స్వభావానికి   సంబంధించినదిగా   మారిపోయింది . ఎందుకంటే   నేటి కాలంలో  ప్రతీ ఒక్కరూ   తమ  స్థితులు ,  పరిస్థితులు బట్టి  మానసిక కాలుష్యం తో జీవించడానికి  అలవాటు పడిపోయి   ఉన్న వారే.

• నేటి  కాలం లో   స్వతంత్రత,  స్వేచ్ఛ  అనేవి  మనిషి యొక్క   వ్యక్తిగతం గాను ,   మనోభావాలు గాను  పరిగణించే  స్థాయి కి   తన మానసిక  స్థితి ని  ఏర్పరచు కున్నాడు .   మనిషి   ఎప్పుడైతే  వీటి పై అధికారి గా  తయారు  అయ్యాడో  , తాను   ఏది ఎలా చేసినా   సరే   తాను   పెర్ఫెక్ట్  అనే భావం ,  తనకు తానే గొప్ప  అనే   భావన  పొందుతున్నాడు  .  

ఇలా  ప్రతి మనిషి    ఎవరికి వారే  తాము  కరెక్ట్ అని అనుకోవడం   చాలా   సహజంగా  అయిపోయింది. అంతే కాని ,   నేను చేస్తున్నది కరెక్టా ,   కాదా    అని కనీసం    ఆత్మ  విమర్శ      చేసుకోవడం లో   పూర్తిగా . . . . పూర్తిగా   విఫలం   అవుతున్నారు.    దీనికి కారణం   కనీసం ,    తమ యధార్థ స్థితి పై  తాము నియంత్రణ కోల్పోవడం   మరియు  ఆలోచించే గుణం లేకపోవడమే .

• ఈ విషయం బట్టే తెలుస్తుంది ,   మనిషి కి స్వచ్ఛత, శుభ్రత  ( fairness)  అనేది   తన  మనసులో కొరవడుతోంది అని .   తద్వారా    అహంకారం , అజ్ఞానం ,   మూర్ఖత్వం ,   మాయా వికారాలు రాజ్యమేలుతున్నాయి    అని .

🌹🌹🌹🌹🌹

  అసలు ఈ ఫెయిర్ నెస్ ను  ఎలా  చెక్  చేసుకోవాలి.

• మనం   మాట్లాడే మాటలు, చేసే కర్మలు అసలు ఎంత వరకు నిజాయితీ తో ఉంటున్నాయి. అందులో మనల్ని  మనం ప్రతీ విషయం లో సమర్థించుకుంటూ సరిపెట్టుకుంటున్నామా ?   లేదా  లోపాలను సరిచేసుకుంటూ ఉత్తమం గా మార్చుకుంటున్నామా ?

• మన కోరికలు , అవసరాలు తీర్చుకునేందుకు తగినట్లుగా   మన వ్యక్తిత్వాన్ని  ఎవరు చూస్తారు లే అని,   అస్తమాను  మార్చుకుంటూ  ఉంటామా ? లేదా ఒక  నిబద్ధత,   విషయ పరిశీలన తో   ధృడం గా నిశ్చయం తో  ఉంటామా ?

• వ్యక్తిత్వ   హద్దులు  మరచి  విస్తృత మైన ఆలోచనలు  చేస్తూ  వాటి  పరిధి పెంచుకుంటూ, speculation తో   I am always perfectly correct  అనే ముసుగులో ,  కర్మలు(actions) చేస్తూ ఉంటామా ?

• కళ్లెం లేని మనసు కి , స్వచ్ఛత శుభ్రత (fairness) అనేవి  కొరవడతాయి  అనేది వాస్తవం.  ఇది ఆత్మ లో కుసంస్కారమై   మరలా  జన్మాంతరాలు   మనిషికి ఆపాదన   అవుతుంది .

• నేడు ఫెయిర్ నెస్  అనేది   మనసు కి సంబంధించిన అంశం .  ఇది ఎవరికి వారే స్వయంగా చెక్ చేసుకోవాల్సిన అంశం.  ఎందుకంటే , ఫలితం ఎవరికి వారే అనుభవిస్తారు.

• ఒక మనిషి మనసు ఫెయిర్ గా ఉంటే , తనకు ఉన్నంత లో సంతోషంగా ఉంటాడు. ఏ లోటు ను అనుభవించడు.  ఈ గందర “గోళం” లో గజిబిజి గా ఉండడు.  మంచి ఆరోగ్యం తో ఉంటాడు.

 ఎందుకంటే   మానసిక శక్తే   మనిషి ని మనిషి గా నిలబెడుతుంది  …. ఎన్నటికైన  ….  ఎన్నాళ్లైన

యడ్ల శ్రీనివాసరావు 11 APR 2025 10:00 PM.

620. మౌనభాష

 

మౌనభాష 

• మౌన   భాష     తెలుపు

  నీ    అంతర్ముఖతను .

• అందు      చూపు

  నీ    స్థితి    రూపతను  .

• బాహ్య  భాషల   రణగొణులు

  మనసులో    నింపును

  మలినాలు    . . .  మలినాలు .

• ఆసక్తి ని    పెంచే     వ్యర్ధ మాటలు 

  నీ శక్తి ని    తుంచే     జీవాయుధాలు .

• మౌన    భాష     తెలుపు

  నీ    అంతర్ముఖతను .

• అందు     చూపు

  నీ    స్థితి    రూపతను .

• బాహ్య   భాషల    ఘోషల లో

  నిండి ఉండును

  విష  వాయువులు   . . .  విష  వాయువులు.

• తేనే  లొలుకు   అపరిపక్వ  పలుకులు 

  కానరాని    కలతల    కారకాలు .

• మౌన    భాష    చేయు

  నీ     మనసును    శుద్ధము.

• అందు       పెరుగు

  నీ   శుభ   సంకల్పపు   శక్తులు .

• మౌనం     మహిమాన్వితం

  మౌనం     మహిమాన్వితం .

కానరాని = కంటికి కనపడని

కలతలు = Disturbance , చిందర వందర

యడ్ల శ్రీనివాసరావు 10 APR 2025 10:00 PM 

619. ఓ యాత్రికుడా

 

ఓ యాత్రికుడా

• ఓ యాత్రికుడా  . . .   ఓ యాత్రికుడా

  తెలుసుకొను    నీ   గమ్యం .

• ఆత్మంటే     అర్దం    ఎరుగక

  ఆత్మీయత లని     ఎగిరే

  నీ  ప్రేమా పాశాలు   నాటకాలు .

• సంసారం    ఓ   జీవిత సారం

  అదే   నీకు   వేదం .

• ఓ  యాత్రికుడా  . . .   ఓ యాత్రికుడా

  తెలుసుకొను    నీ  గమ్యం .

• అలుపెరుగని    కోరికల    కోసం

  వేసే  నీ   దారులు 

  మల్లెలు   పూసిన     ఊబి  నేలలు.

• వైరాగ్యం     ఓ జీవన  రాగం .

  అదే    నీకు   భోగం .

• ఓ యాత్రికుడా   . . .   ఓ యాత్రికుడా

  తెలుసుకొను    నీ గమ్యం .

• నామ రూపాల    కీర్తనలు 

  నిను  నట్టేటను    ముంచే

  మాయా    నావలు .

• ఆనందం    ఓ   అంతఃరసం 

  అదే   నీకు    కైవల్యం .

• ఓ  యాత్రికుడా   . . .   ఓ  యాత్రికుడా

  తెలుసుకొను   నీ  గమ్యం .

• భావోద్వేగాల    అలజడులు

  నీ  శక్తి     నిర్వీర్యకాలు.

• శాంతం     ఓ  సుఖం

  అదే   నీకు   రాజయోగం.

• ఓ యాత్రికుడా  . . .   ఓ యాత్రికుడా

  తెలుసుకొను    నీ గమ్యం .

కీర్తనలు = పొగడ్తలు 

అంతఃరసం  =  మనసు లో   ఊరేది .

కైవల్యం  = మోక్షం 

యడ్ల శ్రీనివాసరావు 10 APRIL 2025 10:00 AM.

618. వెలుగు రేఖలు

 

వెలుగు రేఖలు 

• ఎన్నో   జన్మల    భాగ్యం

  ఈ   వెలుగు   రేఖలు  .

• అలసిన    వారే      తీరం    చేరును .

  సొలసిన   వారికే    అమృతం   దొరకును .

• తీరం తో     తనివి   తీరుతుంది       తనువు .

  అమృతం తో    అమరం  అవుతుంది    ఆత్మ .

• ఎన్నో    జన్మల    భాగ్యం

  ఈ   వెలుగు    రేఖలు .

• ఓర్పు     సహనం

  రెండు కళ్లు    అయిన   నాడు

  కాలం

  నీ మనో   నేత్రమే  కదా .

• మాయా     మెరుపులు

  క్షణ   భంగుర    ఆకర్షణలు .

• రెప్పపాటులో    సత్   బుద్ధి ని

  ఆవిరి చేసే     నీటి  బుడగలు .

• ఎన్నో     జన్మల    భాగ్యం

  ఈ    వెలుగు   రేఖలు .

• అలసిన    వారే        తీరం      చేరును .

  సొలసిన   వారికే     అమృతం  దొరకును .

• తీరం తో       తనివి  తీరుతుంది     తనువు .

  అమృతం తో    అమరం  అవుతుంది     ఆత్మ .

• భ్రమలలో     బొంగరమై న

  బొమ్మ వే      కదా     నీవు .

• నీవి     కాని     

  ఉచ్ఛ్వాస    నిచ్ఛ్వాసలతో 

  నీవేమి        మోసుకెళతావు .

• ఎన్నో    జన్మల    భాగ్యం

  ఈ    వెలుగు  రేఖలు .

అలసిన =  శ్రమ చేసిన

సొలసిన =  చెమ్మగిల్లిన

యడ్ల శ్రీనివాసరావు  7 APR 2025  3:30 AM

617. ఏకరసము

 

ఏకరసము 

• సాగే   నీ సమయం    సంబరం

 అది    చేర్చును    నిన్ను అంబరం .

• అవని లో    అందలం   ఎక్కినా

  మోసే   నలుగురికి    భారం .

• ఆ   భారం    అవుతుంది

  తిరిగి     నీకు    ఓ బుణం .

• రాజయోగ   సాధనతో   కావాలి

  నీవొక    సూక్ష్మ    స్వరూపం .

• బిందువు గా     మారి

  జ్ఞాన  సింధువు లో    కలిసి

  చేరాలి    విశ్వనాథుని    సన్నిధి .

• సాగే      నీ సమయం     సంబరం

  అది      చేర్చును    నిన్ను  అంబరం .

• వైకల్యపు     కర్మ    ఫలితాలు

  మోయలేని    భారం .

• ఆ భారం తో      భూమి ని

  విడవడం     నరకం .

• ఏకరసమై    కావాలి    శివ సంధానం .

  అది    చేర్చును   నిన్ను   అంబరం .

• సాగే    నీ   సమయం   సంబరం

  అది   చేర్చును    నిన్ను  అంబరం .

అవని = భూమి

అంబరం = ఆకాశం.

అందలం = పల్లకి

ఏకరసము = ఒకే ఒక మానసిక స్థితి.

యడ్ల శ్రీనివాసరావు 4 APR 2025 9:00 AM.